اِسْتِفْسَـــآرْ ~

[نجمة المستقبل]

السسْلآم عليكم و رحمة الله وبركاته

عساكم بخير و عافية

بدون اطالة
اني في حيرة من امري
حسنآ :
اجتزت بكالوريا 2014 و درست بها تخصص بيولوجيا و طلعت العام نتاعي و راني سنة 2 بيولوجي ( مع العلم ماقريتلهاش مليح السداسي الاول 12 و السداسي الثاني لم ادرس اطلاقا و ديت فيه 9 لكن طلعت العام بدون ما ندخل للراتراباج يعني كون قريت مليح متأكدة من نفسي اني قادرة نجيب اكثر و اكثر )

و في نفس الوقت عاودت البكالوريا 2015 حرة و تم توجيهي علوم المادة
كنت أرغب و بشدة في تخصص اللغة الفرنسية مي ما قبلونيش مع اني مش بعيدة على معدل القبول
في سبتمبر ان اء الله ربما راح ندير ترونسفار لعلى و عسى يقبلوني فرنسية

فمآ رأيكم
هل نكمل في البيولوجي باش ما يروحليش العام اللي قريتوا سدى
و لا نقرا علوم المادة
و لا نجري على روحي باش يقبلوني فرنسية لاني نحب هاذ التخصص

من الافضل من حيث مناصب العمل ؟ البيولوجيا أم علوم المادة أم الفرنسية

في انتظار آرائكم

سلآم

[نجمة المستقبل]

مَــــآ مِـنْ مُسَـــآعدةْ ؟؟؟؟؟؟؟

[STING]

والله اخنتي حتى انسان ما يقدر يفيدك لانو اختيار شخصي

في الجيل تاعي بزاف ناس عاودت الباك و تخلت عن تخصصها و لكن تخلت مثلا عن رياضيات و اعلام الي من اجل طب الاسنان او بيولوجيا من اجل الصيدلة يعني يوجد فارق ملحوظ ممكن يخليك تضحي بالسنة

هو اختيار شخصي اختي انا واحد من الناس الحمد لله اتقن الفرنسية جيدا و الانجليزية اكثر و كل المواد الادبية اكثر من العلمية و لكن في الجامعة رفضت نقرا مواد ادبية مع اني كنت قارد نبلعها و عينيا مغمضين
و قريت علوم و تكنلوجيا هندسة ميكانيكة و مش نادم الى الان رغم اني كنت نبلع ب 10 و عاودت سنتين بسبب الجدع المشترك و مين لحقت للدراسة المتخصصت بلعت ب 12 و 13 من الامتحان الاول

الخلاصة من قصتي انو اختيار شخصي

كوني اظن الدراسة العلمية اهم بمليون مرة من الادبية رغم اتقاني للاخيرة ننصحك تكلمي في بيولوجيا و حتى تخصص المادة تخصص رائع و احسن مليار مرة من الفرنسية اظن انو ناسه تتخصص في الفيزياء و الرياضيات بعد السنة الاولى

ادا قبلك متعلق بالفرنسية لدرجة العشق او حلم قديم ليك انا من راي كملي البيولوجيا حتي ليسانس يعني يبقالك سنتين ثم ادخلي فرنسية بالباك الثاني تقوليلي واض يضمنلي ندي الفرنسية الاجابة هي '' العرف ادا عندك ''

[نجمة المستقبل]

المشاركة الأصلية كتبت بواسطة sting

والله اخنتي حتى انسان ما يقدر يفيدك لانو اختيار شخصي
أعلم يا أخي أن الامر شخصي لكن ما خاب من استشار

في الجيل تاعي بزاف ناس عاودت الباك و تخلت عن تخصصها و لكن تخلت مثلا عن رياضيات و اعلام الي من اجل طب الاسنان او بيولوجيا من اجل الصيدلة يعني يوجد فارق ملحوظ ممكن يخليك تضحي بالسنة
أصادقك القول في بداية العام الدراسي كنت راح نبلوكي العام مي بعدما عجبني تخصص البيولوجيا كملت فيه
لآ علينا قدر الله و ما شاء فعل


