|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2014-01-27, 15:26 | رقم المشاركة : 1 | ||||
|
مقروط & قلب اللوز
السلام عليكم واش راكم اليوم نقدملكم وصفة جديدة تع المقروط لي راهو داير حالا في البليدة هو مقروط و في نفس الوقت قلب اللوز كي تاكلوه تقولو هادا مقروط و لا قلب اللوز لي ياكلو يقول هكدا و انا جبت الوصفة تاعو حبيت نشاركها معاكم ان شاء الله جربوه و يعجبكم بنين انا عجبني و كل واحد و دوقو نخليكم مع المقادير المقادير: ------------- *دقيق متوسط *فرينة *250غ زبدة ستاغ star *2بيض *6ملاعق كبيرة سكرعادي *1ملعقة كبيرة لافاني *1باكي Levure chimique للحشو.: ----------- *3كيلات لوز ابيض *1كيلا سكر عادي *ملعقة صغيرة قشور القارص zest de citron *ملعقة صغيرة لافاني *قرصة قرفة *ماء الزهر للتزيين: ------------ *لاجولي/nappage *علبة صغيرة عسل *1كاس شربات لي هى (1كيلو سكر+3كيسان ماء +شوية شب يغليو لمدة 15 د ) طريقة التحضير: اولا قبل ماتبداي اشعلي الكوشة و خليها في درجة متوسطة الحرارة كي تبرد نضيف 2 بيضات و نخلط بملعقة من بعد نضيف 6ملاعق تع السكر و نخلط و نزيد لافاني و خلطي من بعد ندير كيلا صغيرة سميد و كيلا صغيرة فرينة و باكي تع خميرة Levure chimique و نخلط مليح يولي هكدا من بعد نزيد نفس الكيلا سميد و فرينة ونخلط من بعد نزيد دقيق و فرينة حتى تنطم العجينة تولي كيما هكدا دوك نروحو لل اللوز ديري 3 كيلات لوز مملوط ابيض+1كيلا سكر عادي قرصة قرفة لافاني قشور قارص خلطيهم و بليهم بالماء الزهر ماتكون مشمخا بزاف ما تكون ناشفة طريقة التشكيل ندهن الصنية بالزبدة نقسم العجينة على 2 نضع النص الاول في الصنية و نبسطه باليد على كامل السنيوا ثم نضع اللوز و نبسطه باليد على كامل الصنية ثم نضع النص الثاني تع العجينة و نبسطها باليد على كل الصنية و ندخلو يطيب في فرن متوسط الحرارة كي يحمار نحيوه غير تنحيوه من الكوشة فرغو فوقو علبة صغيرة تع العسل يكون بارد العسل غير يشرب هاداك العسل فرغو فوقو كاس شربات باردة و خليوه يبرد من الافضل يبات باش تقطعوه كي يبرد اطليوه من فوق ب ناباج اسمحولي كترت الصور هادا غير باش تفهمو و جربوه ان شاء الله يعجبكم شوفو من داخل كيفاش يجي اللوز مايبانش ................وحد البننننننة امممممممممممممم بزاف بنييييين
bon-appetit مع السلامة يا ناس منتدى الجلفة .......ترقبو مني وصفات جديدة قريبا ان شاء الله
|
||||
2014-01-27, 15:32 | رقم المشاركة : 2 | |||
|
كيفاه |
|||
2014-01-27, 15:33 | رقم المشاركة : 3 | |||
|
ممكن الوصفات لانني اترقب وصفاتك بشغف |
|||
2014-01-27, 15:44 | رقم المشاركة : 4 | |||
|
دائما في القمة اختي فلة............. |
|||
2014-01-27, 16:14 | رقم المشاركة : 5 | |||
|
شكرا.................................♥ |
|||
2014-01-27, 16:20 | رقم المشاركة : 6 | |||
|
شكرا ولكن اين طريقة التشكيل من فضلك اخبرينا بعدين ايه |
|||
2014-01-27, 16:41 | رقم المشاركة : 7 | |||
|
rani kamalt doka .............................merci
|
|||
2014-01-27, 16:50 | رقم المشاركة : 8 | |||
|
ysakhef yatik saha habibti |
|||
2014-01-27, 16:51 | رقم المشاركة : 9 | |||
|
الله يبارك عليك أختي دائما متألقة ,,,,,,إذا أمكن في فرصة أخرى تعطيني و صفة مجربة و ناجحة عن كيك بامكسرات راني نحبو بزاف بصح لحد الان ما لقيتش وصفة ناجحة . وشكرا |
|||
2014-01-27, 16:59 | رقم المشاركة : 10 | |||
|
روعة يا اختي |
|||
2014-01-27, 17:06 | رقم المشاركة : 11 | |||
|
tjr 4444444 fella |
|||
2014-01-27, 17:13 | رقم المشاركة : 12 | |||
|
مااااااشاء الله كلش يشهي من يديك يعطييييييييييييييييك الصحة راكيييييي في القمة |
|||
2014-01-27, 17:30 | رقم المشاركة : 13 | |||
|
ماشاء الله عليك يا فلة وصفاتك دائما روعة |
|||
2014-01-27, 17:41 | رقم المشاركة : 14 | |||
|
هااااااااااايل فلة ماشاء الله اكيد اكيد اكيد بنين |
|||
2014-01-27, 17:43 | رقم المشاركة : 15 | |||
|
مشكووووووووووووووووووورة على الوصفة |
|||
الكلمات الدلالية (Tags) |
مقروط, الموز |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc