افضل وكالة سفر للحجز

[ام جابر.]

ما
اخوتي مالقيتش
كيفاه نكري في تونس
والناس لي قدمو العروض
هم في الاساس سماسرة
لذلك قررت نحجز من هنا قبل مانروح تم

ما هي افضل وكالة موثوقة لحجز شقة او استديو طبعا خارج الجزائر..
لي يعرف يعطينا رايو
وربي يجازيكم خير.

[علي لقواطي]

من أي ولاية أنت ؟؟

[ام جابر.]

الجزائر العاصمة اخي..

[mrmilano1984]

حداري حداري اختي انا تونس هادي رحتلها عدة مرات وبلاكي تثقي في اي واحد واصلا كي تكري لازم تكري عند صاحب الشقة انا كنت نروح مع صديق لي نطيحو في سماسرة صدقيني فلس مايدوه دينار مايدوه حتي نلقاو صاحب ومالك الشقة باش نخلصو مالنا لدا تريثي جدا وابحثي بعقلك وراحتك لانو صح كما تقولين معمرة نصابين وسماسرة همهم الجشع والمال ويقولك ويكدب عليك ويقسملك انو صاحب الشقة وهو كي تشوفي في وجهو تقول خرج من حانة وصاحب سوابق عدلية ووو المهم
صاحب ومالك الشقة لازم نتي بعينيك تميزيه ويبان
لو نحكلك تشبعي ضحك علي هادو السماسرة التوانسة تلقايهم في كل مكان الحيط البوطو حتي شارع ويمشي ويلوحلك وفي الارصفة علي راسهم غر مايشوفوك سائح وجزائري يلهث ورائك حاشاكم كي الحيوان من اجل سحب دنانير منك لدا تجاهليهم ولاتتكلمي معهم ابدا وانصرفي
اتكدر عندها 3 سنوات كي دهبنا لسوسة كي وصلنا لواحد الشقة قبل مانوصلوها كان واحد مريح في شارع امام محل وشافنا باغراضنا كابات جا يلهث ورائنا وقالنا حاجتكم بشقة طبعا احنا عرفناه سمسار ايا حاب بسيف نخلصوه مال واصلا صاحب الشقة ماكاش في المحل كان بعيد ايا ماكريناش حتي تاكدنا من هوية صاحب الشقة كي جا تكلمنا معاه وورالنا عقد البيت وكل شيء وبان فعلا انو هو صاحب الشقة حتي من مضهرو يبان انسان جد محترم ومثقف هداك السمسار طلب من في الاول 100دينار حسبنا اثرياء وصاحب شقة تفاوضنا معاه حتي ثمن 45 دينار شوفي الفرق كبير بين سمسار سراق ونهاب وثمن حقيقي للشقة
لدا من الاحسن تحوسي مليح مليح نضن كاين مواقع فعلا لاصحاب الشقق الاصلية في سوسة

[mrmilano1984]

نصيحة لك لاتحجزي ايضا عبر وكالات يدو معاكم بزاف وياخدو نسبة كبيرة جدا لدا حوسو وحدكم حتي تلقاو وحجزو بكل راحة

[ام جابر.]

شكرا لك.. ربي يجازيك خير
اخي mrmilano
والله كل حاجة وكل معلومة نسمعها من عندكم هي بمثابة كنز ليا..
واكيد ساعمل بنصائحك وإرشادات
القيمة والمفيدة..
نسقسيك اخي
فرضا لولم نحجز من هنا
هل سيكون من السهل
تواجد ال كراء
خصوصا مع عناء السفر والاعياء الناجم عنه
علما اننا ننوي الانطلاق فجرا ان شاء المولى.
اذا كان بمعيتك ارقام وهواتف
ملاك حقيقيين لشقق هناك
ارجو تزويد بها
ولكل جزيل الشكر.
بارك الله بك.

[mrmilano1984]

والله عندي رقم تاع صاب شقة مانعرف ون راه كي نلقاه نمنحهولك اكيد ايضا شوفي مواقع بوكينغ او اوبوكينغ نضن يحطو فيها اصحاب الشقق الاصلية ومالكيها فهمتي هل شفتي فيهم ام لا اضربي طلة فيهم ايضا سيعطوك هنا ارقام هواتف ملاك

[رفيق الكل]

السلام عليكم
الحجز بالوكاله له ايجابيات وسلبيات فلاتحتاج لتبديل العمله واخذ معك النقود وتجد شقتك او غرفتك جاهزه ومعلوم مكانها
اما سلبياتها ممكن تقع في مكان غير مناسب لرغبتك مثل غرفه مطله على الطريق وانت تريد الهدوء او تجد المكان بعيد عن البحر او عن المحلات التجاريه او معزول
في رحلات الحافلة اطاله وقت الذهاب للوصول الى الفندق في ساعه الثانيه زوالا لذلك الاحسن حجز بالوكاله الغرفه فقط للاشخاص العادين اما العائله على حسب ظروفهم
بالتوفيق

[ام جابر.]

بوكينغ
لايوجد به سوى الفنادق
بحتت غن مواقع لكراء شقق لكن دون حدوى
ان استطعت ان نزودني برقم هاتق احدهم
ساكون ممتنة لك
شاكرة ومقدرة اهنمامكم..

[mounib13]

ياخت ام جابر اعطيك موقع تونسي مثل واد كنيس لكن هو تونسي تجدين كل ما تبحثي عليه في تونس فقط تختاري immobilier +******** de vacances +destination
الموقع هو tayara.tn

[ام جابر.]

الشكر موصول لك اخ منيب
ساطلع عليه وان شاء الله اجد ضالتي.

[mrmilano1984]

لكن اختي هي مادابيها موقع فيه ويربطها مع اصحاب الشقق وملاكها مباشرة وليس سماسرة او حتي مكاتب وسيطة لانو هناك ايضا كاين عمارات شاهدتهم عندما تدخلين تجدين مكاتب صغيرة تستقبل اضنها تاخد نسبة طبعا وهي من تاجر لاصحابها الدين في العادة يتركون شققهم ويؤجروها لدا تفحصي جيدا من هوية اصحابها كي لاتختلط عليكم الامور +وجدت رقم هاتف صاحب الشقة يعني هو ابنها اي ابن مالكتها وهدا رقمه ان لم يغيره اسمه ماجد او مجدي رقمه هو
216 خاص بالدليل لتونس 00216475700

[ام جابر.]

شكرا بارك الله فيك

[mrmilano1984]

هل وجدتي شيء هل من جديد اختي بخصوص شقة او فيلا مثلا اتمني انك وجدتي واحدة للكراء بخصوص موقع التونسي عمري ماحجزت منو صراحة ولااثق فيهم صراحة ربما تجدين ناس جادين وثقة لكن ابحثي في داك الموقع بعقلك وميزي طبعا