منتوج الميكسو وخصائصه

[emily21]

هذا الميكسو يتباع عند لي بيعو الحوايج تاع القاطو لكن يتباع في باطة كبيرة وهو على شكل graisse بيضاء وهو منتوج تونسي المهم لي تقدر تروح عند patissier وتكون المشترية تاعو ويعرفها يقدر يبيعلها باطة صغيرة شرط يكون يخدم بيه في حلوياته وفي الأخير نقدم لكم الوصفة تاع la genoise لي خدمتها لوليداتي فضوها في نهارها مخلوش منها طرف
مقاديرla genoiseبالميكسو
6بيضات+200غ سكر عادي+300غ فرينة+2ملاعق صغيرة ميكسو +فنجان ماء دافئ+10غ خميرة كيميائيائية
التحضير
في وعاء نضع البيضوالسكر والميكسو والفرينة ونخفق بالمضرب لمدة 20ثانية وهذا هو سر الميكسو انه متبقايش تحطي في كل مرة حاجة مع اليكسو نضع كل شئ مع بعضاه وفي أقل وقت ممكن ننجز لاجينواز نرجع للوصفة نضيف الماء الدافئ ونواصل الخفق مرة أخرى 20ثانية في الأخير نضيف الخميرة ونمزج الخليط 5ثواني ندهن القالب بالزبدة قطره 20سم لازم يكون هذا القطر وليس أقل حتى كتتنفخ الحلوى متخرجش على الجانبين ولما نخرجها تهبط
بعد سكب العجينة في القالب تطهى في فرن 170 درجة لازم ولمدة 45دقيقة
عدم فتح الفرن 30دقيقة الأولى
ممكن أن نحصل على جينواز شكولا بإضافة الكاكاو
وعند ماتطيب نخليها تبرد ونغطيها بlacreme chantille ونزينها بالفواكه[/b][/u][/u][/u][/
الميكسو خصائصه نخلط كل المقادير تاع الحلوات الكل مع بعضها وإذا غلطتي في مقدار الفرينة يضبطه
أرجو تفاعلكن مع الموضوع متأسفة لم يتسنى لي تصويرها لكن جربوها وماتندموش

[OU SS AMA]

بارك الله فيك اختي بصح انا نخاف من هاذه المواد لانو ثبت انو هاد المواد عافانا الله تسبب السرطان ..والله اعلم ..........هاد المعلومة قال هالي والدي العزيز مثلا المادة التي تضاف للخبز بما يسمى محسن الخبز .........والله اعلم هادي مجرد معلومات على العمومم شكرا جزيلا على الوصفة بادن الله نطبقها لكن بدون هاذ المنتج

[emily21]

إن محسن الخبز من لي بدأ الناس تعرف الخبز وهم يستعملوه وهذا ليس قول هكذا لأنه منذ طفولتي كان جدي عنده مخبزة يستعمله في الخبز وقد ورث هذه المهنة وخباياها عن أبيه الذي تعلمها مع الفرنسيين عندما كان في فرنسا وعند عودته قرر فتح مخبزة وكان هو وجدي يخدمو واحد الخبز وأنا لحقت على جدي يخدم فيه واش نقولك كامل الناس يشكرو في الخبز نتاعو بأنواعه les baguettes; fouguas ...........إلخ ويشكو فيه لحد الآن تغمد الله روح أب جدي لأنه مات شهيد ويرحم الله روح جدي أيضا تفكرت الأيام الغوالي
وكذلك قاع les patissiers يخدموبهذا الميكسوفهومن أسرار المهنة كيما يقولو ومايعرفوهش الكل وهذا واش فرق les cakes تاع des patissiers تكون أحسن من les autres

[***star***]

merci beaucoup
je ne le savais pas
c'est une nouvelle information

[الباحث 2]

جديد علي..............................

[تغرينية]

شكرا اما على المعلومة لاعلم لدي

[AMEL 14]

ممكن تقوليلي اللي ينباع بكمية كبيرة شحال ينباع وفاش يستعمل ايضا ؟؟

[zitoukar]

merciiiiiiiiiiiiiiiiiiiiiiiii

[ام شرفو]

من فضلك نزلي الصورة انتاعو

[emily21]

تروحي لليبيع الحوايج تاع القاطو اطلبيه يوريهولك ساهلة فيما يخص العلبة الكبيرة هي غالية أنا نشري صغيرة من عند patissierكميتها مثل باطة الياوورت ب 100دج فمابالك الكبيرة فيها 5كغ أو أكثر

[حسنات21]

لو تفضلت و كتبتها بالفرنسية ليسهل نطق الكلمة

[emily21]

إسمه بالفرنسية mixou