هو اختيار شخصي اختي انا واحد من الناس الحمد لله اتقن الفرنسية جيدا و الانجليزية اكثر و كل المواد الادبية اكثر من العلمية و لكن في الجامعة رفضت نقرا مواد ادبية مع اني كنت قارد نبلعها و عينيا مغمضين
و قريت علوم و تكنلوجيا هندسة ميكانيكة و مش نادم الى الان رغم اني كنت نبلع ب 10 و عاودت سنتين بسبب الجدع المشترك و مين لحقت للدراسة المتخصصت بلعت ب 12 و 13 من الامتحان الاول
حتى عن نفسي اجدها متفوقة في المواد الادبية اكثر من العلمية لهذا أردت تخصص الفرنسية
و هو كذلك أكثر ما أخاف منه الندم يوم لا ينفع ندم لهذا راني محتارة و خائفة نوعا ما

الخلاصة من قصتي انو اختيار شخصي
و ما خاب من استشااار


كوني اظن الدراسة العلمية اهم بمليون مرة من الادبية رغم اتقاني للاخيرة ننصحك تكلمي في بيولوجيا و حتى تخصص المادة تخصص رائع و احسن مليار مرة من الفرنسية اظن انو ناسه تتخصص في الفيزياء و الرياضيات بعد السنة الاولى

ادا قبلك متعلق بالفرنسية لدرجة العشق او حلم قديم ليك انا من راي كملي البيولوجيا حتي ليسانس يعني يبقالك سنتين ثم ادخلي فرنسية بالباك الثاني تقوليلي واض يضمنلي ندي الفرنسية الاجابة هي '' العرف ادا عندك ''

حسنآ أخي شكراا لم من الأعماق بارك الله فيك أفدتني حقا

جزآك الله خيرا

تمنياتي لك بالتوفيق

سلآم

[إكرام ملاك]

السلام عليكم ورحمة الله وبركااته

أختي طالما لك رغبة في تخصص فرنسية جربي الترنسفار و إن لم يكن من نصيبك التخصص
خاصة انه ماتال الفرصة سانحة لك
أكملي بيولوجيا وإن شاء الله يكن لك التوفيق
كما تقدري تسجلي في الشبه طبي لانه ماال لم تعلن عن تسجيلاته بعد
ولا تنسي الاستخارة والتوكل على الله
المهم بالتوفيق

[سطايفية بكل فخر]

السلام عليكم
بداية مبروك عليك الباك غاليتي
ثانياا طولي بالك وكلشي يفوت ان شاء الله كلنا عانينا مرارة التوجيهات الجامعية شخصيا نسميها التوجيعات الجامعية لانو كامل توجعنا منها
ياختي وشا نقلك بلعقل برك وخمي مليح اذا كنتي مقتانعة بتخصص الفرنسية وقادرة تنجحي فيه ديري تحويل بالباك القديم اذا معدلو يدخلك فرنسية لكن ديري في بالك بلي يحاسبوك بمعدلات العام الماضي
واذا نزلت المعدلات هذا العام ديري تحويل من علوم المادة الى الفرنسية بالباك الجديد وقراي فرنسية وبيولوجيا لكن بلاكي تسجلي في نفس الجامعة راهم يفيقولك ويسحبولك احد الباكين وتنتهي صلاحيتو واذا قبلوك كمليوابدعي فيه
واذا مكتبلكش التحويل كملي البيولوجيا لانها ثاني مليحة وبلا متندمي لانو ربي حطك فيها وخيرهالك في النهاية عسا ان نكره شيء وهو خير لنا وعسا ان نحب شيء وهو شر لنا
+
بخصوص علوم المادة انا دائنما اقول العمل هو المشكل خاص لتخصصات الفيزياء المجال محصور في التعليم والتيكنو مطلوبة اكثر منها
لذلك اختي لو حابة تقراي فرنسية وكان معدل التحويل يسمح حولي منها غالتي
+
استخيري الله ايضا وفيها خير وراني هنا نتناقش معاك في اي نقطة تحبيها باش متندميش

