ورشة خياطة قفطان بقماش العدس - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم التفصيل و الخياطة > قسم الورشات والمسابقات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

ورشة خياطة قفطان بقماش العدس

إضافة رد
 
أدوات الموضوع انواع عرض الموضوع
قديم 2016-01-18, 21:00   رقم المشاركة : 1
معلومات العضو
حنين فتـاة
عضو نشيط
 
إحصائية العضو










افتراضي ورشة خياطة قفطان بقماش العدس

السلام عليكم ورحمة الله تعالى وبركاته
بناء على طلب الاخت ساندي راح نحطلها كيفاش تخيط قفطان بقماش العدس او الجليتر كيما لي راه فالصورة












هدا تطبيقي ليه

اولا نحتاج ل 3 مترات تاع قماش لاموسلين اسود سامبل سعرها 35 الف للمترة


مترة وربع قماش الجليتر احمر قيمتو 85 الف للمترة


3 مترات قماش ساتان دياموند يدير 65 الف وزيوتنات وحدة سوداء ووحدة حمراء وكروشيات تاع المحزمة

الكرطونة تاع المحزمة

والقالون حوالي 16 الى 17 مترة هدا شريتو ب 12 الف للمترة كاين لي خير منو بصح يسوى 16 ولا 18 الف للمترة









 


رد مع اقتباس
قديم 2016-01-18, 21:09   رقم المشاركة : 2
معلومات العضو
ساندي 28
عضو متألق
 
إحصائية العضو










افتراضي

بارك الله فيك اختى حنين ربي يجازيك كل خير فى انتضار التكمله










رد مع اقتباس
قديم 2016-01-18, 21:13   رقم المشاركة : 3
معلومات العضو
حنين فتـاة
عضو نشيط
 
إحصائية العضو










افتراضي

نبداو على بركة الله
اولا نحكم الكتان الاحمر نطويه على 2 ومن بعد على شكل مثلث كيما فالصور

نروح لاحدى جهات المثلث المتقابلة نشوفو بلي كاين جهة مغلوقة وجهة مفتوحة راني وريتلكم بيدي كيفاش

يعني القماش هنا راه على 4 ضرك نحسب محيط الكرش ونقسمو على ربعة وحط القياس على الكتان


لما نحسب محيط الكرش نحطها على الزاوية لي لفوق ومن بعد نروحو للجهتين المتقابلين لازم الطول تاعهم يكون كيف كيف


هنا كي نحسبو الطول لي راكي حابة القفطان يكون فيه نوصلو بين الجيهتين هكدا كيما راني موضحة فالصورة ومن بعد نقصو نتحصلو على هدي النتيجة



لما نفتحو نديرو الجهتين لي يركب عليها القالون فالوسط هكدا



الان نروحو للكتان الاسود نديرو نفس الطريقة تاع الكتان الاحمر لكن الكتان الاسود نطولوه شوية ب 1 او 2 سم ونحطو فوقو الكتان الاحمر ونقصو










رد مع اقتباس
قديم 2016-01-18, 21:19   رقم المشاركة : 4
معلومات العضو
حنين فتـاة
عضو نشيط
 
