من يعرف لقب "قاسم/kacem" في جميع الولايات

[قَاسِمٌ.قَاسِم]

السلام عليكمورحمة الله وبركاته،..

من يعرف عائلة قاسم في جميع الولايات فليحدثني عنها جزاه الله خيرا

ومن كان لقبه قاسم فليعرّفنا على نفسه وعائلته وإن أمكن أعطانا عنوانه الخاص

سلا..م

[قَاسِمٌ.قَاسِم]

الفقرة الثقافية الترفيهية المسلّية




** الألغاز **و **الأمثال** الشعبية **


والفكرة أن يتجاوب الأعضاءُ معالألغاز والأمثال الشعبية المطروحة بين أيدينا..
بحيث نطلب من العضو أن يختار فقرة إما الألغاز وإمّا الأمثال الشعبية..
الألغاز:
يحاول ايجاد حلٍّ لها ويكون التنقيط من عشرة.
؛
الأمثال:
نطلب منه أن يأتيَ بما يقابلها ويصب في معناها من
آية قرآنية /حديث شريف /حكمة / بيت شعر ..


حاجيتك ما جيتك
(01)
تَتْسَمَّى بِالسِينْ و السِينْ الشَرعِيَّة نَّصْ لِكْ و نَّصْ لِيَّ...؟؟؟
(01)
2/أَلِي أَسْمُو بِالجِيمْ ، وَ جَابْ القَافْ مْعَاهْ، وَصَّلْ القَافْ للمِيمْ، و رْجَعْ الجِيمْ لِمُولاَهْ
(01)
شيخ كْبير كْبِير يمشي بالتَقْدِير ليلة يَكْبَرْ وليلة يصبح صغير
(01)
يا فاهم يا فهيم واش من سورة مافيهاش الميم
(01)

زُوجْ خَاوة نَاس مْلَاحْ. وَاحَدْ حْلُو و آخَرْ قَتاَّلْ لَرْوَاحْ...؟؟؟
(01)
على طفلة وطفل خرجوا يصلحوا بين اثنين الطفلة رجعت والطفل ما بان عليه حتى خبر
(01)
بَابَا شْرَالِي دَارْ حَرْتْ فِي بَنْيَانْهَا ، قْدَرْتْ نَحْسَبْ النْجُومْ فِي سْمَا وَ مَا قْدَرْتْشْ نَحْسَبْ تِيقَانْهَا...؟؟؟
(01)
أسمعوا يا شهودي، رأيت حية بلا رأس وإذا كذبت قطعولي زنودي
(01)
جارية تجري بلا رجل اذا شبعتْ ماتتْ و مات من فيها و إذا عطشت عاشت و عاش من فيها
(01)
زوج خواتات جايات من بلاد النصارى وحدة تخدم الخير و واحدة تخدم الخصارة
(01)
قالوا ناس زمان

1/ ....من خالط الاجواد جاد بجودهم.....و من خالط الارذال زاد عناه
و من جاور برمة انطلى بحمومها.....و من جاور صابون جاب نقاه

2/ ماقعدت على قصاع التمر حتى قعدت على قصاع
الجمر
3 يا ماكل القمح ذريه والريح يدي غبارو لعاد القلب مهموم الوجه يعطي اخباره




4/ ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف اخباره

5/ قالوا راني مغطي غير بالرملة .قالوا حمد الله على رميلتك لايجي الريح ويديها لك
6/ فاعل الخير هنيه بالفرح والشكر ديمة وفاعل الشر خليه فعله يرجع غريمة
7/ الوذن ( الأذن ) تسمع والعقول توازن والعين تْرى والقلوب مخازن
8/ تمشي ناس وتجي ناس وتقعد رضاية الوالدين تاج فوق الراس
9/يبات ياكل مع الذيب ويصبح يبكي مع السارح
10/ اكتم سرك وخبيه سبعين قامة واضحك مع اللي يعديك حتى تصادفَه ْ أيامه
11/ فمي مغلوق وقلبي صندوق وربي من الفوق يخلص الحقوق
12/ شربنا من البير منين كان زين ومنين تخلطوا فيه اليدين خليناه لغسيل الرجلين

13/ الله ينجينا من الوقت الكاسد والجار الحاسد والضنى ( الولد ) الفاسد

14/ با بن آدم يا خايب الطبيعة السن يضحك للسن والقلب فيه الخديعة

15/ يا طالع فوق الجو ابني على الصح ساسك ويا حافر حفرة السوء ما تحفر إلا قياسك
16/ العقل فات الزين ويا سعد اللي حاز الاثنين
17/ لا ترخس نفسك لمن يذلها ولا تشرب من النقيع تموت والدار اللي ما تعجبك بدل غيرها يا لو كان حجرها ياقوت
18/ إلي لا يطعمك عند جوعك ولا يحضر لك مصايب لا تحسبوا من فروعك كان حاضر و الا غايب
20/ اللي يناديك ناديه بالصوت حتى يجاوب واللي يخليك خليه وهبط عليه الحواجب
21/ كنت حاسبك حجر المرجان يصنعوا بيك البزايم طلعت حجر الوديان تمشي فوقك البهايم
22/ خذ ندَّك و والبس قدك وتبع عادة بوك وجدك
23/ ناس من ناس والناس أجناس ناس فضة وناس نحاس ناس ذهب وناس ألماس ناس كيف التاج فوق الرأس وناس تحت الساقين تنداس
ناس كيف الملائكة وناس وناس كيف الوسواس الخناس
24/ صدقوني شيء ما يدوم كيما مشات الضحكة تمشي الهموم
وقد ماطال الليل يطلع نهاره وما يبقى في الوادي غير احجاره
25/ الرجا ء في الله سير معها واللي بغيته غادي تصيبه تعيا ما طير ما تنزل بن آدم ما يدي غير نصيبه

26 / اللي بغى يتزوج يشوف الدار اللي فيها السبوعة باش ملي يتزوج الناس تبقى منه مخلوعة
27/ الأصحاب قد شعر الرأس وقت يجد الجد تضرب على شعرك تلقى روحك فرطاس
28 عيوب الجسم يسترها متر قماش وعيوب الفكر يكشفها أول نقاش
29عيب الأرض في قلة المطر وعيب الرجل في سكاته
اللي يحمل كلمة الذل موته خير من حياته

[nawal29]

كاين في تيارت قاسم قبايل وكاين اخرين لالا

[قَاسِمٌ.قَاسِم]

وين في تيارت

[nawal29]

كاين قاسم مدير تاع مدرسة في تيارت في الرحمة وكاين قاسم قاضي قبايلي

[قَاسِمٌ.قَاسِم]

المشاركة الأصلية كتبت بواسطة nawal29

كاين قاسم مدير تاع مدرسة في تيارت في الرحمة وكاين قاسم قاضي قبايلي

بارك الله فيك على الإفادة

[marwa.setif]

كان يلعب عدنا واحد في وفاق سطيف لقبه قاسم هذا كل ما اعرفه

[paradis_paradise]

كاين في ولية تيبازة

[قَاسِمٌ.قَاسِم]

المشاركة الأصلية كتبت بواسطة paradis_paradise

كاين في ولية تيبازة

بالتحديد أين

[غزتي]

والدتي لقبها قاسم من معسكر

[قَاسِمٌ.قَاسِم]

هل من قاسم يتقاسم معي معاناة البحث عن لقبي

[قَاسِمٌ.قَاسِم]

[قَاسِمٌ.قَاسِم]

[قَاسِمٌ.قَاسِم]

[قَاسِمٌ.قَاسِم]