تفكيري مشتت شاركوني برأيكم

[مشكلتي]

السلام عليكم عليكم
ابعد ان تقدمت لطلب يد فتاة قبل 5 سنوات و رفضت من والدها بداعي اني لست مرسم و ايضا أسكن مع عائلتي تخليت عن فكرة الزواج و الان بلغ سني 34 سنة و اصبحت مرسم و اعمل كأستاذ لكن فكرة الزواج لم صبح هي اهم هاجس في حياتي الان ظهرت لي طموحات اخرى مثلا كسب سيارة لتسهلي معاناتي مع العمل بحكم اني اعمل في مدينة بعيدة عن مقر سكني ب 100 كم و ايضا احاول ان استقر و استقل عن عائلتي توفيرا لحد اقصى من الحرية حتى ولو بالكراء
الان المشكلة تكمن في تريتيب الاولويات و بحكم تجربتكم ايهم اولى في حالتي هذه هل الزواج ام الاستقرار و الانفصال عن عائلتي ام شراء سيارة
للعلم اني تعرفت مخرا على بنت تدرس في السنة السابعة طب هي موافقة لكن لا عرف ردة فعل وليها
اشيروا علي بارك الله فيكم في تحديد الاولويات

[محارب الحمق]

حيرتني واحد اللي ماحاطش الزواج في راسو مايروحش يتعرف على وحدة هذا يدل على انك يا اما حاب تزوج يا اما حاب تجيب شويا وقت بالاخت تشري سيارة وممبعد تخطبها. انت ادرى بالاولويات. مادام حاب تدي طبيبة فهذا يعني انها يمكن ان تساعدك في شراء سيارة بعد الزواج كما ان عمرك يوافق اضاءة المصباح الاحمر اي ان الزواج اكثر من ضروري. انا لا اريدها عاملة ومن لا يريدها عاملة عليه ان يشتري سيارة قبل ان يتزوج لانه سيصعب له ذلك بعد الزواج الا من يسر الله له. انت ادرى بالحال ارى انه عليك التعجيل بالزواج

[ابو سليمان10]

ماذا ستفعل بالاستقلال عن اهلك و انت في 34 و تبقى اعزب....تزوج

[مراد سابقا10]

انا ننصحك متزوجش هنا في الجزائر روح لروسيا فيها الاف الفتيات المسلمات دين وجمال واخلاق .

[visa uk]

الانسان لي يمشي بعقلو دائمن عندو اولويات محددة ومثبوتة في عقلو كالدراسة ثم القراية ثم العمل ثم الزواج ثم سيارة او عكس مثلا كسب سيارة واحتفاظ بها ثم زواج مهم عندو اولويات مثبتة في مخو من صغرو واولويات هاد انت ايضا موجودة ومغروسة مثل اشجار في عقلك كالمسامير لد زد ثبتها ويبسها اخي اولوياتك اوك راك مليح مادام نويت زواج من بعد نحت من راسك قرار زواج من عقلك ادن حل نصيحة انك التها بروحك تماما مثلما يفعله بعض شباب وبهعض عقليات اوك تفكرك ممتاز وتخمامك رائع
ماراكش مشتت برك راك تتوهم فقط بالتشتت لي مشتت صح ماعرفش راسو من رجلو

[زبدة ذايبة]

تريد الحصول على بعض من الحرية.

من خلال تأجير بيت بعيد عن الأهل؟؟؟

مافائدة ذلك؟؟؟؟

بعد أن فقدت نوعا ما الداقع للزواح.

أنت الآن في سن 34 ويعد سنة سيتغير هذا الرقم.

فمن باب أولى أن تبدأ بنفسك فتعفها أولا.

لأن الزواج نصف الدين.

والنصف الآخر سيكون تحصيل حاصل

الزواج أولا ثم ثانيا ثم أخيرا.


السيارة ومتع الحياة الأخرى ستأتي تباعا.

رزقك الله الزوجة الصالحة

[زايدي أمحمد]

السلام عليكم ربي يوفقك في مشوار جياتك

أولا اخي لا توجد الراحة في الدنيا مدام أنك حي الانسان في الشقاء الى الموت
هماك الراحة النسبية ولا تجدها في استقلالية سكن وحدك لانك تشعر بالملل
عليك أن تتزوج اولا لانك بداـ ان تكبر في السن والوقت ليس بصالحك فالزواج فيه المودة والرحمة تجلب لك الراحة وبعدها همم تشتري السبارة بعد التفاهم مع الفناة الله يكون في عونك .

[النجمة القطبية]

مرانيش حابة نحبطلك المورال بصح راك كبرت الأخ
لو كنت في العاصمة راح تسمع من أي عشرينية كلمة يا عموا
مالا الاحسن تتكل على ربي وتدير وليدات وتعيش شبابك
اما اذا معندكش الدافع للزواج معندي ما نقولك
أما أنا رأيي الزواج هو الأولوية المهم تحسن الاختيار باه تعيش هاني
موفق

[nicesafa]

لكان قبلت بيك تزوج احسن

[رندة.]

الأولوية للزواج مادام العمل متوفر والعمر راهو يجري، أما باقي الأهداف تحققها مع الوقت. ربي يوفقك ان شاء الله.

[عسجدة]

بارك الله فيك
34 سنة راك صغير علاه تروح تغبن روحك وتغبن بنت الناس وانت معندكش سكنة .
روح دير سكنة قبل ومبعد اتزوج .
رد بالك تزوج وتسكن عند والديك والله غيرى وليت تلعن في النهار اللي زوجت بيه .
لا زوجت والله مادير حاجة ، مادير سكنة ما دير طونبيل تقعد تصرف غير على المدامة والطبيب ومبعد تصرف على الذراري .
خمم مليح كي دير التاويل ثم اتزوج .
سلام

[zahozo]

ضرك راك استاذ ومرسم ماعندك من واش تخاف ازدم وربي معاك اما السيارة والبيت بالشوي بالشوي يلحقو
ماتلعبش ببنت الناس -_- -_- اذا ماشي داير الزواج في بالك خليها في حالها -_- هكذا وممبعد يقولك نديها رووووسية -_-

[محمد جديدي التبسي]

طيحولي المورال انا 33 سنة لا دار لا سيارة لا زواج واش نقول نروح ننتحر؟؟
الأولوية للزواج اخي واسكن مع عايلتك عادي انا هكذا راح ندير والله المستعان
ربي يرزقك الرأي السديد.