مشكلة مع زوجتي

[عبدالقادر222]

المشاركة الأصلية كتبت بواسطة souso30

خويا انت غير لانام علاش تقلقت وزوجت انا منزوجش واحد لانام الله غالب المصاريف بزاف و كل شي غالي و المرا تحتاج تحتاج انت متعرفش صوالح النسا يا اصحاب لانام متتزوجوش حتى ربي يفتح

اتقي الله اختي وعلاش مايتزوجوش ولا هوما مشي ناس

هادو الامور رزق من عند الله وربي هو الرزاق

عندك الحق انو مايتزوجش النساء الماديات اللي يحسبوا كلشي بالمادة

لكن الحمد لله لا يزال هناك نساء عاقلات وغير ماديات ويرضين بالقليل ارضاءا لله تعالى

الله يصلح احوال المسلمين وتفكيرهم

...........................

وانتا يا اخي ربي يفرج عليك ومادابيك عاود اهدر معاها واصبر عليها شوية

لانها تحت تأثير آراء سرعان مايزول تأثيرها عندما تتركها لبعض الوقت

[yainoabs]

راني مخليها على هواها
ديجا دارت مارة في قلبي خلاص

[ريمة89]

3 سنوات وانت يا اخي عايش مليح ومتهني
موحال مهما كان تبقى الزوجة وتبقى العجوزة ومستحيل تعيشوا في هناء مدة 3سنوات
ممكن هي شدة شدة وتعمر الكاس
لكن ححبيت نسالك هي حملت انك تخلص لانام اللي الشاب وحدوا ماتكفيهش وزيد عندك بنتك وحملت كلش ومجرد انها عيات وراحت لدارهم وحبت سكن مستقل حبيت تطلق بكل سهوولة انا نلومك انت الاول لانوا فاول اختبار قلت خلاص نطلق
والكل قاعد يهدر ويقول بنات اخر زمان
نسالكم هل انت كعامل فلانام تقدلر تعيش طفلة وامها
انا ابني كسوة العيد تجيه 500 الف ياوين حليبها وماكلتها ووووووو
وانت ادرى
انا ننصحك خود وقتك بلاك راهي زعفانة وانت علاه بعت امك كون خليتها بردت وامبعد ساهل غير قاتلك بعت امك كنت تصبر شوية مام احنا النساء كي نتعمروا نوصلوا حتى لطلاق لكن بمجرد انوا يجوزوا 15 يوم ولا حتى سمانة نتكاكاو مع روحنا لهدل العصمة فيد الرجل
اهدر معاها وحدك لاامك لا امها لاداركم خاطر راح تطفر غيرفيكم و فالطفلة علجال حاجة والوا ازمة وتفوت وفهمها بالملاحة
وكيما صبرت معاك 3 سنوات راح تولي معاك
وبلعقل برك خاطر المراة كي تزعف تولي ماتشوغاي حاجة ممكن تديرها في لحظة غضب .
فكر مليح وفكر اكثر في بنتك وانت تقدر تحكمها غير بنتها
والباقي على ربي
ادعي ربي رانا في ايام مباركة يستجيب ليك وينزع هاد الغمة عندك وراح تشوف

[yainoabs]

غاضتني كراحت الوالدة وجات خايبة مقيموهاش خلاص
اههههههه يابنتي الصغيرة مسكينة مخمتش فيها طول

[yainoabs]

انا مقلتش نطلقها صح وش معناها اكريلي وانا منقدرش على الكراء وش معناتها

[نورسين.داية]

هل سألت نفسك .....لما غيرت رأيها

ماكانش مرأة تخرب دارها .............لربما هناك مشكل مع الأهل ....................هذه النقطة أيضا لها إعتبار ................

[ريمة89]

انت قلت ماهي الاجراءات القانونية
وامك ايه دوك انت كجزائري كي تكون زعفان وبزززززاف ومعمر بالهدرة وتروح لامك وتحكيلها من جهتك انت فقط مدة 3 سنين من ابسط مشكل لاكبر مشكل يجي نهار تكره وتزعف وتقول خللاص والمشكل انك بعثت امك في الغليان واش حبيت يديرولها الحنة حتما راح يعاتبالكل يهدر باسكوا 3 سنين وبنتهم تشكي كون خليت شوية وقت وبعثتها
والطفلة صدقني كي تتقنط المراة وماتقدرش تزيد ونتروح ليها وتهدر معاها وهي كي البركان راح تسمح في كلش المهم الهناء

[ريمة89]

هي تعرف ظروفك مليح كي قاتلك هكدا كنت تخليها فدارهم حتى تقولك هي ارواح اديني حتى يخبطوها الحيوط وتولي تقول ماكنتش جايبة خبر
والله غير وحدها تقولك ارواح اديني واسمحلي
خويا حتى النساء واعرين ممكن اماك كان كلش عادي لكن من وراءك ربي عالم

[soha1987]

راني فهمتك يا أخي حاب تقول يعني دارتها سبة باش تتطلق
لالا اخي راك غالط موحال مرا تحب تخرب دارها وزيد عندها بنت منك لالا ماتفكرش بهاذ الطريقة
دارهم عمرولها راسها وهي مسكينة راي تلحق فيهم مي انت لعبهالها حاولها بينلها راح تطفرفيها درك تشوف كيفاه ترجع في قرارها
ان شاء الله تجيبلنا خير يفرح

[nadoouuch]

يا اخي احكي معا مرتك انت، لا الوالدة ولا اي واحد راح ياثر عليها، انت برك لي تقدر شوية كلام مليح، بكلمة وحدة مليحة تلرجعلك، راهي صبرت 3 سنين، خليها شوية معا روحها ماتحوسش عليها خلاص و مبعد عيطلها و لا ابعثلها ميساج ادا ماحبتش تهز عليك، شوية حنانة برك و توليلك، راهي عندها الحق مليون واش دير في وقتنا.

[yainoabs]

كان جاء عندي المال والخدمة والله منفرط فيها صح شفتو وش عملت فيا اااااااااااااااااه ياربي ليك الهربة

[soha1987]

المشاركة الأصلية كتبت بواسطة yainoabs

كان جاء عندي المال والخدمة والله منفرط فيها صح شفتو وش عملت فيا اااااااااااااااااه ياربي ليك الهربة

ربي يرزقك المال والخدمة ان شاء الله وعلاه راك متشائم ماكان والو اخي شدة وتزول

[أمة الله 12]

لا حول و لا قوة الا بالله

عليك بالدعاء و الاستغفار سيدي الكريم

[amira19]

انا نعطيك دواها رغم اني ما لازمش نفشي سر من اسرار المراة لكن لازم نقولولك


خليها ما تسالش فيها نهائيا ما تعيطلهاش ما تسقسيش عليها لشتا انت تتقطع ما تبينلهاش رايحه تقعد يوم يومين 10 ايام تلقا روحها زياده في دارهم هوما كامل عايشين حياتهم و هيا وحيدة رايحة ترجع ليك


و لكن اياك انك تجرحها دواها السماطه و الصمت


و رجعلي لخبر

[أم معاذ أم معاذ]

أخي ممكن هي تشوف باللي أنت قادر تزيد تتعب و تجيبلها السكن
و إنت مش حاب تعب روحك
أي وحدة تحب سكن مستقل

لازم نشوفو أخطاءنا قبل ما نحاسبو الآخرين
لأننا ما سمعناش من الزوجة وش رايها

أميرة غير مقبول إخراج أسرار أمن الدولة ههههههههههههههههههههههههه