أهله رفضوني

[مشكلتي]

السلام عليكم ورحمة الله وبركاته
راح نحاول نختصر قصتي و نتمنى تفهموني و تعطوني الحل
تقدم ليا شخص قبل ايام بقصد التعرف تعرفت عليه مدة ست اشهر و بعدها قال انو راح يخطبني
انا الشاب عجبني بزاف فاخلاقو وشخصيو و تعاملو و احترامو و مكانتو بين الناس و احترامهم له
المشكلة وقت قال لباباه باش يخطبني باباه رفضني رفض قاطع بحجة انو بعيد عني بزاف هو من الجفلة و انا من الشرق
باباه قالو ضروري انو تكون البنت من نفس العرش و قالو اا حاب تخطبها جيبها انا مانحضرش عرسك و مانخطبهالكش و طبعا ابي محال يوافق بدون حضور والده
مش هك برك خواتاتو وقت سمعو بيه متعلق بيا قالولو هذه سور دارتلك سحر لها متعلق بيها و رجعوا يجرحو فيا بالكلام ويقولولي كون جيتي بنت فاميليا كون وقت عرفتي باباه رفضك تروحي و تخليه
انا هدرت معاه و قلتلو ماتفسدش مع باباك على جالي بصح هو خشن راسو و رفد قاع حوايجو و خرج من دار و حلفلهم مايزيدش يرجع حتى يتصلو بيه و يقلولو بلي موافقين يجيو يخطبوني
انا راني في صراع بينو و بين عائلتو من جهة عاجبني و تعلقت بيه و مقدرة شي لي راه يدير فيه على جالي و حابة نحارب معاه
من جهة اخرى احيانا نخمم نقول لو نتزوج بيه و يرضاو اهله ظاهريا زعمة يتقبلوني بيناتهم و يعاملوني بطريقة مليحة او راح يبقاو يكرهوني
محتاجة رأيكم خاصة في قضية والده لي عاش امر مماثل يقولي كيفاه يقدر يقنع باباه وانا كيفاه ندير
سمحولي طولت عليكم
صح فطوركم

[مصطفى_س]

السلام عليكم
زواج البعد صعب جدا و يتطلب مصاريف كثيرة جدا و حتى سيارة هي اول شيء
الاب يعرف جيدا ماذا يفعل انتما تفكران في الزواج و الاب يفكر ما بعد الزواج
الزواج ليس لعبة محددة بوقت بل هو حياة باكملها
و ناهيك عن العلاقة الغير الشرعية التي كانت او لا زالت بينك و بينه فهي محرمة عليكما
اقصد علاقات مواقع التواصل.
انصحك بالتراجع و قطع علاقتك مع هذا الشاب
و انتظري ما كتبه الله لك

[محارب الحمق]

كانت باينة تكمل هك. ست شهر وانتي معاه بالحرام الدخلة تاعك اصلا غالطة. الحب والتعلق اللي كونتيه كان كامل حرام في حرام حب محرم غير مبارك. حبيتي حاجة حلال بالحرام هذي هي النتيجة. خلاصة القول: اقطعي علاقتك بهاذا الرجل الاجنبي عنك وتوبي الى الله على فعلتك واتقي الله في نفسك. الزواج لا يكون بهذه الطريقة.

[ع.عيسى]

صرالي نفس قصتك ....الفرق الوحيد انك انت من الشرق ...وهي من اقصى الغرب ....رفض اهلي بسبب البعد وما يترتب عليه ..تمسكت بها ..وفي الاخير ما كتبش المكتوب ..استغرقت مدة طويلة باش استوعبت الامر والحمد لله على كل شيء....لذلك وكلي امرك لله واطلبي من الله يقدم لي فيه الخير ليك .وفي كلا الحالتين ارضاي بقدر الله ..سواء سهلت وكتب المكتوب او صعبت وكلا راح في سبيله ..

[toulay]

السلام عليكم
نصيحتي هي طيش عليك علابالي صعيبة بصح هذا هو الحل الوحيد
صدقني يا اختي اذا باباه راسو خشين وراك تشوف العقلية لعندو تاع لازم من عرشنا وقبيلتنا ومنيش عارفة واش راح تجيب اعوام وانت تستنى ومشي هاذي برك راح تتعذب وتتمرمد تمرميدة كحلة وتجيبها غير بكاء وصحتك ضيع
نفترضوا قبلوا بيك بصح نهار تتزوج راح يكرهولك حياتك وتندم على الثانية لقررتي فيها تبقى مع السيد هذا
مالا كملها من درك خير قبل ماتتفر وصدقني ربي راح يعوضك بواحد خير منو ان شاء الله
انت المشكلة تاعك انو يبانلك غير هو الرجل الوحيد على سطح الكرة الارضية ومكانش واحد كيفو لا لا انت وغالطة كاين احسن منو مالا من الاحسن تنساه وطبق عليك لحكاية هاذي لانو تجي غير عليك انت
متروحش عند ناس مشي قابلين بيك بلا حتى مايعرفوك والسبب هو التفكير الرجعي المتخلف الحابس كون يسمعوه تاع بلاد اخرى يشبعوا ضحك عقلية يالطيف
الناس راهم تزوجوا من بلاد لبلاد وعادي منيش عارفة واش العقلية هاذي تاع العرش والقبيلة
كيما قتلك انساه وانسى الحكاية ومتزيدش تخمم فيهم خلاص واشغل نفسك بالقران والدعاء والاستغفار وراح تنسى حتى اسمو وتنسى حتى خليقته كيفاش جاية
بالتوفيق

[oussama.oussama]

السلام عليكم
اعتقد ان لدي راي مخالف نوعا ما
فالعلاقات الانسانية و الشخصيات امر معقد جدا .لدرجة لا يمكن حصرها في فكرة واحدة
عقلية الرجل و عقلية اهلو غير واضحة و لايمكن توضيحها في صفحاااات
ايضا اهلك هل هم من النوع الثابت او ممكن يقبلو ......
انت في حد ذاتك رؤيتك للموضوع ومدى تضحيتك او لكلام من تنصتين
وعدة عوامل اخرى
لذا من رأيي ان قرارك لا بد ان يكون نابع من يقين لا من تجربة اشخاص اخرين و لا من قواعد عامة
نعم الدين منهج رائع لتوضيف العلاقات توضيف حسن

هاته هي نصيحتي ليك
ادرسي كل الجوانب قبل اتخاذ اي قرار

[nicesafa]

تندمي كون تديه تعبشب حياتك كاملة مشاكل
و زيد باباك مش راشي اخطيكي
و ربي يعوضك

[سهام الجلفوية]

ياختي راكي كيفي قعدت معاه 4سنوات وجاو خطبوني ومبعد امو بدلت رايو وسمح فيا وراني نتعذب مافدرتش ننساه

[⌈الأشتر⌉]

لاأرى المشكل في البعد، ولكن في أهله لأنهم قد يحولون حياتكما إلى جحيم

وأكبر متأثر في الموضوع هو أنتِ.


أقترح إقناع أهله بتنظيم لقاء بينكم لعل القلوب تتآلف.. وإن لم يفعلوا فلتقطعي علاقتك نهائيا به وبهم.



أما ماحدث بينكما خلال ستة أشهر فالله وحده يعلم ماتحدثتما به.



اعلمي أن مكتوبك آتٍ لامحالة حتى لو لبست الجلباب وأختبأت عن الأنظار


وإن لم يكتب لك الزواج فلن تتزوجي ولو كنت ملكة جمال العالم.