يوميات فتاة جزائرية متجدد

[نفيسة1982]

ياريت يتم رفع الحضر عن الأخت نيينا

[fatouma alg]

يا رييييييييييييييييييييييييييييييييييييت

[الوسيلة]

نعم نريد رفع الحظر عنها

[fatouma alg]

نريد رفع الحظر عن اختنا نينا

[خدووجة]

mé malha nina wach daret
??

[فتاة جزائريه]

السلام عليكم
اخواتي في الله اعرفكم بنفسي معكم امينة كاتبة اليوميات (يوميات فتاة جزائرية) في البداية اريد ان اشكركم من كل قلبي على اهتمامكم ومتابعتكم واشكر بشكل خاص اختي منيرة لنقلها وبأمانة لليوميات وايضا لانها كانت تنقل لكم سلامي وتنقل لي اعجابكم ولكن يحزنني جدا الحضر الذي وضع على عضويتها ولانها اخبرتني وطلبت مني ان ادخل واضع الحلقات بدلا عنها دخلت ولو اني كنت اتمنى ان تواصل هي وادخل انا في الحلقة الاخيرة ولكن شاء الله ان تسير الامور على عكس ماخططنا
انا ايضا اضم صوتي اليكم واطالب برفع الحضر عن عضوية اختنا نينا

[فتاة جزائريه]

السلام عليكم

اول يوم في الشغل الجديد وجدت احسن حجاب عندي وحددت طابليتي و قبل يوم عيطت لصحبتي لي تخدم تم باش نسقسيها كيفاش تمشي الحالة و كيفاش لازم نتعامل مع الزملاء لي نلقاهم تم بصح تفاجئت كي قالتلي بلي حبست stage لانو قعدت بزاف وصاحب المخبر ماشدها تخدم ماسرحها تروح قررت هي وبنت اخرى اسمها حميدة كانت في نفس الجامعة لي قرينا فيها وفي نفس ال promo تاعنا بصح عمري ماحكيت معاها كنت نعرفها من البعيد وتبانلي متكبرة قررو باش يطلبو منو اما يشدهم يخدمو او يسرحهم وهو طلب من المسؤول عن الموظفين يشد واحدة فيهم و وقع الاختيار على حميدة اما صحبتي مسكينة ما سعفهاش الحظ ولكن مابخلت عليا بحتى نصيحة وحكاتلي كلش و عرفتني على باقي لبنات
لامية متزوجة وعندها بنت اسمها فرح
حليمة تخدم في la réception وحدة عاقلة وناس ملاح
فريد متزوج واب لبنت ومن محاسن الصدف حتى هي اسمها فرح والأجمل انو هو و زوج لامية صحاب وقراو مع بعض و اكثر شخص حذرتني منو هو السيد سعدي موظف كبير في السن و في المرتبة يعني السيد صاحب المخبر يعتبرو مسؤول عن شؤون الموظفين وعاطيلو بزاف مهام قالتلي ردي بالك تداسريه راه ماشي عاقل

نضت الصباح بكري باش نوصل بكري للخدمة وتماك لقيت حميدة اول وحدة استقبلتني
وبالطبع كي لحقت للسيد سعدي مد يدو باش يخمس معايا وانا طبعا ما أحرجتوش قلتلو بصوت خافت اسمحلي مانقدرش معليش
وهو فهمني وقالي معليش نوووورمال بصح حسيتو ماعجبوش الحال
لبست الطابلية وقعدت في la sale de prélèvement وبديت نشوف كيفاش يدو العينات تع الدم وكيفاش يديرو groupage وكلما نشوفهم شكو الابرة في يد واحد نغمض عيني وننضر في بلاصتو بصح كنت فرحانة وعاجبني الحال وغيرتني حميدة كي شفتها تقدر تدير prélèvement بكل سهولة وبديت نقلها سعدك انا ماشكيتش ايلا نقدر نحط ابرة في يد واحد وهي تقلي ماتتقلقيش مع الوقت توالفي وتولي تجيك نورمال انا تان كنت كيما انتي

وبعدما تلايمو العينات هبطوهم تحت باش يعيروهم وبدات حميدة توريلي كيفاش يخدمو وانا طبعا ما كنتش نخلي حتى سؤال يجي في بالي بلا مانطرحو ومرات بزاف كنت نطرح اسئلة تافهة او غبية بصح حميدة كانت تجاوبني بكل لباقة وتقلي كون ما شفتكش تقراي معانا في البيولوجي كون شكيت فيك بصح في النهاية تجاوبني وتقلي نورمال ماتعمريش راسك كامل دخلنا ناسيين بزاف حاجات ومع الوقت تفكرناهم ديري في بالك مادامني هنا مارح نبخل عليك بولا حاجة حتى تتعلمي ان شاء الله
فات اليوم الاول حسيت روحي عييت بزاف من الوقاف وغير ريحت شوية بديت نحكيلهم كيفاش فات النهار

في اليوم الثاني رحت تان بكري وكي وصلت قالتلي حميدة وعلاه بكرتي انتي راكي stage ماشي شرط تكوني هنا قبل الثمنية وبدات الخدمة كيما العادة وانا قاعدة غير نشوف اما التحت خلاتني نحط يدي و نعاونها وحتى لامية كانت تشاركنا من البعيد وتقلي على افضل الطرق باش نتعلم بلخف ومن وقت لاخر تفتح هي وفريد موضوع طويل عريض يحكو فيه برك عن واش دارت فرح و واش قالت فرح
و وقت ال 12 جا السيد سعدي وقالي ضروك نعطيك وحد التحاليل هبطيهم لمخبر اخر يوجدوهملنا على خاطر l'appareille لي تديرهم راهي حابسة وانا قلتلو بلي مانعرفش المخبر وين جاي وصفلي الطريق وقالي يالله رحت من فوق قلبي خاطر حسيتها ماشي خدمتي خاصة بعدما رجعت وقالتلي فاطيمة بلي سعدي يبغي ي profiter ويستغل les stagiaires الجدد ونصحتني باش مانخافش منو خاطر مايقدر يديرلي والو انا غاضتني عمري وحلفت بلي مانزيدتش نروح لحتى بلاصة يبعثني ليها
وبعد يومين عاود رجع الاخ سعدي وبدا يقلي انتي هايلة وناس ملاح وعاقلة واكيد اكيد لازم نشوفولك بلاصة في وسطنا ملازمش تقعدي غير stagiaire وغير شافني ضحكت قالي وجدي روحك نبعثك للمخبر الولائي تجيبيلنا وحد العينات وقتها فهمت سبب المقدمة الجميلة والمدح والشكر وطرت فيه بلا مانحس بروحي وقلتلو اواااااااه لالالا والله ماتصرا ماشي كل مرة نروح انا جيت هنا باش نتعلم الخدمة ماشي التدلال من laboratoire لاخر وماشفتش غير وجهو ولى احمر وبدا يزقي ويقلي في حياتي ماطارتش فيا طفلة ولا قالتلي stagiaire لالا هذا الشي مزال ماشديناكش تخدمي وكون شديناك كيفاه تولي تضربينا
انا شديت قلبي وحسيت هذا اخر يوم ليا في المخبر وبديت برك نخمم واش رح نقول لبابا

وصلى اللهم وسلم على سيدنا محمد

[*رذاذ المطر*]

السلام عليكم و رحمة الله و بركآتــــــــــــــــــــــه
اهلا و سهلا و مرحبا بكِ غاليتي
واخيرا شرفتنا ..
نتمنى لكِ اقامة طيبة بيننا
و شكرا جزيلا لكِ على اليوميات هي و بدون مجاملة رآئعـــــــــــــــــــــــــــــه
نتمنى رفع الحظر قريبا عن نينـــآ
دمتِ بود اختي

[فتاة جزائريه]

المشاركة الأصلية كتبت بواسطة *رذاذ المطر*

السلام عليكم و رحمة الله و بركآتــــــــــــــــــــــه
اهلا و سهلا و مرحبا بكِ غاليتي
واخيرا شرفتنا ..
نتمنى لكِ اقامة طيبة بيننا
و شكرا جزيلا لكِ على اليوميات هي و بدون مجاملة رآئعـــــــــــــــــــــــــــــه
نتمنى رفع الحظر قريبا عن نينـــآ
دمتِ بود اختي

و عليكم السلام اخيتي بارك الله فيك على الترحيب ويسعدني انو عجبوك اليوميات و انا تان نتمنى رفع الحظر عن اختنا العزيزة نينا

[ماجيك بوقرة]

