البكالوريا

mimi ami · 2012-08-21, 18:17

من منكم قام بدراسة تخصص رياضيات واعلام الي وقام باعادة البكالوريا كمترشح حر و نجح في التحصل على المعدل المرجو و ما هي الطريقة التي اتبعها في المراجعة للبكالوريا و الدراسة في الجامعة

mimi ami · 2012-08-22, 10:54

هل من رد فانا محتارة و لحد الان لم اتخد قراري و اريد من اهل الخبرة ان يرشدوني

mimi ami · 2012-08-22, 18:01

hale mine roudoude faana fi hira chadida mine amri wafi haja masa ila araikoume

سطايفية بكل فخر · 2012-08-22, 18:04

بزاف داروها ونجحو ببساطة لانو دراستهم فالجامعة ساعدتهم تقريبا لانهم عاودو حوايج قراوها فاللباك

سطايفية بكل فخر · 2012-08-22, 18:06

شوفي انتي فالاول ابداي اقراي المواد الاساسيةة والجامعة رايحة تساعدك وفالعطلات اقراو المواد الادبية
وفي نهايةالعام راجعو اللغات حاجة خفيفة وراجعو المواد الاخرى
ولي متفهموهمش ديرلهم شهر مراجعة في ليكور
ونشاء الله تجيبوه بمونسيون مليحة لانو رايحين تتهناو من الخلعة وهدا شي جيد

mimi ami · 2012-08-22, 18:07

hale anti moutaakida oukhti wahale ta3rifine ahadane darasa riyadhiyate wa i3lame ali wa sa3adathou dirasatouhou fi etahasoule 3ala elmou3adale elmarjouw

سطايفية بكل فخر · 2012-08-22, 18:10

سينورمال متاكدة صاحبتي دارت من وراها فارمسي ونجحت في عامها فالاعلام الالي
وزيد وحدة معانا دارت فارمسي تقرا بصريات وحنا تقريبا نقراو حنا وانتم كيفكيف

mimi ami · 2012-08-22, 18:18

chokrane okhti wa inchalah ya3tik rabi matatmanay

سطايفية بكل فخر · 2012-08-22, 18:19

سوال اختي انت مقتانعة بالاعلام الالي والرياضيات
=
امين

mimi ami · 2012-08-22, 18:27

ana rani haba ila enkamale fi hadha etakhasouse enkamale math lakibache ana enmoute 3la elmath mi mazalha elmadrasa el3oulya lili3mlame elali tagdi fi galbi

سطايفية بكل فخر · 2012-08-22, 18:30

نشاء الله تجيبيها اختي
=
لي نعرفهم انا كانو يقراو معايا بصريات وصحاباتي فالبيولوجيا وثاني فالمبلورات والتيكنو وعلوم المادة
كامل عهاودو الباك وجابو عامهم فالجامعة ودارو وشا حابين
نشاء الله تكوني منهم

mimi ami · 2012-08-22, 18:33

inchalah khti manfoumak lbabe esma

تائبة الى ربها · 2012-08-22, 20:02

أختي باين عليك خايفة و مقلقة بزاف بصح غير تهدني شوية ماكانلاه تتقلقي ان شاء الله تعاودي وتجيبي المعدل الي حبيتيه به تديري مدرسة عليا للاعلام الآلي

أنا عندي خويا درس رياضيات و اعلام آلي حتى افريل ولا ماي بلوكا العام نتاعو و راجع باش يعاود البكالوريا والحمد لله نجح وراه يدرس طب و زيد عليها جاب العام نتاعو فالجامعة ب 13

و أنا العام هذا ندرس رياضيات و اعلام آلي و راهوم يحاولو يقنعوني باش نعاود الباك باه ندير طب كيما خويا خاصة كي المعدل نتاعي قريب من معدل الطب و أنا لأسباب شخصية مانيش حابة ندرس طب بصح راني نخمم نعاود من بعد نشوف, و أنا ندرس في الجامعة عادي و نراجع شوية شوية وبالاك نحضر دروس فالثانوية

mimi ami · 2012-08-22, 20:10

wa akhouki 3ala kame tahasala fi elbacalaureat fi el3am elawale wa kayfa kama bilbloukage fi mai

محفوظ البسكري · 2012-08-22, 20:20

اقتباس:

المشاركة الأصلية كتبت بواسطة سطايفية بكل فخر

بزاف داروها ونجحو ببساطة لانو دراستهم فالجامعة ساعدتهم تقريبا لانهم عاودو حوايج قراوها فاللباك

ونعرف واحد يقرا ايضا رياضيات و اعلام الي سجل في الباك مترشح حر ...الاخ داتو نشوة تاع الفرحة بالباك وكان حاط روحو يديه للمرة الثانية بامتياز و الكل يشهد له بمدى تفوقه في المواد العلمية
ولكن ما ان بدات الدراسة لم يستطع التوفيق بين المراجعة للباك و الدراسة الجامعية باعتار هذا التخصص من اصعب التخصصات في الجامعة
فماكان عليه الا ان يترك الباك و يتفرغ للدراسة مراحش يعقب في الباك