طريقة خياطة البدرون لكل من طلبتها

fifiarch · 2012-03-12, 22:14

مساء النور اخواتي اسمحولي طولت عليكم
راني جبتلكم طريقة خياطة البدرون

جربتها في قطعة قماش صغيرة وحطيتلكم الشرح على الصور
نتمنى يكون شرحي واضح و مفهوم

واش لبنات نتمنى الطريقة سهلة
انا عملت نموذج مصغر باه نشرحلكم بيه لانو البدرون لي خيطتو المرة لي فاتت ماصورتش المراحل نتاعو ومولاتو اداتو وماراهاش هنا باه نصورهولكم مفتوح تفهموه مليح

وانا مانيش راح نخيط واحد ضك حتى نشري القماش

فرح العمر · 2012-03-13, 09:03

ربى يحفظك و ينورك اختى فيفي انا رانى سميتك فيفي رمز العطاء

crono · 2012-03-13, 09:17

يعطيك الصحة فيفي ركي جبتيها كما الباترون لي حطيتو
عندي ملاحضة معليش في الظهر الستيك اجي مخيط مع القماش بميقعدش
فه لترس في دهرك نتمني تكوني فهمتيني( يعني القماش دير عليه )
طولك من الكتف الى الارض مرتين -20سم والحزام راكي تعمليه من القماش اللي يبقى بعد الفصالة لما تنحي عرضك من القماش على الجنب أمفيهش القماش في صدر
سمحلي رني نصححلك بماأن محطيتيليش التطبيق ديلك مخدمتيش
نعطيلك 19.5/20
رني نقستلك نقطة

windows0306 · 2012-03-13, 11:22

رووووعة يسلمو واش هو اسم الكتان

هاجر 76 · 2012-03-13, 12:43

شكرااااااااا يالحبيبة الله يحفظك

fifiarch · 2012-03-13, 18:20

اقتباس:

المشاركة الأصلية كتبت بواسطة فرح العمر

ربى يحفظك و ينورك اختى فيفي انا رانى سميتك فيفي رمز العطاء

ربي يخليك اختي غمرتيني بلطفك

fifiarch · 2012-03-13, 18:22

اقتباس:

المشاركة الأصلية كتبت بواسطة crono

يعطيك الصحة فيفي ركي جبتيها كما الباترون لي حطيتو :d
عندي ملاحضة معليش

في الظهر الستيك اجي مخيط مع القماش بميقعدش
فه لترس في دهرك نتمني تكوني فهمتيني( يعني القماش دير عليه )
طولك من الكتف الى الارض مرتين -20سم والحزام راكي تعمليه من القماش اللي يبقى بعد الفصالة لما تنحي عرضك من القماش على الجنب أمفيهش القماش في صدر
سمحلي رني نصححلك بماأن محطيتيليش التطبيق ديلك مخدمتيش
نعطيلك 19.5/20

رني نقستلك نقطة :d

يا اختي كرونو والله شرف كبير ليا انك تقيمي اعمالي
والشرف الاكبر انها تعجبك
والشرف الاكبر منهم كامل انك تعطيني هاذ العلامة
ربي يخليك ليا وللبنات في منتدانا كامل
راح ناخذ النصائح نتاعك ونعمل بيهم باذن ربي
اما عن التطبيق نتاع الدورة قصة طويلة مانحكيلهالكش ضك مبصح ان شاء الله الليلة نخدمو

fifiarch · 2012-03-13, 18:23

اقتباس:

المشاركة الأصلية كتبت بواسطة windows0306

رووووعة يسلمو واش هو اسم الكتان

الله يخليك
انا هنا استعملت البيزو بيزو يجي هابط وخفيف مليح يصلح للبدرون
و قبل استخدمت ساتان لازار جا واقف شوي لكن جا شباب تانا
ننصحك باي قماش يكون مطلوق شوي باه مايجيلكش واقف و بالتوفيق

fifiarch · 2012-03-13, 18:24

اقتباس:

المشاركة الأصلية كتبت بواسطة petra imad

شكرااااااااا يالحبيبة الله يحفظك

الله يسلمك ديريلنا واحد ليك نشوفوه

boulanouar amira · 2012-03-13, 18:33

بارك الله فيك مشكورة أختي على هدا الشرح الواضح

omanis · 2012-03-13, 19:26

اختي يعطيك الصحة على المبادرة بصح لوكان زدتي فهمتينا شوية بالتفصيل لانو عجبني بزاف خاصة اللون و انا نحب التقليدي لوكان غير نمشي واحدة واحدة مع القياسات من فضلك اختي فيفي بالقياسات احسن الباترون تاني
و التقييم راهي قيماتو الاستادة كرونو و الله غير ممتاز

doli/M · 2012-03-13, 19:36

الله يبارك فيك فيفي شرح كافي ووافي
الله يعطيك ما تتمناي

موج و صخر · 2012-03-13, 21:05

يعطيك الصحة أختي فيفي
كثّر خيرك على الشرح
و مع ذلك ما زال خايفة نفصله و نفسده
و العرض كيف نحسبه
و شكرا

fifiarch · 2012-03-13, 22:28

الف شكر ليكم لبنات
على الردود المشجعة
لكن القياسات كل وحدة وعرض كتافها
تحسبي عرض كتافك وبعدين تخلي من الجيهتين قيس القطعة لي حابتها ترجع هاذيك كل وحدة وكيفاش تحب و تقصي غير من عرض القماش باه ترديه للعرض لي حاباتو انت
اذا مافهمتونيش شوفو هذا الباترون حطاتو اختي كرونو عاملة فيه القياس هاوليكم والطريقة انا مبينتها ان شاء الله تفهمونا

darlla · 2012-03-14, 09:10

يعطيك الصحة يالفحلة شرح واضح فقط لازم شوية تركيز اليوم ممكن نشري قماش ونجرب اذا لقيت قالون مليح او ندير واحد لحنين نجرب فيها

بصح راكي فحلة خمووووووووووس على بنت بلادي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري