كنت شفت 2 أو 3 عضوات فقط حطو وصفة هذه الصلصة ولكن المواضيع منقولة، حنا نستفادو أكثر بالمواضيع المجربة والمضمونة
، لذا رحت للمطبخ وعملتها وصورتها باش تتعلموها كيما أنا
كنت عدة مرات شفت على قناة فتافيت طريقة تحضير صلصة التوفي وهي نوع من الكاراميل يكون ألذ وقوامه أكثر ليونة من الكاراميل العادي و يستعمل لتزيين الكيكات أو المثلجات أو تحليات ...الخ.
أنا حبيت نتعلمها وما كانش عندي المقادير ، دخلت المطبخ وصممت نتعلمها
و جربتها بمقادير مختلفة ( حوالي 4 وصفات ) ومن ذلك الوقت كل ما نحب ندير كيكة نستعمل هذه الصلصة للتزيين ، خاصة انه بإمكانك صنع كمية منها و الاحتفاظ بها لمدة في الثلاجة أو حتى المجمد دون أن تتلف .
حبيت اليوم نعلمكم هذه الصلصة ، إنها جدا لذيذة وفاخرة لأنها تعطي الكيكة رونق و فخامة .
هذا مثال على كيكة مزينة بالتوفي أخذته من النت :
المقادير : انا بالخبرة عيني ميزاني
و لكن لما جربوها للمرة الأولى لازم تكيلو و من بعد رايحين تتعلموها راهي جدا سهلة وسريعة
و ترجع عينكم ميزانكم
، شوفو :
* كاس و نصف سكر
* كاس و نصف كريم فراش و اللي ما عندهاش ممكن حليب فايض مسبقا و سخوووووون ، تتحصلي على نفس النتيجة ( ممكن كمية الحليب تكون أقل أو أكثر حسب الذوق ، تحبيها خفيفة أو ثقيلة و حسب الاستعمال ، يعني لما تستعمليها للمثلجات لازم تكون خفيفة وإذااستعملتيها لتغليف كيكة لازم ثقيلة )
* 3 ملاعق كبيرة زبدة
سهولة الوصفة تكمن في أن المقادير حتى وإن لم تكن دقيقة تصلح وما تفسدش
الطريقة :
1- ذوبي الزبدة ، ثم أضيفي السكر و خليه يذوب حتى يصبح كاراميل
هنا راهو بدأ يذوب على الحواف
هنا ذاب أكثر ، وبدأت الزبدة تنفصل عن السكر ( يعني الزبدة تطفو فوق السكر ) ، ما تخافوش هنا لازم تبداو تحركو بالمضرب اليدوي
بمجرد ما تحركو رايح يذوب السكر بسرعة ، شوفو :
لما يذوب السكر تماما ، نضيف الحليب قليلا قليلا( لازم يكون سخووون ) و نخلط بالمضرب اليدوي بسرعة ، الحليب يضاف على دفعات كل مرة نسكب حوالي فنجان و حذاري تتحرقو لأنه يفور و يعمل فقاعات ، شوفو هنا لما سكبت الحليب :
هنا لما كملت كل الحليب و حركت ، شوفو اللون و القوام ثقيل :
هنا راهو بارد :
هذه صلصة التوفي بكل بساطة ، عندها طعم الكاراميل و لكن لينة لتستعمليها في عدة وصفات ، مثلا :
* الشكلاطة المحشية لأم رامي
* بديل النستلي كاراميل في كل الوصفات
* تزيين كيكة
* تزيين المثلجات
* ممكن ديريها ثقيلة و تعمليها على شكل حلوة bonbon و تغلفيها ، الأولاد يفرحو بيها
الإضافة السرية نتاعي اللي نوريهالكم غير ليكم ، أضفت حوالي 4 أو 5 حبات شكلاطة و الطعم نتاعها يصبح روووعة ، نفس طعم و ريحة الكابريس ، شوفو :
ممكن تبان خفيفة لما تكون سخونة لكن لما تبرد حطوها في الثلاجة على الأقل 3 ساعات ، رايحة ترجع ثقييييلة .
* نصائح :
- حضريها ليلة قبل الاستعمال ، باش تكون بردت مليح و تبانلك الكثافة نتاعها ، ممكن لما تكون مازالت جديدة تتخدعي فيها تبانلك جارية لكن لما تبرد لمدة تعرفي الكثافة الحقيقية
- استعملي إناء عميق باش لما تضيفي الحليب و يفور ما تتحرقيش
- إذا جاتك الصلصة ثقيلة بزاف سخنيها شوية و زيديلها شوية حليب
- ما تستعمليش حليب بارد ، ممكن يروب لما تحطيه على السكر سخون و يدير كتل
- ماتقويش النار رايح يتحرق السكر ومن بعد تقولولي جانا فيها ريحة وطعم الحريق وطعم مر ، مالازمش يتحرق الكاراميل.
- هذه المقادير تغلف حوالي 2 كيكات ، أنا ما جيت نصورها كلاو أخواتي نصها ، لأن طعمها تماما مثل كابريس ذايب
و في المستقبل بإذن الله نحطلكم الكثير من الوصفات الرائعة بهذه الصلصة البسيطة
أسمحولي كثرت التفاصيل والصور باش تفهمو مليييح .
( تقرير عن مشاركة سيئة )، و الموجودة أسفل كل مشاركة .
2015-10-21, 14:54
العرض العادي
