حاب ننجح ونكون شخصية مشهورة هل يتحقق الحلم

hamza touazi · 2012-12-05, 13:19

[SIZE="7"علابالي انا مريظ واحلامي كبيرة عليا هاد العام راح نجوز الباك وامنيتي نجيبو ونفرح والديااااااااااااا انا خرجت فالبيام علاجال نقطة غاظتني عمري نعاودو خرجت سجلت بالمراسلة الحمد لله واليوم راني فالباك حاب نجيبوو وعندي ارادة مع انو نخدم والوقت معنديش بزاف مي راني نزير على روحي هكداك ومنيش داير اللي يلزم حاب نلحق بصحابي لراهم فلافاك امنيتي ندخل الجامعة ونقرا صحافة منداك يجيني الظحك باسكو عندي طموحات ومنيش حاب نوهم نفسي بلي راح نحققها حاب ننجح وراني من دوك نخمم فالباك اليوم واحد ديسمبر الايام كفاش راهي تجري سبحان الله والباك راهو قريب بديت نخاف ههههههههه ايوي هادي هي الدنيا تعيشو ادعولي ننجح فصلواتكم متنسونيش خاوتي فالله وسمحولي مي حبيت نفرغ قلبي

][/SIZE]

رُقية · 2012-12-05, 13:31

احييك على طموحك وارادتك ولكن واصل على هذا المنوال وحتى حاجة ماصعيبة وربي يوفقك ان شاء الله في قرايتك وعملك
الله ينصرك ويثبت اقدامك وينجحك ويكون في عونك امين
ودير في بالك لا استسلام ولارجوع الباكالوريا والمستقبل والصحافة امامك والميزيرية وراءك

hamza touazi · 2012-12-05, 13:38

ربي يطول عمرك ختي والله كلماتك رفعتلي معنوياتي ربي يجازيك

ريم العربية · 2012-12-05, 13:44

واصل طموحك وستصل باذن الله فقد اعزم وتوكل على الله

واليك هذه الحكمة:

عش حياتك كالطائر الذي لا حدود لمساره..!!
فهو يطمح للبعيد دائما..!!
عش مثله...حراً طليقاً تحلق إلى الأفق لترقى إلى البعيد
ولا تقف عند نقطة واحدة...!!

~~knives55~~ · 2012-12-05, 14:08

سلام عليكم اخي

والله حالي راه كيما حالك

انا رسبت مرتين في البكلوريا لظروف شخصية ودرة تكون وكملة و اليوم راني نعاود من جديد

راني ماشي شويا شويا

وعندي امل كبير في ناجح هذ العام

والله اخي نجاح موش مرهون بالبكلوريا فقط البكلوريا مجرد ورقة لا اكثر

انت تعمل الان هنك من اكمل دراسته منذ سنوات ولم يجد علم

فالبكلوريا اذ ليس بوابة النجاح النجا انت تصنعه

واقول لك قليل من المذاطرة وتنظيم الوقت والله تنجح بأذن الله

فقط اربع ساعات من وقت كفيلة بضمان النجاح

وأكذ لك ان البكلوريا لا شيئ

وأن شاء الله نكونوا من ناجحين

والله في بعض احيان اقول الحمد الله على اني لم انجح في البكلوريا

وشكرا اخي