عاااجل كيف احسب المعدل في lmd

[za3boola]

السلام عليكم ورحمة الله وبركاته

أنا أدرس في جامعة المسيلة قسم الانجليزية lmd

واريد أن اعرف كيف أحسب المعدل في LMD

ومشكورين

[zaki4]

يعتمد ذلك أخي على حسب المادة ومعاملها

[zaki4]

وكذلك طريقة تعامل الاستاذ مع مادته

[sami simpson]

صباح الخير اخي الكريم انا راح نجاوبك مي انا تخصص فرنسية
شوف نقطة التيدي ضرب 0.4
ونقطة امتحان السداسي ضرب 0.6
واجمع الناتجين هذا هو معدل المقياس الواحد وبالتالي يكون المعامل هو الكريدي اووووك
+
نعطيك مثال عن مقياس ما مثل pratique andna hna عنها المعامل 4 نقولوا انا ديت في الامتحان 12 ياك والتيدي 14
شوف التيدي 14 * 0.4 ياك = 5.6
والمتحان 12*0.6 = 7.2
وبالتالي معدلك هو 12.80وبالتالي الكريدي 4 نقاط تاع المعامل قادر هادي تعوضلك 2 مقاييس
يا خويا نتمني نكون قد وفقت في الشرح ونتمنى تكون فهمت مليح
ربي يوفقنا ان شاء الله

[za3boola]

المشاركة الأصلية كتبت بواسطة zaki4

يعتمد ذلك أخي على حسب المادة ومعاملها

مشكور اخي على الرد

هوما قالو بلي td X 0.4 و Examen X 0.6 و تجمع و تقسم على 2

وثم تجمع المعدلات التي في نفس الوحدة وتقسمها على مجموع معاملات تلك الوحدة

هذا ما هو مؤكد لحد الان ولكن الباقي لم اعرفه...

هل من فكرة ؟؟

[za3boola]

هوما قالو بلي td X 0.4 و Examen X 0.6 و تجمع و تقسم على 2

وثم تجمع المعدلات التي في نفس الوحدة وتقسمها على مجموع معاملات تلك الوحدة

هذا ما هو مؤكد لحد الان ولكن الباقي لم اعرفه...

هل من فكرة ؟؟

[sami simpson]

لالا خويا شوف واش درت

[sami simpson]

مين قالولك تقسم على زوج واش راح دير انت اصلا في الجامعة مايبقا والوا

[سطايفية بكل فخر]

بالنسبة لحساب المعدل كنت شرحته سابقا في موضوع اخر وهدا اقتباس لردودي

المشاركة الأصلية كتبت بواسطة سطايفية بكل فخر

وفيك بركة اخي
+
بخصوص اسئلتك ابدها سوال بسوال
1)في نظام ال ل م د ليس شرط ان تخرج كل مقياس ب 10 لانو هدا النظام فيه سيستام الكومبونساسيون بين مقاييس الوحدة الواحدة وبين الوحدات في بعضهم
يعني بالمختص المفيد كي يكون عندك المعدل العام 10 يالوكان ديت 0 في كاش موديل تنجح ومتدخلش الراترباج
+
2)الوحدة الاساسية فيها المواد لي عندهم اكبر المعاملات ولي هم اساسيين فالتخصص تقريبا تكون فيها ثلاث او اربعو مواد ومتفوتش هدا الحد
معدل الوحدة
معدل الوحدة =مجموع معدلات المقاييس
لي عندك فيهم تيبيات وتيديات
معدل المقايس =((نقطة التيدي+نقطة التيبي)/2) 0,3x+نقطة الامتحان في 0,7)xالمعامل
لي عندك فيهم تيدي برك
معدل المقياس =(نقطة التيدي 0,3x+نقطة الامتحان في 0,7)xالمعامل
لي معندهمش لا تيدي ولا تيبي
معدل المقياس =نقطة الامتحان فالمعامل
المعاملات عموما متساوية فالوحدة الواحدة مي ساعات تلقاهم وحدة واحدة ومش متساويين وهداك 0,3 و0.7 خاصيين بمعهدنا قادريني يتبدلو في جامعتكم
ملاحظة اخرى كايين تيبيات ميتحسبوش فالمقياس ويتحسبو على اساسا انهم مقياس قائم بحد داته
على العموم علابالي الحسابات مخلطة شويةمن بعد نشرحها بمثال حي
+

نعطيك مثال حول الكومبونساسيون لاني نسيت ممديتولكش مقبيل
مثال فالوحدة داتها
مثلا فالوحدة كاينين ثلاث مواد هوما الرياضيات والكيمياء والفيزياء
نفتارضو اني جبت معدل الرياضيات 14 والكيمياء 8 والفيزياء 9
هنا عندي زوج مقاييس مش لاحقين ال10 نولي نكونبونسيهم بالرياضيات لانو عندي 4نقاط فوق 10 فيها
نغطي النقص لي الفيزياء وهي نقطة والنقص لي فالكيمياء وهي 2 وبالتالي نكون خرجت هدي الوحدة فوق 10
مثال اخر على الكومبونساسيزن تاع الوحدات في بعضاهم
نفترض انو الوحدة تاع الرياضيات والكيمياء والفيزياء مخرجتهاش لاني ديت 8 فالرياضيات و9 فالكيمياء و10 فالفيزياء
المهم معدل الوحدة خرجلي 9 فاصلة حاجة
وفي وحدة اخرى مثلا متكونة من انجليزية ورسم صناعي واعلام الي معدل الوحدة كاملة خرجلي 15
واش نولي نحسب
معدل الوحدة الاولى فالمعامل تاع الوحدة نفتارضو انو 6
كي نضربو 6 ف 9 نلقاو54 والوحدة باش تخرج لازمها 60
اد تخصنا 6 نقاط
فالوحدة الثانية نفرضو معاملها 2
2 فال15 تمدلنا 30 والوحدة تخرج ب 20 يعني 10 كاملة زايدة
نديو منها 6 نقاط ونخرجو بها الوحدة الاولى
ولي بقاو نخرجو بيهم وحدة اخرى
+
3)فيما يخص وحدة الاستكشاف تلقا فيها مادة او 2 تعرفك بالتخصص
مثلا انا قريت بصريات وميكانيك الضبط وحدة الاستكشاف تاعنا قرينا فيها وةج مواد
ديكوفارت 1 حول البصريات وديكوفارت 2 حول الميكانيك قرينا فيهم تاريخ العلم واش فيه يعني بالمختص انو بطاقة تعريفية للتخصص وهوما راهم مقياسين دير فيهم كونطرول عادي وعندهم معامل ضعيف 1 او 2 فقط
+
4)القرض كاين تاع الوحدة وكاين الاجمالي لي هو مجموع قروض الوحدات
من بعد نحكي عليه بالتفصيل
وشا نحبك تعرف اخي انو لما تخرج الوحدة ب10 يكون عندك كامل قروض الوحدة
ولما تخرج المعدل العام ب10 عندك اخي ثلاثين كريدي تاعك
محبيتش نديتاييلك اخي حتى تفهم الحسابات تاع المعدلات لاني علابالي بلي كثرت الهدرة وخفت تتخلطلك
على العموم انت اقرا ردي وحاول تفهمو وادا مفهمتش كاش حاجة قولي نعاود نههمهالك وكي تفهم بيان نولي نحكيلك على القروض
+
اي سوال اخر اطرحو عليا اخي لانو معظم الطلبة يعانون من عدم فهم ال ل م د ومهمش غير صحاب لكلاسيك راهم يقراو ل م د ومش فاهمينو
ونزيدلك ميزة يتميز بيها ل م د على الكلاسيك مكانش النقطة الاقصائية هديك لي عندكم كانت 5
حنا تجيب في موديل 0 نورمال المهم تضمن المعدل الاجمالي 10

المشاركة الأصلية كتبت بواسطة سطايفية بكل فخر

شوف اخي عبد الجليل نفرضو انك تقرا ثلاث موديل زوج فيهم تيدي واحد مفيهش
وهوما ينتميو لوحدة وحدة
نفلاضو المقياس الاول هو ادب فرنسي عندو تيدي ومعاملو 3 هدا المقياس انت ديت فيه في الامتحان 15 وعطاك الاستاد في التيدي 14
المقايس الثاني نفرضوه هو فونيتيك معاملو5 وفيه تيدي ديت فيه في الامنتحان 8 والتيدي عطاك الاستاد 11
االمقياس الاخير نفرضو بلي هو انجليزية ومعندوش تيدي وديت في الامتحان 7 ومعاملو 2
الان نجيو نسحبو معدل الوحدة
نلداو بالادب الفرنسي معدلو يساوي( 15*0.7)+(14*0.3)=14.7 نضربوه في المعامل يولي 44.1يعني اخي راك خرجت الموديل وبقاتلك 14,1 نقطة اضافية
نروحو الان لمقياس الفونيتيك معدلو يساوي (8*0.7)+(0.3*11)=8.9 نضربوه في المعامل يولي 44,5 يعني ناقصك 5,5 نقطة باش يطلعلك المقياس يعني مكش مبلعوا كيما تقول انت

