اطباق عيد الضحى المبارك

[ام ريان عبدالله]

مساء الخير
بمناسبة اقتراب عيد الاضحى المبارك نطلب من حراير الجلفة يحطو وصفات خاصة بهذي المناسبة باش نستفادو كامل وكل وحدة تحط الوصفة الخاصة بالمنطقة تاعها ولا وصفة مميزة

[lina23]

فكرة راااءعة اختي . نتمنى موضوعك يلقى تفاعل الله غالب انا اول عيد ليا وحدي وراني نتعلم من منتدانا هذا جزاك الله خير

[zizy princess of alg]

مشكوورة فكرة مليحة...انا مازالني غيير نتعلم

[طبيبة سمية]

فكرة رائعة نتمو فحلات المنتدى يعاونونا

[*أروى*]

شكرا على هذا الاقتراح

[omo marwane]

فكرة رائعة اختي نتمنى ان كل الأخوات يفيدونا و راح نحطلكم وصفة سهلة جدا تعلمتها من المنتدى وهي تحميراللحم في لاكوكوت خذي أطراف اللحم لكن بشرط يكونوا في الكونجيلاتار يعني لازم يكونوا جامدين مليح ديريلهم ملح وفلفل اسود و ديريهم. في لاكوكوت و غلقيها وديري الصفارة نعم بدون اضافة اي شيئ فقط قطع اللحم المجمدين و ملح و فلفل اسود وحطيهم في لاكوكوت وسكريها بعد نصف ساعة راح تبدي تصفر و خطرة على خطرة قلبيه باه يتقلى من كل الجهات راح يجي كيما المشوي نتاع الكوشة بدون تعب انا عادة ندير لي كوت لفيهم الشحم بزاف هكا الشحم كل يذوب و لحم يتحمر مليح أتمنى تجربوها في أمان الله

[أم ريتاج أنس]

وصفة هذي تخوف شوي ولا رني غالطة

[سرور2]

المشاركة الأصلية كتبت بواسطة أم ريتاج أنس

وصفة هذي تخوف شوي ولا رني غالطة

لالا اختي عادي انا ندرها في الدجاج وتجي بنتوتهبل واذاخفتي لانو اللحم مجمد زديلو قيس نص كاس ماء والاخت راها

نسات مقلتش بلي النارلازم تكون قلييييييييييييلة بزاف باش اللحم يطيب من داخل حتى انا ان شاء الله نجربها هادي المرة باللحم الاحمر

[ام و ابنة]

جربت الطريقة اللي قالت عليها الاخت و راهي رايعة و مافيهاش خطورة فقط لااااااااااازم النار قلييييييييلة و اللحم مباشرة من المجمد بش يطلق شويا تع الماء اللي راح يطيب فيه و يتحمر و ما تزيديش معاه الماء خلاص
و مدة الطياب ما يطولش بزاف

[syrine abdelhamid]

3ajbatni had tari9a wghadi njarabha merci lik ya okhti wa chokra lisahibat elfikra

[إكليل]

السلام عليك و رحمة الله تعالى و بركاته.

موضوع رائع جدا و أكيد را نستفادوا من أفكار بعضنا البعض.

هذوا أطباقي للعام الماضي جربتهم إن شاء الله تستفادوا منهم.
بوزلوف محمر في الفرن + طحال محشي

لحم محمر في طنجرة الضغط

نتمنى يعجبوكم .

[ندى العيون]

شكرااااااا لك اختي

يلاه ياالفحلااااات وينكم

[سرور2]

ونكم فحلات الكوزينة نورونا بكاش وصفات ملاح لعيد الاضحى

باش نستفادواكثر

وحبيت نعرف طريقة باش نشوو بيها لفاد احسن من القلي الي تعرف تجوبني وبارك الله فيكم

[نهلةن]

السلام عليكم واللهى فكرة رائعة وان شاء الله نفيد ونستفيد لاننا دايملا ننساو الاطباق وكي يخلاص لحم الخروف نتفكرو ونقولو خسارة ههههههههههههه
لي عودة ان شاء الله ونتمنى يثبت الموضوع باش مايضيعش وننساوه

[ام ريان عبدالله]

شكرا اخواتي
انا من ولاية البويرة يوم الاول نديرو في لفطور نقلو الكبدة ولقلب والبطاطا مقلية وسلاطة والمساء نديرو شطيطحة بوزلوف نغلو البزلوف كي يطيب ننزعو العظم تم نفتوه ونديرو لاصوص حمرة بالثوم ونزيدو فيها البزلوف يشرب شويا هذك لاصوص وفالاخير نديرولو المعدنوس