كوزينة حراير المنتدى

[RIMA.87]

السلام عليكم و رحمة الله و بركاته ،
عودة ميمونة اختي ملاك بعضويتك لي تعودنا عليها و خفة دمك و ابداعاتك المطبخية الجميلة و المغرية ،
ربي يدوم الافراح عندكم و عند جميع المسلمين و ان شاء الله تريحي و تجربي البريوش و تستمتعي بيه،

[أم يوسف2]

ريمة حبيبتي بارك الله فيك على الوصفه نتي ونهولتي
حيوتتي وين راكي يالي فتحتيلنا بابك

[nadia salami]

شكرا لكم على الوصفة بارك الله فيكم وفي القائمين على المنتدى

[RIMA.87]

مساء الخير ام يوسف ،صح فطورك ،
رانا ندورو انا و انت في الكوزينة ههههه

[RIMA.87]

فطورنا اليوم سردين مقلي و شطيطحة اممممم جات بنينة ،تفضلي ام يوسف شاركيني الفطور.

[أم يوسف2]

ههه ريمه لاباس انا نحيت الضرسة واللحم راه يوجع هادي خمس ايام قوليلي كشما تعرفي كاش عفسه تكالمي

[RIMA.87]

المشاركة الأصلية كتبت بواسطة أم يوسف2

ههه ريمه لاباس انا نحيت الضرسة واللحم راه يوجع هادي خمس ايام قوليلي كشما تعرفي كاش عفسه تكالمي

طهورا ان شاء الله ،نهار نحيت ضرسة طبيبة الاسنان ديالي عطاتني مضاد حيوي و دواء تاع الالم ،
حاولي تاكلي حاجة خفيفة حتى تبرا اللثة .

[أم يوسف2]

امممم ماشاء الله ديجا راني ديت طبسي شطيطحة اممم

[ملاك ملاكي]

مساءكم بالخيييير حبيباتي ريمة وام يوسف كي راكم مع هده السخانة ربي معانا فرات
ام يوسف طهورا حبيبتي.... للاسف والله ماعندي خاجة نفيدك بيها مي تهنيتي كي نحيتيها
ريمة يا ريمة الزينة بيك بصحن السردين ياااامي ياااامي بالصحة والعافية على قلبك
انا اليوم تغديت في دارنا.... دارت ماما عدس مي نسيت ماصورتش هاهاهاها وماكليتش هاهاهاها كليت بالرخسيس والفقوس اممممم روعة

[حياة نور الدين]

السلام عليكن حبيباتي وصح فطوركم

ام يوسف راني هنا اختي برك منقدرش ندخل بزاف كما كنت لانه بالميكرو لازم نحط فيه la puce باش نكونكتي ومنقدرش نديرها نهار كامل نسحقها يعيطولي فيها ونعيط بها على هديك حابة نشري تابلات باش نستعملها للجهتين خذحكيتلك حياتي ههههههه وربي يشقيك من الضرس بيناتنا قوليلي شحال بقالك راكي كل مرة تنحي ههه انا عندي زوج وخفت نحيهم هههه

ملوكتي الحلوة والزينة فرحت بزااااف بروجعك معنا بعضويتك ومن نهار رسلتلك كلمة السر وانا نسنى تدخلي ونفرح بطلتك ولباقتك وكرمك يا الزينة تاعنا وتيراميسو ارووع من الاصل حبيبتي تسلمي والف مبرووووووك نجاح اخوك حبيبتي وكي اليوم تخاوي ملاكي الصغير ههههه

ريمة الغالية شكرااا غلى الوصفة حبيبتي والسردين يشهيييييي خاصة شطيطحة امممم

فطوري اليوم كان رفيس بقالي فطروا به الاولاد وانا السخاااانة مقدرتش ناكل من غير فاكهة والحمد الله

[أم يوسف2]

ههههه حيوتة يعطيك الربح ايا بيناتنا ضروس لعقل خرجوني من عقلي صافي نحيتهم كاااامل في ربعة بصح السطر يقتل حتى ننروح للسبيطار ندير لبرة تاع سطر
المهم مزيه جايين فطرف فمي مايبانوش ههههخخخ لوكان كانت كارثه

[أم يوسف2]

حياه وش من رفيس درتي؟
ريمه حبيبتي صحيتي ايه عطاتلي دوا مي تقول ماراني نشرب
ملوكة شكرا حبوبه

[RIMA.87]

هذا رفيس تونسي دراتو اختي ام مريم الاسبوع الماضي

[أم يوسف2]

ياريمة ياريمة وهداك الرفيس تعرفي نموت عليه بصحتكم

[*توبــــة*]

سلااااااام يا احلى واغلى رفقة
ليكم وحشة كبيييييرة
اكيد مانسيتونيش ههههههههه
حيوووتي نشوف ويلا كاين نشاط ف القسم
نحل الكوزينة... ويلا غياب جماعي خلينا هك هههههه