إحصائية العضو










افتراضي

ضرروك نقلك كيفاش تركبي القالون
تحكمي الكتان للجهة الحقيقة تاعو وديري قلبو خفيفة للجهة البرانية تاع الكتان يعني تقلبي الكتان ب 1 سم للجهة الحقيقة
باش نفهمك كتر
شفتي كيفاش موالف ندير قلبة من تحت موالفين نديروها للداخل؟؟بصح كي تحبي تركبي القالون ديريها للبرا باش يركب عليها الكتان باش ميتسرسبش الكتان ومينحلش خاطرش الساتان تنحل
احكمي الكتان خيطيه كامل بيدك ومن بعد كاين وحد اللصقة يديرو بيها القلبة للحجابات راهي تتباع غولون يدير 16 الف ديريها فوق القلبة وديري فوقها القالون وفوتي عليها بالمكواة لازم تكون تاع بخار فوتي عليها وحدي مليح هكدا باش يلصق وكي تجي تخيطي القالون ميتعوجش انا هدي الطريقة نخدم بيها كي نكون نخدم القالون دايمن يجيني القالون مرتب ومستقيم وميعواجش
غدوة ان شاء الله نصورلك البوبينة تاع اللصقة راهي تتباع عند لي يبيع لوازم الخياطة قوليلو السكوتش لي يديرو بيها القلبة تاع الحجابات راح يفهمك
ديري قاع القالون من الجهتين لي فالامام وسيري بيه كامل من تحت باش يجيك باهي وديري للكتان الاسود والاحمر في زوج والا مفهمتيش كاش حاجة قوليلي
كي تكمليهم بالمكواة رجعي فوتي عليهم بالمشينة خيطي القالون والقالون باش ميكمشلكش القماش اغسليه بنهار من قبل وخليه ينشف باش يولي طري خاطرش القالون شوية يشرب
وكي تكملي خياطة القالون ديري الكتان الاسود فوق الكتان الاحمر وقبضيهم بلبرة والخيط من جهة الكرش باش تبلاصيهم فالكتان لي لفوق










رد مع اقتباس
قديم 2016-01-18, 21:33   رقم المشاركة : 5
معلومات العضو
حنين فتـاة
عضو نشيط
 
إحصائية العضو










افتراضي

ضروك نروحو لكتان الجليتر
اولا نحكمو الكتان نديروه على ربعة كيما راني دايرة فالصورة ونفس الشي عندنا جهة مغلوقة وجهة مفتوحة
نفصلو جهة الرقبة اول شي




من بعد نفصلو الذراعتين



من بعد نفصلو المقاس تاع جسمنا من جهة الصدر والكرش من الاحسن جيبي كاش فاست ولا تريكو ولا روبة حطيها على الكتان ورسمي وخلي حساب الخياطة وقصي والطول تاع الكتان هدا وصليه عند السرة نيشان



هنا كي تفصلي احكمي الجهة المغلوقة خليها للرقبة والجهة المفتوحة خليها للجهة الامامية كيما راني موضوحة ومن بعد فصلي شكل العنق لي راكي حاباتو





تقبضي هدو الجهتين الخياطة تكون للبرا يعني منخيطوش للداخل ..نخيطوه للبرا باش القالون يكون فوق الخياطة كي تحكمي هدو الجهتين بالمشينة احكمي جهة الكتفين مع بعضاهم ومن بعد من جهة العنق والرقبة تاني ديري قلبة خفيفة للبرا باش يركب عليها القالون وركبي القالون تاعك وبعد ما تركبي القالون للجهعة الفوقانية خيطيهم الجهة الفوقانية مع التحتانية

ومن بعد فصلي الاكمام كيما هكدا وديريلهم القالون في طرفهم










رد مع اقتباس
قديم 2016-01-18, 21:42   رقم المشاركة : 6
معلومات العضو
حنين فتـاة
عضو نشيط
 
إحصائية العضو










افتراضي

بالنسبة للمحزمة جيبي الكتان الجليتر قطعة طويها على تكون مناسبة لتغليف المحزمة قد قد
ركبيلها القالون قبل متغلقيها وكي تركبي القالون اغلقيها ودخلي فيها المحزمة والمحزمة تقدري تنقصي من العرض نتاعها كي تدخلي خلي قيس 2 سم من كل جنب باش تطوي لخياطة للداخل وتخيطيها وكي تغلفيها كامل سخني المكواة وفوتي عليها باش يلصق الكتان على المحزمة ومن بعد ركبي الكروشيات تاوعك وركبي الزويتنات للقالون
وفي الاخير نتمنى فهمتيني والا مفهمتيش اسألي ونجاوبك عادي
وكل لي استفادت من الوضوع ادعولي بسكنة تجمع شملي انا وزوجي وولدي ان شاء الله متبخلوش عليا بالدعاء










