نصائحكم تفيدنا

[الجميلة انا]

بماذا تنصحوا اصحاب بكالوريا 2020 هل يبدو يقراو من الصيف ولا يخلوها لبداية العام واعطونا برامجكم التي اعتمدتوا عليها لتظيم الوقت وربي يوفقكم

[nr.houda]

مزاللللل الحال اختي والله ارتاحي كيما راني معاك انا كنت مثلك العام اللي فات مي غير تكثر عليك القراية تكرهي
التنظيم هو اساس النجاح، انا عام كومبلي وانا نقرا لا في التالي حسيت روحي والو باسكو مكنتش منظمة
اذا تحبي دوك ندير موضوع خصيصا على تنظيم الوقت

[TakouaQueen]

نعم، هي جيدة الدراسة من الآن، لكن لا تتعبي نفسكـِ، لأنو كي يوصل الباك تفشلي

[سعيدة بربي]

اذا كان عندك نقص في الالسنة الثانية في المواد العلمية استدركيه حتى تتمكني جيدا منها افتحي مجلدات لكل المواد وسم كل مجلد على اسم المادة مثلا مجلد الفيزياء مجلد العلوم الخ للسنة الثالثة ثانووي طبعا وضعيهم كلهم داخل مجلد خاص مجلدالبكالوريا وطبعا في كل مجلد تضعي كل ما تحتاجيه للبكلوريا من وثائق روابط دروس نصائح الخ ترجعي اليها وقت الحاجة اشتري الكتب من الان رتبي غرفة خاصة بك واعلمي انه عام تعب وجد وتحقيق الاماني فلا تكثري من الشكوى وكوني قوية والشيء المهم الحظور في القسم الى اخر يوم والانتباه والتركيز مع الاستاذ دوني اي معلومة مهمة اكتبي ملخاصتك في كل مادة وربي يوفقك

[〆 بٰٰاولو 乄]

يدخل اوت ابداي احفظي في شخصياات وتواريخ
كل 3 ايام احفظي 3 تواريخ وشخصية

[امـــة اللـــه]

نصيحة غير انساي انك تبداي فالصيف الحاجة اللي تحبي اديريها وتفيدها ما عليك غير تجمعي ملخصات ,,, بصح باه تقولي نبدا نحفظ نحيها من بالك
بويسك مستحيل تبقا حاجة فراسك عام كامل يكثرو المعلومات تتخلط انا حوايج حفظتهم في افريل وماي ونيستهم فمابلك بالصيف
اللي يحب الامتياز ماعليه غير يبدا مع بداية الدراسة في القسم خاااااصة المواد العلمية اللي أخر درس مايربحش
أما مواد الحفظ صدقيني في بداية العام غير نوضي على 6 برك بصح يوميا واحفظي غير تنقصي على روحك ضغط كبير فمابالك كي تنوضي قبل ياخي شفتو حالتنا احنا قبل الباك باسبوع غير اللي يشكي بلي ماكملش البروغرام لانو اغلبنا مابديناش مواد الحفظ في بداية العام على هذا بقينا روطار

بالنسبة اللي ماهمش موالفين ينوضو صباح بكري '' كي حالتي '' غير ابداو تنوضو من شهر اوت توالفو خيرلكم ما تندمو من بعد

[Soo Cat]

لا داعي للقلق اختي كل شيىء له وقته المناسب
اما بخصوص توجيهاتنا انا افضل ان تكون بعد ظهور النتائج سيكون افضل خصوصا مع التوتر الذي نعيشه هذه الايام لن نوجهكم كما ينبغي
سأعيد سيناريو هذا العام النحس بعد ظهور النتائج والتي اكاد اجن كلما فكرت فيها لكن ثقتي بالله انه لن يضيع جهد اي احد فينا
حسنا وسأبذل جهدي بإذن الله لاقدم ما استفدته من تجربتي الشخصية ويكون غير مكرر
في امان الله

[^_^أنس^_^]

كل واحد هنا عندو التجربة تاعو جربي وشوفي واش يخرج عليك*
عن نفسي مبديتش القراية في الصيف رغم اني كان عندي نقص قي المواد الاساسية ومع ذلك الحمد لله قدرت نسترجع واش كان ناقصني*
بالنسبة للمواد الادبية اظنها مضيعة للوقت حفظها* قبل بداية السنة**
نصيحة من عندي حاولي تخدمي برنامج وامشي عنو* لازم يكون برنامج يناسبك ويركز على الحوايج الي ناقصة فيهم*

[Dhiaeddine Ben]

كنصيحة بسيطة جدا.... راح تقراي بزاف نصائح بعد البكالوريا اخطاء.برامج الخ... لكن لن تطبيقها حرفيا ستكون لمستك طاغية كيما قريتي ف 1 و 2 راح تكملي فالباك هذا اذا كنت مجتهدة اما اذا كنت متوسطة الاصرار راح يلعب دور كبير ( عذرا لهذه التفرقة فأنا لا اعلم مستواكي ؟ اتمنى ان لا يسئ احد الظن بي )

[Hou Da Lar]

نصيحة متبديش درك ريحي خطرش غادي تتعبي بزاااف هاد العام
عندك قاع عام و قري فيه يكفيك الوقت قد ما تقري بروقرام كامل و يبقالك الوقت

[مِيمْ]

اذا لقيتي ليكوغ من دوك ادخلي و ابداي
و يكذب عليك اللي يقلك تتعبي و ما تقدريش و تتخلطي و bla bla bla
ختي في عامها تاع الباك دخلت دروس خاصة في جوان
و جابت في الرياضيات 18،5 ..
ربي يوفق