علاج الشقيقة و ال sunizite طبيعيا ومجربة من اول مرة

[رحمة2016]

البسملة1

اليوم موضوعي هو تجربة مررت بيها و حلها نهائيا
الام الراس الشديدة و العينين و حتى الحواجب تؤلم
من طبيب الى طبيب من راديو الى راديو حتى ظهرت نتيجة انه sunizite
و طبعا دواء وقطرات و مسكنات الى ان اخبرتني قريبتي على وصفة طبيعية فماكان على الا ان اجربها والحمد لله النتيجة من اول مرة
ولهدا اردت ان انشرها علها تستفيدون بها



في مهراس ...نضع حبة بصل و راس فلفل حار و3 فصوص توم و ملعقة كبيرة سينوج
ملعقة كبيرة زعتر
ملعقة كبيرة نعناع
ملعقة كبيرة حلبة
3اوراق رند
ورقة كرمة عنب
ورقة شجر توت
ورقة شجر تين
وندقها في المهراس و نضيف لها ملعقة خل و شوي زيت زيتون وندفءها قليلا امام الفرن
و نحكم المريض نضع فوق راسه ضمادة او شاش ونضع فوقه الخليط و نغطي الراس بكيس بلاستيكي صغير و نشده بخمار قديم و ينام وفي الصباح يغسل شعره و يجففه ويشده قليلا

بأدن الله من اول مرة سيحس بتحسن كبير وادا دعت الحالة تعاد مرة اخرى


لا تنسوني بدعوة خير ان يرزقني الله الذرية الصالحة الطيبة انها مجانية

[أم عاكف ( الأم المعلمة )]

وعليكم سلام الله ورحمته وبركاته
مرحبا رحمة نورت القسم
جزاك الله خيرا على هذه الوصفة
ان شاء الله يستفيد الأعضاء
نسأل الله العلي القدير أن يرزقك الذرية الصالحة عاجلا غير أجل انه على كل شيئ قدير

[رحمة2016]

المشاركة الأصلية كتبت بواسطة أم عاكف

وعليكم سلام الله ورحمته وبركاته
مرحبا رحمة نورت القسم
جزاك الله خيرا على هذه الوصفة
ان شاء الله يستفيد الأعضاء
نسأل الله العلي القدير أن يرزقك الذرية الصالحة عاجلا غير أجل انه على كل شيئ قدير

بارك الله فيك غاليتي على هاد الرد

[muhibbat rrasoul sws]

شكرا بارك الله فيكي

فقط ملاحظة : كومبراس صعبة الفهم من اخواننا العرب : ضماد أو كمادة

[رحمة2016]

المشاركة الأصلية كتبت بواسطة muhibbat rrasoul sws

شكرا بارك الله فيكي

فقط ملاحظة : كومبراس صعبة الفهم من اخواننا العرب : ضماد أو كمادة

عذرا لكن الكلمات بالعربية تخونني

بارك الله فيك على التصحيح واتمنى من المشرفين تصحيحهه في الموضوع فهدفي هو الافادة

[muhibbat rrasoul sws]

المشاركة الأصلية كتبت بواسطة رحمة2016

عذرا لكن الكلمات بالعربية تخونني

بارك الله فيك على التصحيح واتمنى من المشرفين تصحيحهه في الموضوع فهدفي هو الافادة

جزاكي الله خيرا و جعلها في ميزان حسناتك

هذا مما ابتلينا به، صرنا أعاجم في لغة أجدادنا
السيد جوجل هنا للمساعدة و هذا ما أفعل، رغم ذلك مرات اخطأ لكن لا أحد ينبهني :/

[فايزة1207]

بارك الله فيك اختي اكديلي فقط انها مجربة لاني عملت مؤخرا سكنار وظهر عندي rhino sunisite chronique
بالفعل كيما قلت نعاني من الام حادة في الراس ونحس عيناي راح يخرجوا من بلاصتهم
لكن حابة نفهم هل الورق يكون يابس
والوصفة توضع على كامل الراس

