مشاركة فريق قسم الطبخ في مسابقة جوهرة رمضان التحدي الثاني - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المسابقات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

مشاركة فريق قسم الطبخ في مسابقة جوهرة رمضان التحدي الثاني

 
 
أدوات الموضوع انواع عرض الموضوع
قديم 2014-07-12, 14:57   رقم المشاركة : 1
معلومات العضو
أم ضياء عبد الرحيم
عضو مميّز
 
إحصائية العضو










B10 مشاركة فريق قسم الطبخ في مسابقة جوهرة رمضان التحدي الثاني




التحدي الثاني لمسابقة جوهرة رمضان
كان عبارة عن تحضير وجبة خفيفة للسحور بلمسة ابداعية + تحلية باردة فخمة Crème Dessert
بالنسبة للسحور فأول شيء يتبادر للأذهان هو المسفوف طبعا
الحقيقة انا ماكنتش متحمسة لفكرة المسفوف لان علابالي الكل راح يخمم فيها لكن عطور عطاتني فكرة تقديم خلاتني غيرت رأيي لانها فكرة مبتكرة و اضافت للطبق لمسة ابداعية اظن اغلب من يرى الطبق لاول مرة ميعرفش انه مسفوف المهم كثرة الهدرة حبيت فقط نقول ان الفكرة تاع عطور و انا طبقت فقط
المكونات
نحضر مسبقا المشمش المجفف و عين بقرة حطيتو هم في شوية ماء فيه قطرات ماء الزهر تقدروا ما ديروش و خليتهم يرطابو شوية و من بعد قطعتهم قطع صغيرة
زبيب للتزيين
بيستاش مرحي و جوز
نحضر مسفوف عداي كيما مالفين نحضروه انا فورت خطرتين و درت الزبدة و الزبيب و شوية سكر ما كثرتش لانه في الزبيب
التقديم
التزيين يكون قبل الاكل مباشرة باه يبقى المسفوف سخون
في صحن حطيت المول الي ينفتح على الجنب درت طبقة تاع عين بقرة ثم طبقة تاع المسفوف ثم طبقة تاع المشمش المجفف و طبقة اخرى مسفوف و نزين بالزبيب و البيستاش المرحي و الجوز و يقدم مع الحليب او اللبن
اتمنى ان ينال الطبق اعجابكم





التحلية

كريمة الكرز و الكيوي
نفس الطريقة استعملت مرة الكرز و مرة الكيوي
مقادير كريمة الكرز
300 غ كرز او فريز
250 غ ياغورت طبيعي او نكهة كرز او فريز اذا اخذانا المنكه نقصو كمية السكر
6 م ك سكر
2 م ك مربى الكرز او الفيرز
8 غ جيلاتين
فانيلا
الطريقة
نرطب الجيلاتين في الماء
نرحي الكرز او الفريز و نحطو في كاسرول على النار مع السكر و المربى يطهى مدة 5 دقائق ثم نضيف الجيلاتين و نزيد نخليها تزيد دقيقتين على النار ثم انحيها و نضيفلها الياغورت و الفانيلا و نخلط مليح
نحطها في اكواب او نحطها تبرد مدة 4 ساعات
و نفس الطريقة لكريمة الكيوي المربي تقدري ما ديريش و تزيدي كيمة السكر او اديري تاع المشمش
هنا درتهم طبقات و من الفوق درت الكيوي و الكرز





في امان الله و لنا معكم ميعاد ان شاء الله مع التحدي الثالث









 


 

الكلمات الدلالية (Tags)
مسابقة, مشاركة, الثاني, التحدي, الطبخ, جوهرة, رمضان


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 00:58

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc