هندسة معمارية و اللغة

Dz-M-Dz · 2012-07-05, 13:18

السلام عليكم

اخواني انا اريد ان ادرس هندسة معمارية لاكن المشكل لي نخوفني هو اللغة
فانا ضعيف في اللغة الفرنسة و الانجليزية

فهل هي تعتمد على فرنسية بنسبة كبيرة
وهل سيؤثر ذلك في مشواري دراسي
وهل الفرنسية التي تعتمدها سهلة يمكن تعلمها بسهولة

بماذا تنصحوني بتخلي عن حلمي او تعلم الفرنسية ؟

وهل المدرس عند القائه الدرس يتكلم بفرنسية ؟

إكرام ملاك · 2012-07-05, 14:39

انا لم ادرس هندسة معمارية بل تسيير التقنيات الحضرية

وقد درسنا باللغة الفرنسية عن نفسي نقولك راهي ماشي صعيبة مي لازم تحاول

ادا كانت هاته رغبتك بالنسبة للانجليزية قريناها عام واحد فقط

وياريت يزيد يجاوبوك اصحاب التخصص احسن مني

بالتوفيق

Dz-M-Dz · 2012-07-05, 14:49

بارك الله فيك اختي
وبانتضار الاخرين

المهندس الجزائري · 2012-07-05, 18:54

اللغة لن تسبب لك عائق كبير فمع الوقت سوف تتعلم المصطلحات الضرورية و طريقة الالقاء و لكن مع الوقت يجب ان تتمكن من اللغة حتى تستطيع الفهم اكثر و الاطلاع على الكتب و تتمكن من الدفاع عن مشاريعك امام الاساتذة بشكل احسن
انصحك ان لا تقلق بهذا الشأن
اذا اردت هذا التخصص فابدأ الاطلاع عليه و على تاريخه و سوف تقتتع اكثر
سوف تمظي العديد من اللحظات الصعبة و السهرات و الظغط العالي في الدراسة بدون اي وقت فراغ فعليك التحضير جيدا
بالتوفيق

فرد من عمار الأرض · 2012-07-05, 18:57

ماتخافش خلاص حقق حلمك وادخل المجال لي تحلم بيه..صح اللغة الأساسية لي يتعاملو بيها الأساتذة معاكم هي الفرنسية مي ماهيش حاجة صعيبة..أغلبها مصطلحات ومفردات هندسية مع الشهر الأول تتعود عليها بشوي ويجيك كلش نورمال وبعد عامك الأول راح يجيك كل شي في منتهى البساطة لأنك انت أصلا تحتاجها باش تولي تهدر بيها وتوالفها..وزيد ماشي معناها مايهدروش معاكم بالعربية بالعكس يهدرو عربية عادي..نصيحة من عند أختك وراني مهندسة معمارية متخرجة غير جديد في 2011 ديرها وانت مغمض عينيك والفرنسية عمرها ماراح تكون عائق..بالتوفيق

Dz-M-Dz · 2012-07-06, 00:45

شكرا للاخ فارسي والاخت لي اسمها طويل ههه
سألت بزاف ناس وقالولي صعيبة و لازملها دراهم و سهر الليالي
ولم يزدني ذلك الى عنادا لاختيارها لاني اعشقها

ولاكن عندما وصلت للفرنسية تخلعت
لاكن الحمد لله نتوما فرحتوني بردكم

جاري الدعاء لكم عن ضهر غيب
دمتم في رعاية الله

zerige · 2012-07-09, 22:01

ههههه متخاف ماوالو انا راني مدايرها ولا أفقه شيئا لا فرنسية ولا حتى في العربية ,, واما بخصوص الدراهم فمصاريف عادية وفقط

zoldek 7 · 2012-07-14, 12:39

شكرااااااااااا لكم

dreamygirl · 2012-07-14, 20:24

الى الأخت فرد من عمار الارض قاده العام قريتي ؟؟؟؟

amine5000 · 2012-07-18, 14:54

أخي كلنا مرننا بهذا الموقف و لكن نصيحتي لك تقدم و لا تخف
أما بالنسبة للمصطلحات فمعظمها يمكن تعلمها بسهولة و بالنسبة للأساتذة فنحن في الجزائر ههههه و تعلم نظام التعليم في الجزائر ( ما تخافش و زدم برك )
ربي يكون في العون

djazia94 · 2012-07-18, 15:38

انا ثاني حابا ندير هندسة معمارية
بصح خوفوني
قالولي واعرا فيها مصاريف بزاف
شحال يكون المصروف في الشهر تقريبا و شحال من سنة دراسة سمعت بلي 5 سنين و نلقا خدما من بعد والا ناقصة خاطش قالولي بلي الهندسة المعمارية كمالية ماشي كيما الهندسة المدنية ضرورية و مام الخلاص ما يخلصوش مليح
و زيد انا مانعرفش الجامعات الي يقروا هاد التخصص وين جايين و ادا الاقامة فيهم منيحة
قالولي كاين وحدة فالحراش و فبليدة و وهران والجامعة العليا فقسنطينة و الاقامة الغرفة فيها بين 3 و4 طالبات
صح وابلا لالا
جاوبوني راني حايرررة والوقت راو يمشي

-تيتو-تقي الدين · 2012-07-18, 17:23

بالنسبة للغة لن تشكل لك عائقا على الإطلاق ...في بداية الأمر ستجد كأنك غريب داخل المدرج لكن مع توالي الساعات والأيام ستتعود تدريجيا وستحفظ المئات من المصطلحات المعمارية والتقنية التي قد تفيدك في مجال العمارة...لكن بطبيعة الحال عليك المثابرة ومحاولة التعلم فطريقة الإلقاء مهمة جدا في الهندسة المعمارية...أنا شخصيا دخلت مشروع analyse ناقص كليا وسئ بكل ماتحمله الكلمة من معنى لكن بحمد الله تمكنت من الإلقاء بلغة رائعة فتحصلت على المعدل والحمد لله
***ozdem fi domaine 5oya wmat5afech yfarrejha rabbi nchlh***
b courage
دمت بود
أخوك:م.ت:متحصل على الشهادة الورقة

baadiso · 2012-07-18, 17:48

السلام عليكم
أخي الهندسة المعمارية تعتمد على اللغة الفرنسية بشكل كلي تقريبا ....لكن اللغة ليست عائق ....لا تعتبر عائقا إلا عندما تقوم بعرض المشاريع فعليك أن تكون متمكنا من اللغة إلى حد ما ....لكن رايح توالفها عادي ماتخافش

alma_tala · 2012-07-24, 22:59

انا ايضا وجهوني هندسة معمارية والحمد لله