مشاركتي في مسابقة احسن طبق تقليدي ما بين الولايات "ثعصvانت من تيزي وزو " - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المسابقات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

مشاركتي في مسابقة احسن طبق تقليدي ما بين الولايات "ثعصvانت من تيزي وزو "

إضافة رد
 
أدوات الموضوع انواع عرض الموضوع
قديم 2016-11-20, 12:49   رقم المشاركة : 1
معلومات العضو
انا هي رزيقة
عضو محترف
 
إحصائية العضو










افتراضي مشاركتي في مسابقة احسن طبق تقليدي ما بين الولايات "ثعصvانت من تيزي وزو "











نهاركن سعيد فحلات الجلفة واقيلا راكم تستناو حتى نحط مشاركتي باه تعاندوني ...... خخخخخخخخ اوكي حبيباتي يشرفني ان اشارككم احد االاطباق التقليدية الكثيرة الحبيبة على قلبي و ذلك بفضل هذي المسابقة الجميلة التي اتاحت لنا فرصتها مشرفتنا المبدعة زينب شكرا اختي زينب ... في الحقيقة احترت في اختياري لاني عندي وصفات تقليدية كثير لكن بضعها يتطلب جهدا و وقتا لا امتلكهما للاسف ..... لهذا اخترت هذا الطبق السهل و البسيط جدا جدا بصح بنين اكيد ..... خخخخ طبق من تراثنا القبائلي العريق و من ولاية تيزي وزو بالتحديد بصح بطريقة عائلتي لانو فيه وصفات كثير لنفس الطبق . انه طبق ثعصvانت انطقيها كيما راكي تشوفيها ...... خخخخخ او عصبان السميد... و جيراننا في بجاية يقولولها تيكرvاvين ....خخخخخخ حبيت نعلملكم تنطقوها على اصولها ...... خخخخخخخ
هذا الطبق علمتهولي جدتي من ابي ربي يرحمها و يجعل مثواها الجنة . حضرتو على طريقتها الخاصة بصح للامانة أضفت لمسة من عندي و هي زيادة قطعة دجاج و كمشة صغيورة عدس كاين كثير يضيفوها بصح هي متحبوش الله يرحمها .كيما قلتلكم الجدات القبايليات يحبو البساطة و عدم تكليف انفسهن في حياتهن اليومية و هذا طبق تع كل يوم بصح مشبع و غني الى ابعد الحدود و شتوي بامتياز
نبدا على بركة الله قاعدة الطبق سميد متوسط و زيت زيتون و نعناع يابس و بطاطا و بصل و ثوم و فلفل عكري و راس الحانوت و فلفل اسود و قصبر مطحون و ملح و شوية طماطم مصبرة و قطعة صغيورة جدا من شحمة العيد صدقوني متبانش خلاص بصح تعمل اختلاف في الذوق و قرن او 2 فلفل حار يابس او لا لك الاختيار . و اضافاتي الخاصة هي الدجاج و شوية فقط عدس و حشيش قصبر.
نبدا اولا بالصوص نحط البصل مقطع رقيق يتقلى مع الدجاج و الثوم و التوابل و حوالي ملعقتين او 3 زيت عادية و كمشة صغيورة عدس مغسولة مليح و ملعقة صغيرة طماطم مصبرة نقلي الكل مليح ثم نزيد حبة طماطم صغيرة مقطعة رقيق و نزيد نقلي ثم نمرق بكمية مليحة من الماء (حوالي 5ر1 لتر) لانو رايحين نستعملو الصوص للم عجينة كريات السميد و ثاني الكريات لازملها صوص باه تطيب و لازم يبقى شوية صوص باه ناكلو الكريات معاها . بعد 10 دقائق من غليان الصوص نرمو فيها البطاطا مقطعة مكعبات و نزيد قرن الفلفل الحار . اذا مدرتيش دجاج قلي البطاطا تاعك من البداية مع البصل و الثوم .
نروحو لكريات السميد تاعنا في صحن عميق نحطو السميد متوسط مع قرصة ملح متكثروش لانو رايحين نلموه بالصوص لي هي مالحة زيدي شوية فلفل عكري لي تحب الحار تستعمل عكري حار و نفتتو فيه هذيك الشحمة بصباعتينا حتى نذويوها كامل في السميد تولي متبانش خلاص ثم نزيدو نفتتو النعناع اليابس في السميد نطحنوه ما بين صباعتينا مليح و نخلطو لازم تشوفي النعناع باين فيه ثم اضيفي كمية من زيت الزيتون هنا لك الاختيار لي تحب روحها مليح تدير غير زيت الزيتون و لي تحب روحها نص نص تدير نص زيتون و نص زيت عادية و لي متحبش روحها خلاص تدير غير زيت عادية ...... خخخخخخ نبسسو السميد حتى يولي شغل مقروط هذ الخطوة مهمة جدا لانها هي لي راح تعطيك كريات طرية و مبسسسة امممم ...زيدي شوية حشيشة قسبر مقطعة رقيقة ثم لمي العجينة بالصوص لي راهي تغلي كي شغل راكي تلمي في المقروط او المبسس لازم تستعملي يدك باه تحسي بالقوام المطلوب و متخافيش مش رايحة تنحرقي في الاول خلطي بملعقة ثم استعملي يدك . شكلي الكريات تاعك على ذوقك (سواء شكل دائري او بيضوي) ثم ارميها في الصوص بعد متكوني نقصتي النار (لازم الدجاج يكون طاب) و كي تكملي كل الكريات احكمي المرميطة تاعك من يديها و دوريها شوية باه الكريات يسقمو رواحتيهم و يحكمو مليح بلايسهم .....خخخخخ زيدي رشة نعناع يابس من فوق ودوقي الملح و خلي الكل يطيب على نار متوسطة حوالي 10 دقائق او 13دقيقة اقصى حد على حساب كمية الكريات . هاهو قوام الطبق كي نطفي عليه الكريات يكونو طابو كي تحكمي وحدة و تقسميها تلقياها ولات صفراء من الداخل و حاكمة روحها كيما هك. و خلاص .... تم بحمد الله و لك اختي الاختيار في تقديم طبقك تاكليه بالصحة و العافية هنا صورة مقربة ......خخخخخخ
و هنا بدون لحم و








 


رد مع اقتباس
قديم 2016-11-20, 12:59   رقم المشاركة : 2
معلومات العضو
نور الإسلام26
عضو مميّز
 
الصورة الرمزية نور الإسلام26
 

 

 
الأوسمة
نجمة التحديات 
إحصائية العضو










افتراضي

سلام عليك
اختي الله يبارك يعطيك الصحة
بصحتكم بالتوفيق ان شاء الله










رد مع اقتباس
قديم 2016-11-20, 13:06   رقم المشاركة : 3
معلومات العضو
اريج 07
عضو محترف
 
إحصائية العضو










افتراضي

واااو واااو زقزوقتي رووووعة والله معلبالي بهاذ المسابقة مي شفت اسنك دخلت نجري هههههه رووووعة حبيبتي والله شهتيني و سخفتيني. دمتي متالقة










رد مع اقتباس
قديم 2016-11-20, 13:12   رقم المشاركة : 4
معلومات العضو
ام حمزة22
๑ஐ◄مُتألِّق ديكوري►ஐ๑
 
الصورة الرمزية ام حمزة22
 

 

 
الأوسمة
نجمة التحديات العضو المميز 
إحصائية العضو










افتراضي

السلام عليكم

ماشاء الله طبق رائع راه يشهي رزوقة يشبه لطبق تيكربابين لي كانت تقدمو جارتنا ربي يدكرها بخي مازالت بنتو في فمي مممممممم

