راني حايرة

[عين الصقر]

إذا كان راجل زين تزوجي خيرلك أنت طبيبة ودوموندي تروح خدمة وتجي خدمة نورمال

[billelmissa]

عليك بصلاة الاستخارة

[محٍبَة آلُِرٍحٍمآن]

ختي اولا السؤال لي حيرني علاش هو مجاش صارحك وقال لبباك كان قادر هو يقولهالك بفمو وزيد ختي بالاك تفرطي في خدمتك راكي تعبتي وقريتي وزيد راكي طبيبة اسنان الله يبارك عليك راكي جبتيه بمعدل طالع مع الاخير هاذاك التعب لي تعبتيه باش تولي خدامة تبطلي على راجل وتخافي اذا بطلتي ومن بعد تتزوجي بيه ويدور عليك تولي تبيعي ذهبك على جال ولادك وش تعرفي و هو كان قادر يحوس على وحد مش خدامة وراني فاهماتك كي قلتي ترجعي تعب والديك حتى انا راني طامعة كي نكبر نديهم لعمرة بصح لازم بالخدمة وما تنسايش انو المعيشة ولات غالية
وان شاء الله تلقاي الحل وادعي ربي وصلي صلاة الاستخارة وشوفي رأي والديك وان شاء الله تتهناي من هذا المشكل

[النجمة القطبية]

انا نحير في هدا المجتمع الغريب
امرأة تداوي عند رجل عادي تدخل بالنقاب وتلقى الف رجل مرات البعض منهم مهنته يحط القطن ويساعد الأطباء فقط !!!! وتلقاهم داخلين خارجين
مكانش واحد يعلق يقولك ضرورة
بصح مرتوا تخدم حتى ولو في طب النساء لالا ويقولك غيرة
اسفة اللي يغير يبقى يغير في كل الأحوال ويهتم باللي يغير عليها بعد الزواج أكثر من قبله
انا الحمد لله نخدم مع النساء فقط لكن عمري ما ننسى اني طبيبة ادا كنت في مكان عام وواحد طاح نخليه يموت ومنعطيهش حتى جرعة دواء بحجة اني امراة
تفكير غريب
منقدرش نقولك اخدمي ولا متخدميش
الزواج سنة كونية لكن لما تكوني طبيبة مستحيل تكوني انسانة عادية
عقلك تعود على العمل بكل طاقته فجأة تتوقفي
كلامي لن يفهمه إلا مجرب راح تتأثري صحيا ونفسيا
الإنسان العادي ميقدرش يفهم واش راني نقول
لكن جربي وراح تفكري واش راني نقول
الحل حوسي على حلول بديلة اخدمي مع النساء فقط
وفي مجالك راح تلقاي رغم أني متأكدة انه سيرفض في كل الأحوال
عموما انا يكفيني اني نتمنالك التوفيق

[محمد كت56]

اختي الكريمة ان شاء الله ربي يوفقك لطاعتو اولا ويجازيك على نيتك انك تدي فضل والديك وتعبهم*
اختي اولا الزواجهو ميثاق غليظ يعني ميثاقك بينك وبين زوجك وشريعته المفاهمة بيناتكم في كل الامور اولا باول يعني مل صغيرة ومبيرة تتفاهمو عليها واءا وافقتو تتجهون للخطبة وهي الوعد بالزواج*
اختي الكريمة والداك اعظم هدية لهما هي زواجك من رجل ذو اخلاق ودين وتكوني هانية في دارك وكل الظروف الجيدة متاحة لك باش تربي اولادك احسن تربية وهو الاصل*
الرجل اخطأ اذا لم يقل لك لايريدك ان تعملي وممكن خاف متقبليش ومنها ميقدرش يديك لكن الاصل يقول لاهلك وهوما يتفاهمو معاك ممكن تقنعي*
ممكن تدبارة اذا قدرتي ديري عيادة وتكون خاصة بالنساء فقط باش ينحي الشك او الغيرة ووو*
بالنسبة لماله وجاهه اختي صدقيني الدنيا ارزاق يروح ويجي والاصل هنا بكون حلالي وفقط شويا حلال خيرمن بزاف وحرام والهنا غلب الغنا الراجل لي يسترك ويكون لك سند كي تاكلوها بالما وقانعين وتضحكو خيرمن مائدة معمرة من كل شي والزعاف والقناعة مكاش والضحك غائب*
انا شخصيا زوجتي اخصائية طب اطفال تركتها لحالها وتفاهنا منذ ان كانت طب عام ان تكمل لكي لاتتلافا الرجال والحمد لله على كل شيء المهم خلاصتها الحوار اولا وبعدها التالي فالتالي*
والصلاة والاستخارة فما خاب من استخار والله ولي التوفيق وربي يفتح عليك بالزوج الصالح
ويصلح احوالنا لاغير ويهدينا*

[nicesafa]

راييي هو متتخلايش على خدمتك ابببددااا ابدااا معلابلكش الدنيا وش مخبيتلك لازم تخدمي باش ما تمدي يدك لحتى واحد
و تاني انت قريتي سنوات هادي كل باش تقعدي فالدار تعب والديك و نعبك يروح كامل باطل
و تاني انت طبيبة و هادي مهنة شرييفة جدا و عندها اجر عظيم عند ربي
انا نقول كاين الف راجل قادر يجي يخطبك و مكتوبك يجي يجي
ديري استخارة و ادعي ربي