[moh ag]

السلام عليكم الأخت أنا مررت بموقف مشابه لموقفك و سأقص عليك تجربتي لعلكي تستفيدين منها أنا تحصلت على الباكالوريا في سنة 2008 و سجلت بها لغة فرنسية درست عام واحد و انتقلت الى السنة الثانية و في نفس الوقت يعني سنة 2009 تحصلت على شهادة باكالوريا ثانية و سجلت بيها علوم زراعية و لانني فضلت أن ادرس العلوم الزراعية قدمت طلب لتجميد الدراسة في اللغة الفرنسية على اعتبار أنني مسجل في شعبتين و تمت الموافقة عليه و بعد أن اتممت 5 سنوات دراسة في العلوم الزراعية في 2014 قدمت طلب لفتح التجميد و اعادة التسجيل في شعبة اللغة الفرنسية مرفق بنسخة عن دبلوم العلوم الزراعية و قرار التجميد فتمت الموافقة عليه من طرف نائب رئيس الجامعة و اعادة تسجيلي في السنة الثانية فرنسية و انا الآن أدرس فيها بشكل عادي نصيحتي اليك اذا تمت الموافقة على طلبك للتحويل الى اللغة الفرنسية و كان لديك ميل قوي و رأيت أنه يمكنك النجاح فيها افعلي كما فعلت أنا و قومي بتجميد الدراسة في شعبة البيولوجيا وأدرسي الفرنسية و عندما تكملين يمكنك العودة الى البيولوجيا لكن أنبهك الى أمر و هو أنه تم اصدار قرار خلال السنة الدراسية الماضية بعد نهاية السداسي الأول بالغاء تسجيل الطلبة الذين تحصلو على شهادة باكالوريا سنة 2014 و كانو يملكون شهادة باكالوريا سابقة و لهذا عليك أن تستفسري جيدا قبل القيام بأي خطوة

[moh ag]

بالنسبة لمناصب العمل في الجزائر لا يوجد تخصص العمل فيه مضمون لكن يوجد تخصصات فرص العمل بها أحسن من غيرها بالنسبة للبيولوجيا معظم من درسو هذا التخصص يعانون من البطالة و يشتكون من نقص مناصب الشغل أما علوم المادة لا أعرف عنها الكثير و لكن لا أظن أنها أحسن من البيولوجيا في رأيي أن اللغة الفرنسية هي أحسن اختيار من حيث مناصب الشغل خصوصا اذا كنت متفوقة فيها و ربما تتاح لك الفرصة للوصول الى الدكتوراة

[سطايفية بكل فخر]

الاخ موح انت محكمش عليك قانون الباكالوريتين لانو ندار في 2012 وانت ديجا جبتو في 2009
هي كون ديكلاري بالباك الجديد يلزموها تسحب واحد
ربي يوفقكم

[moh ag]

المشاركة الأصلية كتبت بواسطة سطـايفية بكل فخر

الاخ موح انت محكمش عليك قانون الباكالوريتين لانو ندار في 2012 وانت ديجا جبتو في 2009
هي كون ديكلاري بالباك الجديد يلزموها تسحب واحد
ربي يوفقكم

لم أكن أعلم بصدور هذا القانون شكرا لك على التوضيح اذن الحل الوحيد لها أن تسجل في جامعة أخرى بالباك الجديد

[سطايفية بكل فخر]

المشاركة الأصلية كتبت بواسطة moh ag

لم أكن أعلم بصدور هذا القانون شكرا لك على التوضيح اذن الحل الوحيد لها أن تسجل في جامعة أخرى بالباك الجديد

