لا أستطيع اجتياز البكالوريا؟؟؟

[mima.collo]

أختى العزيزة أولا ادا كنت غير قادرة على التركيز يجب عليك فعل مايلى ونشالله تفرحى وتفرحينا

حاولى تنوضى بكري مثلا 4 وأحفظى الاجتماعيات والفلسفة والعلوم الشرعية أكيد تحس روحك ماتقدرش وراسك فارغ مي ماتخافيش هده مجردأوهام و كي تحسى بروحك سرحتى أستغفرى ربي ونشالله يكون معاك ويوفقك
وماتنسايش أرقدى بكرى

[زاكي]

السلام عليكم والله يا اختي هي مسألة تنظيم فقط نظمي وقتك جيدا وقسيمه و بإدن الله سوف تكتشفين أن لبكلوريا مجرد عنوان لا أكثر فأنا مثل غيري متحصل على شهادة التمسخير و طالب سنة أولى علوم بيطرية والله صدقيني أن البكالوريا مجرد لعبة من ألاعيب السيد بن بلا يزيد لا اكثر ولا اقل و ارجوا التوفيق للجميع.

[margrett]

اختي والله انني اعاني من نفس المشكل فقط انا نفهم مليح الفلسفة واعاني من قلة الحفظ اجد صعوبة في بادء الامر لكن كلشي صعب من البداية اصلا الباكلوريا خوف والله انا ميتة بلخلعة لكن دير ربي ديما في بالك وبرمجي وقت وكل مادة اعطيها حقها ما تستهزئي حتى بمادة ااماالفلسفة انصحك بحفظ المقالات وبربي تنجحي تفائلي ديما بالايجاب وثقي بنفسك وانشاء الله ننجحو لانو ربي سبحانو ما ضيع حتى تعاب واحد

[samsoumat mila]

عندك حق أختي باش تقلقي وتخافي رانا كامل وكيما يقوووووووولو لي خاف نجا هكدا لازم نديرو نحكمو الجانب الايجابي تاع الخوف بش نقراو ومانتزهزاوش راه مازال 3شهور للباك تقدري تحفظي الاجتماعيات أما الفلسفة ديري كيما أنا منقدرش نحفظ على هادي راني معولة على تحليل نص راه يعاونك خصوصا كي عدتي تقدري تفهمي الدرس أختي ديري ربي في بالك وبللي راه سبحانه مايقدم لعبدو غير لي فيه الخير وانشاالله يوفقك ربي ويوفقنا كلنا للباك

[soumi_06]

السلام عليكم
اختي و الله عندي نفس المشكل كل مايقرب الباك نزيد نتقلق كتر و كتر بابا و ماما دايمن يقولولي ويدا ما جبتيهش العام هذا ماعليش تجيبيه العام الجاي بالصح انا ماقدرتش نتقبلها تبانلي لوكان مانجيبوش نهبل المهم واش حابة نقولك انا تاني مانيش قادرة نكونصونطري في قرايتي و مرات نبكي نبكي بلا سبة انا تاني مانيش مليحة بالصح لازم نديرو ربي في قلوبنا و منفقدوش الامل شوية ارادة برك و ربي يوفق و في جويليا كيرجعولنا نربحو و نضحكو على رواحتينا هههههه
بالتوفيق انشاء الله

[نسيبةB]

ان شاء الله

[-تيتو-تقي الدين]

المشاركة الأصلية كتبت بواسطة نسيبةb

بصح يقولو تحليل النص مانديوش فيه مليح..عموما..
مام الأستاذ قالنا ماتختاروهش

أنصحك باختيار طريقة الجدل أو المقارنة لأنها الأسهل والكفيلة بجمع أكبر كم من النقاط
أختي أنا طالب متحصل على باكلوريا 2010 ومعيد ان شاء الله باكلوريا 2011 وأدرس سنة أولى هندسة معمارية وعمران
الباك هي مجرد امتحان لا غير وستتأكدين من ذلك بنفسك من الوهلة الأولى وبمجرد الدخول إلى قاعة الإمتحان فلا شئ فيها مخيف...وعلى العموم فالباكلوريا أصبحت في وقتنا لعبة فالنسب أصبحت تحدد قبل المداولات فيخرج علينا بن بوزيد قائلا ستكون النسبة هاذا العام كذا وكذا وفعلا تصدق رؤياه لأنه عالم ب...... ويذهب زبد الثانوية إلى الجامعة ليضيع هباء منثورا أمام الحركات الإحتجاجية للطلبة ومواقف المنظمات ودور الوزارة خاصة أمام انعدام الثقة بين الوزارة المسؤولة والطالب وستدركين حينها بأن ليس كل ما يلمع ذهبا وأن كل ما يمكن أن تنتجه الجامعة الجزائرية هو أستاذ تعليم ثانوي فاشل أدنى مرتبة من شاب بطال يواجه إغراءات لونساج
تمخض الجبل طويلا فأنجب فأراأخوك:مباركة تقي الدين:متحصل على الشهادة الورقة

[ahlem93]

المشاركة الأصلية كتبت بواسطة -تيتو-تقي الدين

بسم الله والصلاة والسلام على رسول الله
أختي الفاضلة لي تعقيب بسيط حول موضوعك ...أنا لي رأي شخصي حوله...لربما ترين في كلامي نظرة تشاؤمية ...ولكن أقولها بكل مصداقية فواقع حالنا لا يدعو للفرح...أختي الباكلوريا أصبحت معنونة ب:"الباك حك تربح"
أصبح كل من هب ودب يتحصل على هذه الشهادة التي أصبحت في حد ذانها رمزية ومجرد شهادة ورقة لا تحمل أي دلالات عن مدى تفوق الطالب ومدى تحصيله العلمي...بل وستضع حدا لكل أحلامك وطموحاتك في حال تحصلت عليها وستكون رصاصة الرحمة التي خرجت من فوهة بندقية بن بوزيد المصوبة على ركيزة جدار أحلام الطالب...لربما ترين في كلامي محض خزعبلات لا غير ولكن والله لن تفرحي بها أبدا وسترين الواقع بأم عينيك وستندهشين لذلك انا حاصل على شهادة الباكلوريا لعام 2010 وأعدت الترشح من جديد عام 2011 وانا طالب سنة أولى هندسة معمارية وعمران
اختي على العموم عليك بالالتزام بالحضور أولا لأنه مفتاح النجاح ثم عليك بالمواضبة وحل أكبر قد ممكن من التمارين والباكلوريات السابقة خصوصا في المواد العلمية أم المواد الأدبية فعليك بالحفظ المستمر وأنصحك بأن تبدأي مرحلة الحفظ في بدايات شهر مارس لكي لا تنسي ما حفظته مع المواظبة على المراجعة المستمرة لما تم حفظه خاصة شخصيات ومصطلحات مادتيي التاريخ والجغرافيا لأنها تأخذ حصة الأسد من العلامة المسجلة في هاتين المادتين ...اما بخصوص مادة الفلسفة فإن لم تفهميها فأنصحك اولا بحفظ منهجية كتابة مقال فلسفي وخصوصا الطريقة الجدلية وطريقة الإستقصاء سواء بالرفع او الوضع وانصحك بالابتعاد عن تحليل النص ثم تحاولين فهم ما يشرحه الأستاذ وربط الدروس ببعضها فإن لم تتمكني من ذلك فأنصحك بحفظ المقالات كما هي وبإذن الله سيكون النجاح والتوفيق من نصيبكأخوك:م.تقي الدين:متحصل على الشهادة الورقة

الله يا اخي عندك الحق في كل كلمة قلتها وراني معاك والباك زهر هادا مكان انا نعرف وحدة من لافامي نتاعنا معدلها كان 16-17 ماتهبطش منو والباك العام الاول نتاعها روحت فرحانة وراني خدمة وصايي الباك مدياتو وربي كبير مي الشوك كان كي قالولها معدلك 9.89 ووحدة اخرى نعرفها معدلها بين 9-10 ودات الباك نتاعها ب 12.90 وواحد مكان مداير راهي رايحة تدي هي وقالت مش رايحة ندي العقوبة للعام الي جاي وداتو والحمد لله والعام الجاي رهي رايحة تتخرج
حبيت نقلك ختي ما تقوليش بلي الباك راني ماقريتش يعني مش رايحة نديه بربي نشاله تربحي المهم نتي خلي الثقة نتاعك بربي كبيرة وكيما قال الاخ الباك حك تربح
وربي يوفقك ويوفقنا ونشوفوك مع بوتفليقة نشاله وماتنسايناش برك :d
ايا بالسلامة

[ابو حفص فاتح]

بالارادة نفعل ما نريد
و لا تدعى الشيطان يسرق املك و حلمك
استعينى بالله و لا تعجزى فالتوفيق منه لا غير
دعائنا لك بالثبات و السداد

[نبيل ناوي]

شوفي أنا جربت الباك الأول نتاعي وكنت متفائل بزززاف ومجبتوش ... وعقبت الباك خائف وحذر وجبتو ب 12 وذركا راني أستاذ أدب ... عقبت الباك في 2007 وقريت 3 سنين أدب أل أم دي ... ماي نقولك حاجة أنا نبشرك بالباك لكان هذا هو الشعور نتاعك ...

[asma36]

اختي توكلي على ربي,و كيما يقولو كل شيء بالامل الا النجاح بالعمل وانت راكي تديري في المستطاع نتاعك وانشاء الله وحطي في بالك ماراكيش وحدك في هادي المشكلة كامل رانا حاسين كيفك واشنو لازم دايما تشوفي للجانب الايجابي و تخلي الحصول على الباك تاعك بالمعدل اللي ذكرتيه هو الهدف الاول و ما تفقديش ثقتك بنفسك لانها اول دافع ليك للنجاح و باذن الله نشوفو اسمك في الجورنال مع القائمة تاع الاوائل اللي داوه بهاد المعدل ماهمش خير منا.
و بخصوص الخوف انا ننصحك بالرقية الشرعية و قراءة شويا قران باه تطمان نفسك

[asma36]

أخني العزيزة أنتي عليك بالإجتهاد و أعلمي جيدا بأنك ستتحصلين على النجاح و هذا النجاح يساوي مدى الجهد الذي تبذلينه في دراستك بينما تلك الأوهام التي تراودك فهي ليست بجهد و لا تعتبر ........ أما بالنسبة لغدم قدرتك على الحفظ فأنصحك بالصلاة و الدعاء و أعلمي أن رحلة الألف ميل تبدأ بخطوة .هذه نصيحة من خالي فهو يدعو لك بالنجاح و أعرضينا في حفلة النجاح...............

[asma36]

اختي قالتلك ديري الزوم في الفلسفة كيفها....هههههههههههههههههه