يعطيك الصحة حبيبتي وبصحتكم


على فكرة كنت حابة نقدم الموضوع البارح لكن ضروفي ما سمحتليش واليوم عندي ساعتين وانا معاه بالعافية باش قدرت ادرج الموضوع من نقص النت

تحياتي الحارة رزوقة
بالتوفيق

سلااااام










رد مع اقتباس
قديم 2016-11-20, 13:22   رقم المشاركة : 5
معلومات العضو
sunshine2013
عضو مميّز
 
إحصائية العضو










افتراضي

يعطيك الصحة اختي طبق رائع
موفقة










رد مع اقتباس
قديم 2016-11-20, 13:31   رقم المشاركة : 6
معلومات العضو
um alaa
عضو مميّز
 
إحصائية العضو










افتراضي

يييي زقزوووقة روووعة تسلم ايديك تامني و الله غير كنت ناوية نديرو بطريقة جدتي ربي يحفظها معليش سبقتييني ههه و الله من ايديك تحفة بارك الله فيك










رد مع اقتباس
قديم 2016-11-20, 13:49   رقم المشاركة : 7
معلومات العضو
ملاك ملاكي
عضو متألق
 
الصورة الرمزية ملاك ملاكي
 

 

 
إحصائية العضو










M001

ياااااااي اكيييييد الحلو ما يجي من ايديه الا الحلو
الله يبااااارك ماشاء الله...... فالفعل يشهي اممممم
يعطيك الصحة زقزوقتي
موفقة ان شاءالله
مواااااااااح










رد مع اقتباس
قديم 2016-11-20, 13:53   رقم المشاركة : 8
معلومات العضو
oum fadoua
عضو فعّال
 
الصورة الرمزية oum fadoua
 

 

 
الأوسمة
مائدتي تتجمل لرمضان 
إحصائية العضو










افتراضي

يعطيك الصحة تسلم ايديك










رد مع اقتباس
قديم 2016-11-20, 13:57   رقم المشاركة : 9
معلومات العضو
حياة نور الدين
مشرفة منتدى الطبخ
 
الصورة الرمزية حياة نور الدين
 

 

 
الأوسمة
الوسام الذهبي  لقسم الأسرة و المجتمع 
إحصائية العضو










افتراضي

يعطيك الصحة رزيقة طبق وباين غني ومغدي حبيبتي بالتوفيق










رد مع اقتباس
قديم 2016-11-20, 14:06   رقم المشاركة : 10
معلومات العضو
~اسيل ريحانتي~
عضو محترف
 
الصورة الرمزية ~اسيل ريحانتي~
 

 

 
إحصائية العضو










افتراضي

يعطيك الصحة اختي رزيقة طبق جديد عليا حنا نديرو هداك الكرات في الطعام والبركوكس يشبهو للتعمير بصح نتاعك راه يشهي مممممممم ان شاء الله نجربو ههههه بالتوفيق حنونة









رد مع اقتباس
قديم 2016-11-20, 14:27   رقم المشاركة : 11
معلومات العضو
القبايلية
عضو مجتهـد
 
الصورة الرمزية القبايلية
 

 

 
إحصائية العضو










افتراضي

شكرا رزيقة يعطيك الصحة فكرتيني في الطبق










رد مع اقتباس
قديم 2016-11-20, 15:36   رقم المشاركة : 12
معلومات العضو
RIMA.87
مشرفة قسم الأشغال اليدوية
 
الصورة الرمزية RIMA.87
 

 

 
إحصائية العضو










افتراضي

و عليكم السلام و رحمة الله و بركاته
ما شاء الله لا قوة إلا بالله،
بارك الله فيك و ربي يحفظك على خفة دمك و عفويتك و على الطبق التقليدي القبائلي الحر ،سمعت عليه الكثير لم اتذوقه بعد و شهيتيني فيه لكن طريقتك في طرح الموضوع جد رائعة و مشوقة و مفيدة ،و المعلومة لي قدمتيها انك ترجمتي اسم الطبق للعربية عصبان السميد و هذا لي زاد للمضوع غنى و الصور ما شاء الله ذات نقاوة ،
ربي يرحم جدتك و جميع موتى المسلمييين و ربي يجعل هذا الجهد في ميزان حسناتك ،

تقبلي سلامي اختي رزييقة
لك مني أحلى تقيييم
بالتوفيق في المسابقة










رد مع اقتباس
قديم 2016-11-20, 15:38   رقم المشاركة : 13
معلومات العضو
ام هدول
عضو متألق
 
الصورة الرمزية ام هدول
 

 

 
إحصائية العضو










افتراضي

تحفة والله من تحت ييدك ...الطبق نعرفو نسمع بيه وعمري لادقتو اكيد رايحة نجربو بطريقتك ..الف شكر على الشرح والتوضح والف شكر لي علمتهولك ..ربي يرحمها ويجعل متواها الجنة ...










رد مع اقتباس
قديم 2016-11-20, 16:41   رقم المشاركة : 14
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة نور الإسلام26 مشاهدة المشاركة
سلام عليك
اختي الله يبارك يعطيك الصحة
بصحتكم بالتوفيق ان شاء الله
ربي يبارك فيك اختي و في كل عزيز عليك الف شكر على مرورك العطر
اقتباس:
المشاركة الأصلية كتبت بواسطة اريج 07 مشاهدة المشاركة
واااو واااو زقزوقتي رووووعة والله معلبالي بهاذ المسابقة مي شفت اسنك دخلت نجري هههههه رووووعة حبيبتي والله شهتيني و سخفتيني. دمتي متالقة
شهيتك في الجنة حبوبتي ربي يخليك على كلامك العسل يا عسولتي راه مزال الوقت يا ريت تشاركينا بطبق تقليدي بسكري من تحت ايديك و حياة عينيك بليز حنونة
اقتباس:
المشاركة الأصلية كتبت بواسطة ام حمزة22 مشاهدة المشاركة
السلام عليكم

ماشاء الله طبق رائع راه يشهي رزوقة يشبه لطبق تيكربابين لي كانت تقدمو جارتنا ربي يدكرها بخي مازالت بنتو في فمي مممممممم

يعطيك الصحة حبيبتي وبصحتكم


على فكرة كنت حابة نقدم الموضوع البارح لكن ضروفي ما سمحتليش واليوم عندي ساعتين وانا معاه بالعافية باش قدرت ادرج الموضوع من نقص النت

تحياتي الحارة رزوقة
بالتوفيق

سلااااام
يا عمري على ام حمزة ربي يبارك فيك على مرورك الزين لي نور لي موضوعي يا فحلتي الجميلة و الله فرحت كثير بمشاركتك معانا حنونة يعطيك الصحة
اقتباس:
المشاركة الأصلية كتبت بواسطة sunshine2013 مشاهدة المشاركة
يعطيك الصحة اختي طبق رائع
موفقة
اهلين بحبيبتي سونشاين دائما تفرحيني بتعلقياتك الطيبة حبيبتي ربي يفرحك ان شاء الله
اقتباس:
المشاركة الأصلية كتبت بواسطة um alaa مشاهدة المشاركة
يييي زقزوووقة روووعة تسلم ايديك تامني و الله غير كنت ناوية نديرو بطريقة جدتي ربي يحفظها معليش سبقتييني ههه و الله من ايديك تحفة بارك الله فيك
ضحكيتي ام الاء .... خخخخخ اسمحيلي كي سبقتك حنونة و الله لوكان كنت علابالي كنت نحط طبق اخر و نخليك تمتعينا بطريقة جدتك في العصبانة ربي يخليك على كللامك اختي