نعم اخي هذا هو الحل

[نجمة المستقبل]

ضربت كل التوقعات عرض الحائط

راح خويا اليوم يسجل فيا في علوم المادة لكن الادارة ما قبلوش قالوا تكمل البيولوجيا و كي تكمل تسجل بهاذ الباك

يا خي قلتيلي أختي سطايفية انوا الباك تنتهي صلاحيتوا بعد عامين

يعني راحلي هاذ الباك ؟؟؟؟ و لا امل في الفرنسية ؟

[سطايفية بكل فخر]

المشاركة الأصلية كتبت بواسطة نجمة المستقبل

ضربت كل التوقعات عرض الحائط

راح خويا اليوم يسجل فيا في علوم المادة لكن الادارة ما قبلوش قالوا تكمل البيولوجيا و كي تكمل تسجل بهاذ الباك

يا خي قلتيلي أختي سطايفية انوا الباك تنتهي صلاحيتوا بعد عامين

يعني راحلي هاذ الباك ؟؟؟؟ و لا امل في الفرنسية ؟

يخي حذرتك وقتلك متقوليليهمش بلي عندك باك اخر ولا طاباو في الميكرو خرج اسمك هاهي النتيجة لي قتلك عليها واحمدي ربي انو مداولكش الباك وكاشاولك فيه لانو لو كاشاولك الباك راح ومتقدريش تسجلي بيه في اي تخصص مرة اخرى ولا في اي جامعة
+
نعم اختي وتعاود تولي بعد خمس سنوات هكا قالولي لما رحت نسجل بتاعي
ولذلك العام الجاي حاولي تسجلي بيه في ولاية اخرى وحطي طول فرنسية بلاك يقبلوك لانو تولي مكيش مقيدة بتخصص كيما هذا العام لازم تسجلي علوم مادة

[نجمة المستقبل]

المشاركة الأصلية كتبت بواسطة سطـايفية بكل فخر

يخي حذرتك وقتلك متقوليليهمش بلي عندك باك اخر ولا طاباو في الميكرو خرج اسمك هاهي النتيجة لي قتلك عليها واحمدي ربي انو مداولكش الباك وكاشاولك فيه لانو لو كاشاولك الباك راح ومتقدريش تسجلي بيه في اي تخصص مرة اخرى ولا في اي جامعة
+
نعم اختي وتعاود تولي بعد خمس سنوات هكا قالولي لما رحت نسجل بتاعي
ولذلك العام الجاي حاولي تسجلي بيه في ولاية اخرى وحطي طول فرنسية بلاك يقبلوك لانو تولي مكيش مقيدة بتخصص كيما هذا العام لازم تسجلي علوم مادة

مي هاذ الباك راني مسجلة بيه علوم المادة و خرجت بيان التوجيه من الانترنت اني موجهة لعلوم المادة ، كيفاش يعني نقدر نسجل بيه العام الجاي ؟

اذا كان هكا ها غير هاذ العام و نروح نسجل فرنسية في ولاية اخرى

[سطايفية بكل فخر]

المشاركة الأصلية كتبت بواسطة نجمة المستقبل

مي هاذ الباك راني مسجلة بيه علوم المادة و خرجت بيان التوجيه من الانترنت اني موجهة لعلوم المادة ، كيفاش يعني نقدر نسجل بيه العام الجاي ؟

اذا كان هكا ها غير هاذ العام و نروح نسجل فرنسية في ولاية اخرى

شوفي ختي حاولي تروحي مرة اخرى انت بلاك ميشفاوش عليك والا كيما قتلك للعام الجاي
+
العام الجاي التوجيهات هذيك تلغى وتولي تروحي تسجلي وين تحبي ديري طلب خطي مرفوق بنسخة من شهادة الباك وتقدميهم للديبارتومون لي حابتها ولكن تتحاسبي بمعدلات هذا العام
+
شوفي ولاية المعدل فيها هابط