رد مع اقتباس
قديم 2016-01-20, 14:04   رقم المشاركة : 7
معلومات العضو
غزالة1
عضو مميّز
 
إحصائية العضو










افتراضي

السلام عليكم
شكرا الف شكر على الورشة
دعيتلك في موضوع اخر و الان اعيدها
يا رب يا رحيم ارزق حنين سكنا يلم شملها هي و عائلتها الصغيرة
اللهم لا تفرقهم يا ارحم الراحمين من لها سواك اللهم و ارزقها الرضا










رد مع اقتباس
قديم 2016-01-20, 15:04   رقم المشاركة : 8
معلومات العضو
اكرام حنين
عضو مشارك
 
الصورة الرمزية اكرام حنين
 

 

 
إحصائية العضو










افتراضي

جزاك الله على هادا العمل الرائع ربي يرزقك بسكنا وصحة وعافية سوالى هو مبطنتيش القماش اللى درتيه فى الصدر سلامى










رد مع اقتباس
قديم 2016-01-20, 16:21   رقم المشاركة : 9
معلومات العضو
حنين فتـاة
عضو نشيط
 
إحصائية العضو










افتراضي

اقتباس:
المشاركة الأصلية كتبت بواسطة اكرام حنين مشاهدة المشاركة
جزاك الله على هادا العمل الرائع ربي يرزقك بسكنا وصحة وعافية سوالى هو مبطنتيش القماش اللى درتيه فى الصدر سلامى
لالا اختي مبطنتوش بصح تقدري تبطنيه بالكتان تاع الصيف باش يجيك بارد
شكرا على الدعوة ختي









رد مع اقتباس
قديم 2016-01-20, 16:22   رقم المشاركة : 10
معلومات العضو
حنين فتـاة
عضو نشيط
 
إحصائية العضو










افتراضي

اقتباس:
المشاركة الأصلية كتبت بواسطة غزالة1 مشاهدة المشاركة
السلام عليكم
شكرا الف شكر على الورشة
دعيتلك في موضوع اخر و الان اعيدها
يا رب يا رحيم ارزق حنين سكنا يلم شملها هي و عائلتها الصغيرة
اللهم لا تفرقهم يا ارحم الراحمين من لها سواك اللهم و ارزقها الرضا
شكرا لك اختي ربي يحفظك









رد مع اقتباس
قديم 2016-01-20, 17:54   رقم المشاركة : 11
معلومات العضو
om ayoub 2
عضو مجتهـد
 
إحصائية العضو










افتراضي

بارك الله فيك أختي و جعله الله في ميزان حسناتك










رد مع اقتباس
قديم 2016-01-20, 20:57   رقم المشاركة : 12
معلومات العضو
حنين فتـاة
عضو نشيط
 
إحصائية العضو










افتراضي

شكرا لك اختي م ايوب










رد مع اقتباس
قديم 2016-01-20, 22:15   رقم المشاركة : 13
معلومات العضو
ام ورود
عضو مميّز
 
إحصائية العضو










افتراضي

ورشة هايلة وشرح وافي اختى جزاك الله كل خير....ورزقك ببيت يلم شملك انشاء الله










رد مع اقتباس
قديم 2016-01-20, 22:35   رقم المشاركة : 14
معلومات العضو
حنين فتـاة
عضو نشيط
 
إحصائية العضو










افتراضي

شكرا ام ورود على الدعوة والمرور










رد مع اقتباس
قديم 2016-01-21, 05:10   رقم المشاركة : 15
معلومات العضو
ام حمزة22
๑ஐ◄مُتألِّق ديكوري►ஐ๑
 
الصورة الرمزية ام حمزة22
 

 

 
الأوسمة
نجمة التحديات العضو المميز 
إحصائية العضو










افتراضي

السلام عليكم

ماشاء الله
يعطيك الصحة على المجهود المبدول ربي يجازيك كل خير ويحققلك كل امنيك










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:16

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc