يوميات فتاة جزائرية متجدد - الصفحة 4

رؤوف 1990 · 2010-10-21, 22:11

قمة اختي
شكرا

الباشـــــــــــق · 2010-10-22, 10:58

يعطيك العافية واصلي يومياتك المشوقة

نينا الجزائرية · 2010-10-22, 11:08

اقتباس:

المشاركة الأصلية كتبت بواسطة زهرة الجزائر 07

مبعد ان شاء الله نولي

ان شاء الله
ولي وكملي تبعي الاحداث

نينا الجزائرية · 2010-10-22, 11:10

اقتباس:

المشاركة الأصلية كتبت بواسطة narimane*20*

السلام يا اختي نينا الجزائرية ولله لقاع لي قلتيه لصح انا ديت الباك هذا العام وصرالي كما انتي كما يقولك ناس بكري الباك نشوى والجامعة كشفة .........تقبلو مشاركتي...............
...........

ربي يكون في عونك ختي راح تجوزي ايام صعاب بصح بيناتنا حلوين كي يخلصو تحني ترجعيلهم ايام الجامعة لا تنتسي تقعد في ذاكرة

نينا الجزائرية · 2010-10-22, 11:11

اقتباس:

المشاركة الأصلية كتبت بواسطة سعادة الدارين

السلام عليكم
الضاهرانو يوميات الجامعة قريب كيف كيف فكرتيني بيها
و زيد اللي يقرا بعيد على دارهم و ش يعود حالو اسكتي برك ؟؟؟؟؟؟؟؟؟؟؟؟؟
راني نتبع كملي ما تقطعيهمش

صح مساكن الي عندهم شومبرة في لاسيتي يومياتهم طويلة اكثر
ربي معاهم
شكرا لمرورك وتابعي مزال حلقات جديدة

نينا الجزائرية · 2010-10-22, 11:12

اقتباس:

المشاركة الأصلية كتبت بواسطة رؤوف 1990

قمة اختي
شكرا

شكرا اخي ابقي في متابعة

نينا الجزائرية · 2010-10-22, 11:13

اقتباس:

المشاركة الأصلية كتبت بواسطة الغنام

يعطيك العافية واصلي يوميان المشوقة

الله يعافيك اخي
عن قريب تكون تكملة ان شاء الله

tina19 · 2010-10-23, 08:41

[يا نينا نحن في الانتظاااااااااااااااااااار[/

نينا الجزائرية · 2010-10-23, 13:07

اقتباس:

المشاركة الأصلية كتبت بواسطة tina19

[يا نينا نحن في الانتظاااااااااااااااااااار[/

متتقلقيش اختي ساضع حلقة جديدة
اصبري شوية
الصبر جميل

نينا الجزائرية · 2010-10-23, 13:17

السلام عليكم

في هذي الأيام حسيت بلي القرايا بدات تصعاب تع الصح وكامل لبنات بداو يشكو منها ويقولو بلي صعيبة علينا ماعدا أنا بالطبع لي ماجاتنيش كااااامل صعيبة كانت بالنسبة ليا مستحيلة تماما وعلى هذاك قررت بلي ما نراطي حتى coure من الصباح للعشية و اليوم بالذات كان عندنا الrpogramme حتى لل 4.30 وفتيحة ولطيفة ماحبوش يبقاو معايا قالك عيينا ولازم نروحو للدار وانا شكيت كي مافطرتهمش اليوم ماشي خاطر عياو

قعدت وحدي حتى كملت كامل المحاضرات تع اليوم وكي خرجنا مالقتيش الtransport استنيت ساعة باش ركبت والشتا تطيح عليا

وكنت نقول في قلبي معليش في سبيل العلم
كي وصلت للمنطقة لي نسكن فيها كان المغرب أذن وراكم عارفين يامات الشتا بلخف تبدا تظلام الدنيا, من l'arèt للدار لقيت الطريق فاااااارغة حتى واحد ماكان يدور قلت الحمد لله هكة مايشوفوني غاشي مايقعدو يدو ويجيبو ويقلك كيفاش هذا وين راهي راجعة ووين كانت هذي راني نعرف عقليات غاشي تاعنا دايما عندهم تفسير خاص ببنات الجامعة مستحيل يبدلوه مهما كانت البنت.

وبعد ماتنفست وقلت ريحت لقيتلك قدام الباب جمع غفييييييييير من كل أهل القرية قلت انا اكيد كاينة جفنة ولا عرس و ماسمعتش بيه بديت نسب في زهري زعما انا لي كنت نقول وين راحو الناس كامل اختفاو من الشوارع وهوما تلايمو بالظبط قدام باب دارنا وراهم يستناو فيا بديت نخمم وقيلة بابا دار شكوى بلي خطفوني وانا لاخبر وكي لحقت لقيت بلي قناة صرف المياه لي قدام الباب خسرت وتلايمو كل رجال الحارة باش يصنعوها وبابا كان معاهم أكيد وكي شافني خزرني خزرة نعرفها مليح مليح حتى ماما لقيتها مقلقة بزااف عليا وحتى كي شافتني باش ريحت بصح ماريحتنيش قالتلي وين كنتي حتى لضروك باباك من الصباح وهو مقلق عليك ومن وقتها وانا نخمم واش نقلو

وكيفاش نفهمو وغير دخل بدا يزقي عليا

كيفاش؟ووعلاش؟.... مانيش عارفة كيفاش جات في بالي باش نقلو لوكان راك شاريلي بورتابل كنت عيطتلكم وماخليتكمش تقلقتوا وهذي الكلمة لي sovatni لقى بلي كان عندي الحق وبدا يفكر جديا باش يشريلي portabl.

ونهار الجمعة جابلي واحد ماشي من الغاليين بصح انا عجبني بزاااااااااف

وفرحت بيه وقعدت كامل اليوم وانا نبيبي للغاشي لي نعرف ارقامهم خوالي وعمامي وصحاباتي فتيحة ولطيفة أما فاطيمة كانت مازال ماشراتش وماعلاباليش وعلاه كامل لي بيبتلهم أكثر من خمس مرات كنت كي نجي نزيد نبيبي نلقى الكاسات ترد عليا (إن جهاز مراسلكم مغلق أو خارج مجال التغطية...)

إلا لطيفة مسكينة الوحيدة لي بقيت نبيبيلها وتردلي حتى لليل حبيت نبيبيلها آخر مرة ردت عليا الكاسات ( إن جهاز مراسلكم معطل مؤقتا) قلت انا تع الréseau راحو يرقدو

قبل مانرقد قلت nrigule réveil باش نوض بكري وحطيتو تحت المخدة تاعي وغير دخل خويا لقا الضو تاعو شاعل عندبالو كنت نهدر فيه بدا يسقسي فيا مع من كنت نهدر قلتلو بلي حتى واحد كنت برك nrigule بصح ماصدقنيش ودارلي حالة وحب ينحيهلي ولوكان ماشي ابي مسكين تدخل في الوقت المناسب وقالو ماكان مارحلك انا نوثق في بنتي وراني عارفها كيفاش تمشي ربيتها صح ورح تتصرف صح ونهار تغلط انا برك لي نهدر معاها.
الحمد لله لي عندي أب حنون ومتفهم .

وصلى اللهم وسلم على سيدنا محمد

[كبْرياء] · 2010-10-23, 20:14

مازلنا في الانتظار ختي نينا

شوقتينا بزااف هههه

وهذا بيت للإمام الشافعي:

صبرا جميلا ما أقرب الفرج ***** من راقب الله في الأمور نجا

سلامي غاليتي..

tina19 · 2010-10-23, 21:19

والله روووووووووووووعة
نقولك حاجة والله كلي راكي تحكي في قصت حياتي
نفس الاحداث وقعت معايا ( قصت البورتابل وقصت التاخر)
سلامي الحار لك اختي نينا
في الحلقة القادمة ان شاء الله هههههه

fffatima zohra · 2010-10-23, 23:37

salem 3alaykom
ga3 had chi rah sari fiha
lmohim rana ntab3ou w ned3iwelha inchalah
waiting for the next

نينا الجزائرية · 2010-10-24, 10:20

اقتباس:

المشاركة الأصلية كتبت بواسطة الجزائـ عشقي ــر

يوميات مشوقة
في انتظار باقي الحلقات
لك مني ارق تحية

اهلا اختي ربي يحفظك انتظروني بعد قليل ساضع حلقة جديدة

نينا الجزائرية · 2010-10-24, 10:23

اقتباس:

المشاركة الأصلية كتبت بواسطة إيمان قلب

مازلنا في الانتظار ختي نينا

شوقتينا بزااف هههه

وهذا بيت للإمام الشافعي:

صبرا جميلا ما أقرب الفرج ***** من راقب الله في الأمور نجا

سلامي غاليتي..

اهلا اختي معليش اعذروني كنت نجاوب في موضوع لقاء الاعضاء للاخت رحاب وكمال الاسلام فتعطلت شوية
ساضع حلقة جديدة بصح معادة لراحو مع الحملةقصدي بعد الصيانة