كارثة كارثة يغلقون الهاتف في وجه الطلاب

hamza touazi · 2012-09-30, 10:12

لا حول ولا قوة الا بالله اليوم تصلت بالرقم 021964357 وهو رقم الديوان الرسمي ردت على فتاة بطريقة اقل مايقال انها لا اخلاقيىة اريد ان افهم ماهي مهمامها وماهو عملها اليس توجيه الطلاب طلبت منها رقم مركزي العاصمة لان الرقم الموظوع فالمو قع للمركز لا يعمل ومغلوق مند زمان وعندما قلت لها الرقم غير مشغول ردت علي ونا واش دخلني روح ليهم ومنمدلكش قريب كلاتني وسكرت في وجهي ايعقل بهادا التخلف مزالنا واقفين لاحول ولا قوة الا بالله وكي عاوت نتصل تسكر في وجهي ومترفدش لاحول ولا قوة الا بالله والله غارا باصيتها ومعرفوش معامن طاحو نديرلهم وقت ليهم الله لا تربحهم ياك المركز داروه علاجالنا وعلاجال خدمة الطلاب الى مسؤولي الديوان اتحمل مسؤولية كلامي شوفو ارشيف المكالمات لتفظح الكثير من التجاوزات في حق الطلبة من طرف بعظ العاملين فالمركز قظية للمتابعة مصدوووووووم

وردة أمل · 2012-09-30, 10:31

هوما اصلا مانيش عارفة كيفاه حتى يديروا ناس ماعندهش أدنى لباقة في التعامل و يديروهم يستقبلوا الاتصالات ,,,,المفروض يديروا ناس يعرفوا كيفاه يتعاملوا مع المتصلين و يعرفوا يهدروا كي الناس ,,,انت تهدر معاها تحسب راهي تخلص فيك على الهدرة و تتكلم بالزعاف تقول شي تخدم عليك و من بعد تكوبي نورماااااااااال و انت في نص الهدرة ,,,,انا هاذي نسميها """قلة أدب"""

و هاذي كاينة تقريبا في معظم الادارات الجزائرية و على سبيل المثال لا الحصر """اتصالات الجزائر"" الشي لي لاحظتوا انو لما نهدر مع رجل و الله غير يعاملك بطريقة ماشاء الله و يسمع لواش تقول بصح لما تهدر مع بنت العكس ,,,,,,مي ماشي كامل

واش تحب هاذي هي العقلية البايخة ,,,,,,في اوروبا لي يخدم في القطار و لا الفندق و ما يستقبلش الزوار بابتسامة يحاوزوه من النهار الاول و حنا عندنا ,,,,,,,,,,,,,,,,,,؟؟؟؟؟؟؟؟؟؟؟؟؟؟؟؟؟؟؟؟؟؟؟

crazy frag · 2012-09-30, 10:46

يا خويا أنا صونيت لمركز تلمسان في الأربعاء، الخميس واليوم تاني، مايصونيش كامل! تحسب بلعاني طفاو التلفون
يا خي بلاد، والله العظيم اللي يبغي يقرى في هاد البلاد مايطفرش
تفوووو

رواسي · 2012-09-30, 10:48

ياأخي كبر عقلك وقلبك أنت الآن يهمك الباك فقط

راح تعلمها الآدب على آخر أيّامها

الحياء شعبة من شعب الإيمان
فإن لم تستحي فافعل ماشئت

الله يوفقكم في الباك

hamza touazi · 2012-09-30, 12:03

بارك الله فيكم خاوتي عالمرور والله طلعلي السكر والقلق علاش بلادنا تبقى دائما متخلفة وعلاش هي واش خدمتها ياخاوتي فالله هدرت معاها بالجونتي وعلاش تسب وتكوبي

okab king · 2012-09-30, 14:29

واش راح نديرو هذا هو ارهاب الادارات الجزائرية يديولك حقك وزيد بالزيادة مكش مليح انا تاني عيطتلهم في المركز تع بسكرة قريب ياكلني يبان يصدق عليا وانا حبيت نسقسيه برك قالي بلي راني نديرونجي فيه قولي يرحم باباك كيفاه راح تعيش مع هاذو الناس حسبي الله ونعم الوكيل

abdoules33 · 2012-09-30, 14:46

انا تكلمت معاها اليوم ليكيداتني ديراكت
مراهيش في بلاستها

hamza touazi · 2012-09-30, 15:25

مي لازم نلقاو حل ارى الكثيرون عومليو بنفس الطريقة التي عاملوني بها حسبي الله ونعم الوكيل فيهم وكيلهم ربي وبادن الله ربي ينتقمنا منهم

crazy frag · 2012-09-30, 16:29

أنا شحال وأنا نصوني كي ردو عليا قلتلهم فهموني، قالك رواح للمركز! المركز بعيد عليا ب75كم! علاش في التلفون الفهامة ماتفوتش؟ يخي حالة يخي
ويقولك رانا نديرو ونبنيو و.... وهوما ماسقموش حتى رواحهم

hamza touazi · 2012-09-30, 17:03

شفت اخي وكيلهم ربي انا تان خدام ومعنديش كمل الوقت باش نروح ليهم وكي تعيط فالتلفون يزيدو يقللو ادب معانا

mahmoudb69 · 2012-09-30, 18:11

الله يهدهم

riad.dx · 2012-09-30, 20:50

واش راح دير يا خويا أبد وجد باك تاعك و خلاص و خوتنا في منتدى راهم معنا ربي جزيهم

إنشـــــــــــــــــــــــــــــــــــــــــــــــ ــــــاء لله

حفصة92 · 2012-09-30, 20:54

la meme chose à mostaganem..........

hamza touazi · 2012-10-01, 08:30

وعلاش مي هكا الغرب وكان متكونش مبتسم تطرد من الخدمة حنا العياط والتشناف ومناش ملاح

كوندور الهضاب · 2012-10-01, 08:54

السلام عليكم ورحمة الله وبركاته
يا خويا كبر بالك، مازال ما شفت والو في هاذ البلاد، أنا حاولت منذ مدة باش اسحب شهادة البكالوريا الأصلية أنتاعي، ياو دوخو سبع دوخات ومالقيتش الهاتف انتاعهم والله غير انقولك مازالي غير رئاسة الجمهورية ما اتصلتش بيها وسفارة أمريكا لعلها تعرف رقم الهاتف، وفي الأخير والحمد لله اعطاوني رقم الديوان الوطني للامتحانات والمسابقات في العاصمة وانقولك والحق يقال راهم اتهلاو فيا يكثر خيرهم وراني استخرجتها بالهاتف فقط ويكثر خير الأخت في مكتب الشهادات صراحة ما أتوقعتش يكون في إنسان بهاذ المعاملة في إدارة جزائرية والله العظيم اتصورو استخرجت شهادة البكالوريا بالهاتف فقط هاذا في الديوان الوطني للمسابقات والامتحانات بالعاصمة.
ربي يهدي كل عامل راه يخدم في هاذ الشعب وربي يهدي الشعب كذلك