أريد حل لصرير الباب

[ورود عطرة]

السلام عليكم الموضوع في العنوان انتظر مساعدتكم
حابة باب غرفتي يبطل مايدير الحس كي نفتحو وشكرا لكم

[rycerz]

فكي الباب و نظفي الرزّات و من بعد ديري عليهم قطرات زيت .. و إذا ماكانش الحلقات الحديدية في الرزة ديريهم .. و من بعد رجعي الباب

[Om shahed]

افتحي باب و ديري عليه فليتوكس في هاذوك لحديد مجربة و فعاالة 100/100 تشوفيه يتفتح بلا صوت

[أنا ستازيا]

ديري الزيت في ابرة الحقن (seringue) وديريه في هاذوك لحدايد لي فالشوكة نتاع الباب و ابقاي ديري بالشوي و حركي الباب عدة مرات يعني حليه و اقفليه باه تفوت هاذيك الزيت وسط الحديدة حتى يحبس الصوت.

الفليطوكس ثاني ينحي الحس نتاع الباب كيما قالت الأخت لكن مايطولش و يرجع الحس يعني على الاكثر سمانة خاطر فليطوكس يشيح ليه ليه، بعكس الزيت يبقى مفعولو مدة طويلة (ثلاثة الى اربعة أشهر أو أكثر)