"مول النية يربح"،،،ارواحو سمعو وحكولنا

[*نآدرة~]

السلام عليكم ورحمة الله تعالى وبركاته

ان شاء الله تكونو كامل بخير

"مول النية يربح"،،،من لي كنا صغار وحنا نسمعو بهاذ المقولة،،حتى ترسخت في بالنا،،مرات نقولو كاين منها صح ومرات نقولو لي دار النية مسكين وعمرو مايربح


غير كيما سمعت واحد القصة وتأكدت صح بلي مول النية يربح،،،هذا واحد الشاب مسكين عاقل وخاطيه،،دفع ملفو باه يدخل للجيش،،قبلوه وراح هو وزوج صحابو للثكنة باه يفوتو،،،قعدو يامات ومن بعد قالولهم لالا ماقبلناكمش،،،كملولهم دراهمهم هذوك زوج لعبوهالو مسكين داولو دراهمو ورجعو لديارهم زاهيين،،،خبرو القصة للجميع ومسكينة امو ماعندهاش حتى باه تتصل بيه،،المهم هو ماعندو والو ومايعرف حتى واحد في هذيك المنطقة،،لقا مقهى حكاللسيد قصتو وطلب منو يقعد يخدم عندو يامات قدما يجمع مبلغ مليح باه يرجع لدارهم،،صاحب المقهى وافق وبدا هاذ الشابيخدم عندو

بد مدة جاو مجموعة من الجيش يشربو قهوة،،شافو هاذ الانسان سقساو مول المقهى عليه باعتبارو غريب وماهمش موالفين يشوفوه،،حكالهم بعد يومين رجعو ليه وقالولو بلي قبلناك وراك دخلت للثكنة مبارك عليك

راه خدام لاباس عليه وسلك على "نيتو"




وهذي ثاني قصة حكاوهالي:تاع طفلة كا باغيها واحد ونواها للزواج،،،هي كانت شابة ودايتها في روحها،،كانت تقرا في الجامعة كان كل مرة يقولها وكانت هي تتكبر عليه باعتبارو زوالي،،،مرة وهما يحكو قاتلو انا مانيش تاعك قالها صحا خيريلي واحدة كانت فايتة وحدة قدامها تكرهها من قلبها وزيد هي ماشي شابة بزاف،،قاتلو هذيك توالمك،،،قالها ايا صح نديها كي خيرتيهالي،،تخيلو السيد ماهو لازوالي لاوالو طبيب لاباس عليه من عايلة غنية ماشاء الله،،سيارة وبيت ....ودا هذيك الطفلة وبدا يوصلها للجامعة وهذيك البنت الاولى تشوف

شكيت ربحت على حساب "نيتها"





احكولي الصح انتما:تآمنو بالمقولة ولالا؟؟

وعندكم قصص على النية وبلي تربح؟؟


لكم الخط

[جمعي البشاري]

"مول النية يربح"
100/100
شكرا على الموضوع

[*نآدرة~]

المشاركة الأصلية كتبت بواسطة جمعي البشاري

"مول النية يربح"
100/100
شكرا على الموضوع

الشكر موصول لك أخي على الحضور والرد

العفو

[*سندوسة*]

صح مول النية يربح بصح يتغبن شوية سورتو فالمجتمع نتاعنا

مشكورة اختي على الموضوع

[*نآدرة~]

المشاركة الأصلية كتبت بواسطة سندوسة يسمين";3993143880][b][font="arial

صح مول النية يربح بصح يتغبن شوية سورتو فالمجتمع نتاعنا

مشكورة اختي على الموضوع[/font][/b]

ايه صح والله غير يتغبن،،بالصح ربي دايمن يكون معاه،،ويربح ولو بعد زمن

العفو ياسمين الشكر موصول ليك لي تواجدتي في موضوعي

[abedalkader]

السلام عليكم
الاعمال بالنيات ولكل امرئ ما نوى
قيل كل واحد يخلص قد نيتوا
فعلا في كثير من المرات نشوفوا ناس تسلكهم نيتهم
احترامي

[*نآدرة~]

المشاركة الأصلية كتبت بواسطة abedalkader

السلام عليكم
الاعمال بالنيات ولكل امرئ ما نوى
قيل كل واحد يخلص قد نيتوا
فعلا في كثير من المرات نشوفوا ناس تسلكهم نيتهم
احترامي

وعليكم السلام ورحمة الله تعالى وبركاته

صحيح والله كل واحد يخلص على حساب نيتو،،الله يصفي نياتنا ويرزقنا على حسابها

تسلك النية ولو بعد زمان

شكرا أخي الفاضل

[سميرة10]

صحيح اختي شذى مو النية يربح ودايما هو رابح عند ربي هذه مجربة

[*نآدرة~]

المشاركة الأصلية كتبت بواسطة سميرة10

صحيح اختي شذى مو النية يربح ودايما هو رابح عند ربي هذه مجربة

مكاش كيما النية،،ربي ينجي الانسان على حساب صدقها وصفاوتها
ربي يربحنا على حساب نيتنا

شكراا سميرة بارك الله فيك على المرور

[zahoo123]

النية هي الصدق مع الله والله مع الصادقين فلا تغبن يامول النية فانت الرابح

[بنت لبحر]

صح مول النية يربح مالقري يسوفري مي في لخر يربح

عندنا مثل يقولو مول النية الا مربحش راح بسلك على خير

يعطيك الصحة

[❀ مَـلاَكُ الأوُرْكيِـدِ ❀]

صح مول النية يربح 100%

[fatima zohraa]

السلام عليكم.صح يتغبن بصح الحق يظهر ويتنصر ولو بعد حين

[yacine_cbc]

شكرا على الموضوع

[أم عاكف ( الأم المعلمة )]

صحيح اختي مول النية يربح

اللهم اعطي كل واحد قد نيتو واجعل نيتنا خالصة لوجهك الكريم