نروحو للانجليزية معدلها يبقى 7 ونضربوه في المعامل يولي 14 يعني ناقصك 6 نقاط باش يطلعلك

هنا كي تجي تشوف انو ناقصينك زوج موديلات مش طالعين هنا يدخل سيستام التعويض
عند في المادة الاولى 14 نقطة اضافية تعوض بيهم واش ناقصك تمد 5,5 للفونيتيك و6 للانجليزية
هكا طلعهم في ثلاثة ومتدخلش على جالهم راتراباج وتبقالك 2,6 نقطة اضافية تقدر تعوض بيهم وحدة اخرى
ان شاء الله تكون فهمت اخي عبد الجليل
وهدا راهو مثال فقط

ملاحظة المعاملات لي تضربو فيهم التيدي والامتحان كل جامعة وتختلف عن الاخرى لدلك اخوتي اسالو في جامعتكم

ادا مفهمتوش تقدرو تزوروا موضوعوعي واي سوال تفضلوا به
https://www.djelfa.info/vb/showthread.php?t=1143995

[za3boola]

والله مشكورين اخوتي واخواتي على التفاعل هذا ويجعل افادتكم في ميزان حسناتكم ان شاء الله

[za3boola]

المشاركة الأصلية كتبت بواسطة سطايفية بكل فخر

بالنسبة لحساب المعدل كنت شرحته سابقا في موضوع اخر وهدا اقتباس لردودي






ملاحظة المعاملات لي تضربو فيهم التيدي والامتحان كل جامعة وتختلف عن الاخرى لدلك اخوتي اسالو في جامعتكم

ادا مفهمتوش تقدرو تزوروا موضوعوعي واي سوال تفضلوا به
https://www.djelfa.info/vb/showthread.php?t=1143995

يعطيك الصحة اختي العزيزة ...بارك الله فيك

[سطايفية بكل فخر]

امين
+
وفيك بركة

[لبيض92]

السلام عليكم ورحمة الله وبركاته


عندما نريد حساب المعدل نقوم بحساب معدل كل وحدة على حدى

كيف نحسب معدل الوحدة

نفرض أن الوحد الأساسية تتكون من الآتي

الوحدة الأولى (الأساسية) معاملها 9
رياضيات معاملها 2 نسمي المعدل الذي حصلت عليه فيها : نر
فيزياء معاملها 1 نسمي المعدل الذي حصلت عليه فيها : نفز
كيمياء معاملها 1 نسمي المعدل الذي حصلت عليه فيها : نكم

ماذا تعني معامل الرياضيات في الوحدة الأساسية هو 2 ؟؟؟

عند حساب معدل الوحدة نستعمل هذه المعاملات و لا نستعملها في حساب المعدل الأساسي

نر* 2 +نفز *1 +نكم*1

ينتج أن معامل هذه الوحدة (الأساسية) =

ــــــــــــــــــــــــــــــــــــــــــــــــــ ــــــــــــــــــــ
مجموع المعاملات وهو 4 (2+1+1)

بنفس الطريقة تحسب معدل جميع الوحدات ( أظن أنها أربع وحدات على الأكثر )

الآن لديك 4 نقاط و التي تمثل معدلات الوحدات ... فكيف تحسب المعدل العام ؟؟؟

نفرض أنه لديك الوحدات التالية

الوحدة الأساسية معاملها كما سبق و كتبنا 9 نسميها : ن أ
الحدة الإستكشافية معاملها 4 نسميها : ن سك
الوحدة .... نسيت اسمها معاملها 2 نسميها ع
الوحدة ..... نسيت اسمها أيضا ههههه معاملها 0,5 نسميها ط


ينتج أن

ن أ * 9 + ن سك*4 +ع*2 +ط*0,5

المعدل العام =

ــــــــــــــــــــــــــــــــــــــــــــــــــ ـــــــــــــــــــ
مجموع معاملات الوحدات ( 15,5 )

هنيئا قمت بحساب معدلك

أرجو أن تكون الفكرة قد وصلت

جزاكم الله خيرا

[D.HAMADA]

شوف الادارة

[zerman_k]

نزيدك معلومة انو هنا ما يسمى التعويض بين المقايسس مثلا واحد خرجتو ب8 والثاني ب 12 يتم العويض وتخرج الوحد العلمية التابعين ليها وكاين التعويض بين الوحدات في نفس السداسي وكاين التعويض بين السداسي الاول والثاني في كل سنة من الليسانس برك ربي يوفق....زيد اسال الادارة نتاعكم يوضحولك مليح لانو هناك اختلافات في التسيير من جامعة لاخرى ومن تخصص لاخر...ربي ينجحك يا خو