رد مع اقتباس
قديم 2016-11-20, 16:51   رقم المشاركة : 15
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة ملاك ملاكي مشاهدة المشاركة
ياااااااي اكيييييد الحلو ما يجي من ايديه الا الحلو
الله يبااااارك ماشاء الله...... فالفعل يشهي اممممم
يعطيك الصحة زقزوقتي
موفقة ان شاءالله
مواااااااااح
يا عمري دخلت ملوكتي و نورتني بتعليقها الزين لي يشرح القلب الف شكرا يا احلى ملاك شهيتيك في الجنة حنونة
اقتباس:
المشاركة الأصلية كتبت بواسطة oum fadoua مشاهدة المشاركة
يعطيك الصحة تسلم ايديك
يعطيك الصحة ليك احتي ام فدوى على مرورك العطر على موضوعي
اقتباس:
المشاركة الأصلية كتبت بواسطة حياة نور الدين مشاهدة المشاركة
يعطيك الصحة رزيقة طبق وباين غني ومغدي حبيبتي بالتوفيق
الفين هلا و سهلا بحبيبة قلبي في موضوعي المتواضع فعلا غني و مغذي حيوتة على ضمانتي ...... خخخخخ
اقتباس:
المشاركة الأصلية كتبت بواسطة ~اسيل ريحانتي~ مشاهدة المشاركة
يعطيك الصحة اختي رزيقة طبق جديد عليا حنا نديرو هداك الكرات في الطعام والبركوكس يشبهو للتعمير بصح نتاعك راه يشهي مممممممم ان شاء الله نجربو ههههه بالتوفيق حنونة
ايه سبقلي و شفت هذاك النوع في احدى وصفات ليزاتي العسل و هو مشهي فعلا بصح زيادة الخير خيرين زيدي جربي هذي و رجعيلي لخبار .... خخخ و الله شرف كبير ليا اختي لو يعجبك و الف شكر على مرورك العطر
اقتباس:
المشاركة الأصلية كتبت بواسطة القبايلية مشاهدة المشاركة
شكرا رزيقة يعطيك الصحة فكرتيني في الطبق
ربي يبارك فيك على مرورك اختي لقبايلية و شرفتينا بمشاركتك حبيبتي
اقتباس:
المشاركة الأصلية كتبت بواسطة rima.87 مشاهدة المشاركة
و عليكم السلام و رحمة الله و بركاته
ما شاء الله لا قوة إلا بالله،
بارك الله فيك و ربي يحفظك على خفة دمك و عفويتك و على الطبق التقليدي القبائلي الحر ،سمعت عليه الكثير لم اتذوقه بعد و شهيتيني فيه لكن طريقتك في طرح الموضوع جد رائعة و مشوقة و مفيدة ،و المعلومة لي قدمتيها انك ترجمتي اسم الطبق للعربية عصبان السميد و هذا لي زاد للمضوع غنى و الصور ما شاء الله ذات نقاوة ،
ربي يرحم جدتك و جميع موتى المسلمييين و ربي يجعل هذا الجهد في ميزان حسناتك ،

تقبلي سلامي اختي رزييقة
لك مني أحلى تقيييم
بالتوفيق في المسابقة
الف الف الف شكر على كلامك الطيب اختي ريما و الله عن جد كلماتك تشرح النفس و القلب ربي يفرحك اختي على هذ التعليق الجميل الذي انساني كلي تعبي في الموضوع شكرا اختي
اقتباس:
المشاركة الأصلية كتبت بواسطة ام هدول مشاهدة المشاركة
تحفة والله من تحت ييدك ...الطبق نعرفو نسمع بيه وعمري لادقتو اكيد رايحة نجربو بطريقتك ..الف شكر على الشرح والتوضح والف شكر لي علمتهولك ..ربي يرحمها ويجعل متواها الجنة ...
كلامك عسل يا ام هدول و الله تمنيت لوكان نفدر ندوقلك الطبق و انتي تذوقيني شخشوختك الشهية بصح ماباليد حيلة ...... خخخخخ نورتي موضوعي اختي ام هدول









رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:05

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc