اطباق عيد الاضحى ** متجدد** - الصفحة 2

جيجلية · 2014-09-15, 08:54

عندي طريقة للكبدة نديرها خاصة في رمضان تعلمتها من منال العالم

تقطعي الكبدة اصابع وتبليها بالملح والفلفل والكمون واقليها في مقلة فيها حوالي 2مغارف زيت وتكون النار قاوية ماشي نطيبوها نحمروها

برك ونكون فرشنا 2 اوراق من الالمنيوم ونفرغ فوقه الكبدة ونقطع بصلة صغيرة ندبلها في هذاك الزيت اللي حمرنا فيه الكبدة ونحطها فوق الكبدة ونزيد حبة فلفل اخضر ندبلها كما البصلة ونضيفها تاني للكبدة ونغلق الالمنيوم بصح نخلي فتحة من فوق باش تتحمر الكبدة وما اجيش غير طايبة برك

هذي الوصفة اجي هايلة مع البطاطا المقلية والا لابيري على خاطر اجي فيه صوص بنيييييييين

it's me · 2014-09-15, 09:08

اقتباس:

المشاركة الأصلية كتبت بواسطة cuisineshowdalatifa

يوم سعيد
عجبتني الفكرة تع its me , و إن شاء الله راح نشارك بوصفات , لكن عندي سؤال , هذي وصفة بوزلوف مجربة ولا لا

مرحبا بيك حبوبة
اهاذي طريقتنا في طبخ البوزلوف لكن الصورة منقولة

في انتظار وصفاتك

it's me · 2014-09-15, 09:09

اقتباس:

المشاركة الأصلية كتبت بواسطة mon poupon

انا عندي وصفة للمخ ارووع ما يكون

كل ما نطيبها يقولو جات ابن من اللي فاتت

شدي لمخ اغسليه مليح مليح و خليه يقطر

في مثلى حطي شوي زيت و سنة ثوم مكرازي و واحد فلفل حار منقي و مقطع رقيق، من بعد زيدي عليه حبة طماطم مقطعة صغير، تبليها بالفلفل اسود و نصف م ص كمون و اضيفي المخ ، بالملعقة فتي المخ و خليه شوي برك على النار ،

و ذوقي بالبنة و رجعيلي الخبر ههههههههه

امممممم ديجا راني نتخيل في روحي ناكل ههههه
يعطيك الصحة

it's me · 2014-09-15, 09:13

اقتباس:

المشاركة الأصلية كتبت بواسطة mon poupon

و عندي وصفة للرأس محمر في الفور من ألذ و اروع ما يكون

شدي الرأس قسميه على زوج في النص

حطيه يفور مع فلفل اسود كمون معدنوس ملح مدة طويلة شوي حتان يطيب الرأس

و من بعد شديه امسحيه بالزيت او الزبدة كامل و اضيفي فلفل اسود شوي كمون و على الفرن

لما يتحمر قدميه

و الله يجي. روووووعه رووووووعه تآكلي صباعك موراه

امممممم وقتاش يجي العيد بش نجربها شوقنيتي نذوقها
يسلمووو حبيبتي وشكرا على المرور

اقتباس:

المشاركة الأصلية كتبت بواسطة mon poupon

و كاين تاني الكرشة نقليها في شوي زيت مع الملح و فلفل اسود و الله تجي روووووعه بنينة مقرمشة

هاذي ثاني بانة بنينة ممممممم

اقتباس:

المشاركة الأصلية كتبت بواسطة جيجلية

عندي طريقة للكبدة نديرها خاصة في رمضان تعلمتها من منال العالم

تقطعي الكبدة اصابع وتبليها بالملح والفلفل والكمون واقليها في مقلة فيها حوالي 2مغارف زيت وتكون النار قاوية ماشي نطيبوها نحمروها

برك ونكون فرشنا 2 اوراق من الالمنيوم ونفرغ فوقه الكبدة ونقطع بصلة صغيرة ندبلها في هذاك الزيت اللي حمرنا فيه الكبدة ونحطها فوق الكبدة ونزيد حبة فلفل اخضر ندبلها كما البصلة ونضيفها تاني للكبدة ونغلق الالمنيوم بصح نخلي فتحة من فوق باش تتحمر الكبدة وما اجيش غير طايبة برك

هذي الوصفة اجي هايلة مع البطاطا المقلية والا لابيري على خاطر اجي فيه صوص بنيييييييين

يا عييني شهيتيني يعطيك الصحة ساهلة وسريعة
في انتظار المزيد

malek nour hane · 2014-09-15, 13:47

اممممم روعة يعطيكم الصحة يالبنات كشما نتفكر كاش حاجة نشارككم إن شاء الله

ام سراج وملاك · 2014-09-15, 14:15

موضوع رائع وفكرة هايلة انشاء الله نتعاونو اكل مع بعضاناوكل وحدة تحط افكارها باش نستفادو اكل ليا عودة انشاء الله

*رحيق الجوري* · 2014-09-15, 15:25

موضوع رائع وفكرة هايلة انشاء الله نتعاونو اكل مع بعضاناوكل وحدة تحط افكارها باش نستفادو اكل ليا عودة انشاء الله

it's me · 2014-09-16, 08:28

شكرا على تواجدكم بصفحتي
منوريييين

ام كوكو · 2014-09-16, 08:43

بارك الله فيك على الموضوع الهايل راه مفيد بزاف

ام كوكو · 2014-09-16, 08:46

انا نشارككم ببولفاف الكبدة او الملفوف
تحكمي الكبدة تقطعيها مربعات و تملحيها +فلفل اسود و تلفيها في الشحمة الي تجي كالبساط الشفاف واشويها تجي روعة

ام كوكو · 2014-09-16, 08:58

نزيدلكم العصبانة
اغسلي الكرشة مليح و قطعي قيس ما تخدمي العصبانة نتاعك
حطي في طنجرة القطع الي رايحة تحشي بيهم الكرشة انا ندير الكرشة +المصارن حتى يغليو و ينشف الماء نتاعهم هكذا يجيو ساهلين في التقطاع
نقطع الكرشة و المصارن المغليين الى قطع صغيرة+االبصلة+الثوم+الدبشة+الكرافس+ارز او فريك او مرمزحاجة قليلة+فلفل حاراو هريسة+طماطم حب+طماطم مصبرة+ملح+فلفل اسود+راس الحانوت+الحمص
احكمي الكرشة نتاعك و خيطيها على شكل كيس بحيث تكون الجهة الي عليها حراشف هي للداخل و الوجه الخارجي هو الارطب
احشي الكرشة بالخلطة و كملي خيطيها و من بعد طيبيها مع البربوشة تجي رائعة الذوق و بالصحة و الهنا

it's me · 2014-09-16, 15:37

شكرا ام كوكو على المشاركة

ام اريام · 2014-09-16, 17:17

موضوع شيق اختي الكريمة حسستينا بالعيد واجوائه .حنا المخ نغسلوه مليح .ونغليوه مع قطرات نتاع خل .نصفيوه .من جهة وحدة اخرى نرابي 2حبات طماطم مع 3سنات ثوم مع ملح فلفل اسود و كسبر ومغرغة صغيرة معجون طماطم و 2مغارف زيت نقليوهم شوية و نحطو المخ نتاعنابعد ما قسمتو قطع صغير ونخليوه يطيب من بعد نقطعو الدبشة و لي يحبو حار نقطعو فلفل حار ونزيدو 2دقايق ونطفيو .
االراس نغسلوه ونحطو برمة فيها الماء كي يبدى يغلي نرميو الراس نتاعنا ونحطو معاه حبة بصلة و ملح وفلفل اسود ورقة رند راس فلفل حاركسبر زنجبيل ونخليوه يطيب .من بعد نقطروه احيانا نحمروه في الفور نحطو طراف زبدة ونونحمروه.والا نقطعوه ونوجودو صوص حمراء خاثرة ونرميو الراس ونزيدو شوية كمون وشوية كروية .

ام سراج وملاك · 2014-09-17, 15:14

كيما وعتك اختي راني رجعت وجبتلك هاذي الوصفة جربتها من قبل للاسف مصورتهاش بصح حطيتلكم الصور من النت وزدت معاها الكبش لترفيه فقط

الوصفة هي تشدي ترحي كمية من اللحم وديري كفتة ودوزنيها بوشوي بصل مسكرفج والثوم والكمون وفلفل اسود وملح وشوي فلفل احمر وشوي دبشة وديري شوي خبز مشمخ شمخيه في شوي ماء واعصريه باش ميتحلش اللحم نتاعك دريه دوائر وتحطيه بجهة او تقدري ديريه طويل في لقصب وتنحيه وتحطيه في صينية نتاع فرن وتشويه وحدو وتقدميها مع السلاطة
نرجع للموضوع تخلي دوائر وديري اي عجينة سوفلي وتجيك سهلة صراحة انا كي جربتها جربتها بعجينة نتاع فلة فود ارت لي درتها مع الزيتون هي نفس الطريقة بصح في بلاصة الزيتون ديري كفتة ودهني لعجينة نتاعك بصفار بيض مخلط مع شوي قهوة طايبة وحطيها في صينية مدهونة بالزيت وطيبيهم

وهاذي صورة الكفتة المشوية

وهاذا هو الكبش

لبنات اي سؤال مفهمتوهش حطوهولي هنا وانا نجاوبكم

رياحين الجزائر · 2014-09-17, 17:01

والله موضوع قيم بديت انحس بريحة العيد
انا المخ ريقتي نفسها ريقة ام ياسو مانعرف اشكون سرقت على اختها