المشاركة الأصلية كتبت بواسطة فتاة جزائريه

السلام عليكم
اخواتي في الله اعرفكم بنفسي معكم امينة كاتبة اليوميات (يوميات فتاة جزائرية) في البداية اريد ان اشكركم من كل قلبي على اهتمامكم ومتابعتكم واشكر بشكل خاص اختي منيرة لنقلها وبأمانة لليوميات وايضا لانها كانت تنقل لكم سلامي وتنقل لي اعجابكم ولكن يحزنني جدا الحضر الذي وضع على عضويتها ولانها اخبرتني وطلبت مني ان ادخل واضع الحلقات بدلا عنها دخلت ولو اني كنت اتمنى ان تواصل هي وادخل انا في الحلقة الاخيرة ولكن شاء الله ان تسير الامور على عكس ماخططنا
انا ايضا اضم صوتي اليكم واطالب برفع الحضر عن عضوية اختنا نينا

و عليكم السلام ورحمة الله
اهلا أختي امينة نورتي المنتدى
سعددت جدا بحضورك ان شاء الله يطيب لك المكان بيينا
ويارب يرفع الحضرعلى اختنا نينا
وبصراحة اختي حبيتك من يومياتك وان شاء الله تقبليني صديقة لكي
أختك حفصة

[جوهرة نفيسة]

أهلا و سهلا و مرحبا بك بيننا أختنا أمينة " فتاة جزائرية" شرفتنا و إن شاء الله تكتمل الفرحة بعودة الغالية نينا الجزائرية


..... نريد رفع الحضر عن نينا

[محامية العدل]

المشاركة الأصلية كتبت بواسطة فتاة جزائريه

السلام عليكم
اخواتي في الله اعرفكم بنفسي معكم امينة كاتبة اليوميات (يوميات فتاة جزائرية) في البداية اريد ان اشكركم من كل قلبي على اهتمامكم ومتابعتكم واشكر بشكل خاص اختي منيرة لنقلها وبأمانة لليوميات وايضا لانها كانت تنقل لكم سلامي وتنقل لي اعجابكم ولكن يحزنني جدا الحضر الذي وضع على عضويتها ولانها اخبرتني وطلبت مني ان ادخل واضع الحلقات بدلا عنها دخلت ولو اني كنت اتمنى ان تواصل هي وادخل انا في الحلقة الاخيرة ولكن شاء الله ان تسير الامور على عكس ماخططنا
انا ايضا اضم صوتي اليكم واطالب برفع الحضر عن عضوية اختنا نينا

اهلااااااااااااا وسهلا باختنا امينة شرفيتينا بحضورك . واتمنى رفع الحظر على اختنا نينا ننتظر جديدك. :dj_1 7:

[الوسيلة]

المشاركة الأصلية كتبت بواسطة فتاة جزائريه

السلام عليكم
اخواتي في الله اعرفكم بنفسي معكم امينة كاتبة اليوميات (يوميات فتاة جزائرية) في البداية اريد ان اشكركم من كل قلبي على اهتمامكم ومتابعتكم واشكر بشكل خاص اختي منيرة لنقلها وبأمانة لليوميات وايضا لانها كانت تنقل لكم سلامي وتنقل لي اعجابكم ولكن يحزنني جدا الحضر الذي وضع على عضويتها ولانها اخبرتني وطلبت مني ان ادخل واضع الحلقات بدلا عنها دخلت ولو اني كنت اتمنى ان تواصل هي وادخل انا في الحلقة الاخيرة ولكن شاء الله ان تسير الامور على عكس ماخططنا
انا ايضا اضم صوتي اليكم واطالب برفع الحضر عن عضوية اختنا نينا

مرحبا بك أختي امينة
ان شاء الله تلقاي ما تتمناي في منتدانا
ومشكووووووورة جدا على اليوميات الاكثر من رائعة
سلااااااااااااااااااام

[حضنية28]

اهلا وسهلا بك اختيفتاة جزائريه انشالله نفيد ونستفيد منك ننتظر منك باقي اليوميات ونحن نريد رفع الحظر عن الاخت نينا

[fraise]

المشاركة الأصلية كتبت بواسطة ماجيك بوقرة

و عليكم السلام ورحمة الله
اهلا أختي امينة نورتي المنتدى
سعددت جدا بحضورك ان شاء الله يطيب لك المكان بيينا
ويارب يرفع الحضرعلى اختنا نينا
وبصراحة اختي حبيتك من يومياتك وان شاء الله تقبليني صديقة لكي
أختك حفصة

سلام عليكم أخت حفصة ، اسمك شباب بزاف ، انتي من بليدة ؟؟ من أي منطقة بالضبط؟؟ أنا تاني من البليدة ، وحابة نتعرف على بنات بلادي ، ادا حبيتي راني نستنى في ردك، أوكي
حبيت نشكر صاحبة اليوميات ويعطيها ألف صحة ما شاء الله قدرتي تدي عقولنا ، مزيد من التألق ان شاء الله