[رحمة2016]

المشاركة الأصلية كتبت بواسطة فايزة1207

بارك الله فيك اختي اكديلي فقط انها مجربة لاني عملت مؤخرا سكنار وظهر عندي rhino sunisite chronique
بالفعل كيما قلت نعاني من الام حادة في الراس ونحس عيناي راح يخرجوا من بلاصتهم
لكن حابة نفهم هل الورق يكون يابس
والوصفة توضع على كامل الراس

اهلا اختي طبعا مجربة و بزززاااف المرات على بزاف ناس وانا منهم
راني نقولك نوظي يا الفحلة واتكلي على ربي وراح تتهناي من المشكل هدا و تتهناي من الدواء
و الورق تاع النعناع والزعتر والباقيين كيما تحبي تحبي اخضر تحبي يابس وادا متوفرولكش ركزي على البصل والثوم والسينوج والزيت زيتون وزيدي ملعقة خل وراس فلفل حار ومتخافيش
راح يدمعو عينيك من الوصفة بصح يتخلو الجيوب الانفية على ضمانتي
و ادا حبيتي بعد تلات ايام زيدي عاوديها وربي يشفيك اختي مجربة هاداك الالم الله لا يوريه لمؤمن
ومتنساينيش برك بدعوة حبيبتي

[فايزة1207]

بارك الله فيك زيدي كملي خيرك وقوليلي نحطها على كامل الراس ولا المقدمة فقط اختك شوية ثقيلة في الفهامة هههههههه
والله عندك حق تعبنا من الدواء
انا الطبيبة بعثتني orl باش يعطيني رايه هل لازم تدخل جراحي ولا تنظيف ولا علاج طبي

[رحمة2016]

المشاركة الأصلية كتبت بواسطة فايزة1207

بارك الله فيك زيدي كملي خيرك وقوليلي نحطها على كامل الراس ولا المقدمة فقط اختك شوية ثقيلة في الفهامة هههههههه
والله عندك حق تعبنا من الدواء
انا الطبيبة بعثتني orl باش يعطيني رايه هل لازم تدخل جراحي ولا تنظيف ولا علاج طبي

حطيها من الفوق حبيبتي بحيث كي تكوني واقفة متسيحش هههه فهمتيني واحزميها بساشي او سيلوفان وشدي راسك بخمار وهي كي تديريها راح يدمعو عينيك و هادا الوصفة تعاونك باش تفتتي الروتسب اللي في الجيوب الانفية وتانيك اختي قبل ماتزيدي تزوري طبيب ارل جربي تشمي البصل و تدمعي هههه راح يتحلو المجاري التنفسية والجيوب الانفية جربي وادعيلي ربي يرزقني بالذرية الصالحة راني نعاني اختي

[فايزة1207]

ربي يعمر حجرك حبيبتي اكثر شخص اتالم لهمه هو اللي ما عندوش الاولاد ربي يرزقك اختي وتجي تفرحينا

[اسيل الباتول]

بارك الله فيك اختي رحمة على الوصفة راني احتفظت بالوصفة كي نروح لدارنا نقول عليها لامي لانها تعاني كثيرا من الالام الشقيقة منذ فترة طويلة
ربي يعمرلك حجرك بالذرية الصالحة المعافاة في القريب العاجل ان شاء الله
واكيد راح نزيد نقول لامي تدعيلك

[رحمة2016]

وفيكما بركة اخواتي فايزة واسيل
بارك الله فيكما على الدعاء
ربي يحفظلنا امهاتنا واحباءنا ويشافيهم

[22bilal bilal]

بارك الله فيك أختنا الفاضلة

[أم يوسف2]

بارك الله فيك اختي ربي يرزقك من خيراته انا شخصيا عندي الشقيقة وراني حامل بعد الولادة ان شاء الله نجربها قوليلي فقط نديرالخليط في كامل الشعر ؟؟؟؟وشكرا