موضوع مميز المشاركة التانية بالمسابقةbasmala farah

*أم كوثر* · 2013-06-30, 19:40

تحية عطرة للجميع
هذه مشاركتي البسيطة للطبق الرئيسي بالمكون السري الارز
صراحة فكرت باه تكون مشاركتي بسيطة و اقتصادية و اي ام تقدر تطبقها نزولا عند رغبات العضوات لي حبو يطبقوها في شهر رمضان المعظم يعني حبيتها تكون حنينة على الجيب و خفيفة على المعدة و تحمر الوجه في نفس الوقت

نبداو بسم الله الرحمن الرحيم

انا طبقت شرط العزيزة ام كوثر قالت 3 افكار يعني 3 افكار

الفكرة 1 افخاد الدجاج محشية لكن بطريقة جديدة
افخاد الدجاج محشية لكن بطريقة جديدة يعني تحافظي على شكل فخد الدجاج و لكن قولي وداعا للعظام اي فخد به المعتاشكلد لكن دون عظم

تابعي الصور

نغلي الروز نصف طياب
نصفيه و نقليه بالزبدة في مقلاة + توم + ملح + فلفل + موتارد + زعفران + زعتر + القليل من سكين جبير + انت و توالك لي معتادة ديريها
في نفس الوقت

نديزوسي عظم الفخد بسكين حاد مع المحافظة على شكله دون الوصول الى الاخير يعني نخلي شوية عظم لاصق في الدجاج

العظم لي ديزوسيناه نقطعوه و نتخلصو منه و يبقالنا الفخد ديزوسي لاصق فيه القليا من العظم و دلك للمحافظة على شكل الفخد

نحشي مكان العظم لي نزعناه باالارز و نخيط الفخد جيدا فنحصل على فخد عادي بدون عظم تاكليه و انت مرتاحة يعني لو ما يقولولكش بلي ديزوسي و محشي ما تعرفيهش حتى تقطعييييه هههههههه

الفحد التاني ما نديزوسيهش نخليه عادي بعظمه لكن ندخل اصبعي بين اللحم و الجلد و نفرقو بيناتهم هكدا يبقالنا المكان لي نحشو فيه الارز

تم نحشي و نخيطه عادي

و نتبلهم بالخلطة التالية زيت + توابل + توم + زعتر

و نقطع البطاطا قطع معتبرة + التوابل

في كوكوط نضع القليل من الدهان + زيت و 3 حبات بصل صغيرة للنكهة و الافخاد و نقلي جيدا جيدا حتى تطلق الافخاد بنتها في الكوكوط تم نظيف قطع البطاطا و نقلي جيداا و نغلق الكوكوط و نتركها طيب

لاحظو الفخد الديزوسي لما قطعته دوائر يا سلام فقط دجاج و ارز لا وجود للعظم كولي و انت هانية حتى اطفالك ياكلوها بدون قلق

و هدا الفخد المحشي بين الجلد و اللحم لا حظي الحشو اين هو

حطيته في الطبق + البطاطا + الصوص لي طلقها البصل مع الموتارد يم يم و زينت الطبق بدوائر صغيرة من الارز كنت طبعتها بمول دائري الشكل و زينتها بوريدات الفلفلة

الفكرة 2 رولي الارز و اللحم المفروم

فيضي الارز نصف طياب و صفيه و ديريله التوابل المعتادة + البيض + توم
و حضري اللحم المفروم بالتوابل و البيض و التوم ايضا و لاشابلير

ابسطي اللحم المفروم تم ضعي فوقه الارز نصف طياب و احشيه بالفرماج و روليه على شكل بودينغ

تم رمديه في الفرينة تم البيض تم لاشابلير و اقليه في الزيت على نار هادئة باه تجي فيه بنة شابة

تم ادخليه الفرن لانه يكون عاد ما طابش مليح من الداخل
للتزيين قطعت شرائح الخيار بشكل دائري و صنعت بيها وردات و شديتهم بالاعواد الخشبية

هاهو الرولي وجد لاحظو الدوران و حطيت معاه صوص طوماط

الفكرة 3 طماطم و فلفلة محشية بالارز

الارزفيضته و صفيته و قليته في الدهان مع التوابل و التوم تم اضفت له البيض و الفرماج

شويت الفلفلة و نزعتلها القشرة و قطعتها طوليا و غلفت بيها المول و حشيتها بالرز لي حضرته مسبقا

و اخدت 2 حبات طماطم و نحيت لهم الوسط تاعهم و حافظت على الغطاء تاعهم و تبلتهم من الداخل و احشيتهم بطبقة من اللحم المفروم تم طبقة من الارز لي كنت فيضته من قبل

و دخلتهم الفرن يطيبو مع بعض
و زينت بورود الجزر و الخيار و طبقات الارز الملونة

اتمنى ان اكون عند حسن ظن العضوات و زميلاتي المتسابقات وكل المشرفات
و اتمنى اني نكون وصلتلكم الافكار و يا رب نكون وفقت و يعجبكم طبقي
دكتم في رعاية الله و حفظه

أريج هبة الرحمن · 2013-07-08, 12:34

سلاااااااااااااااااااااااااااااام عليكم امممممممممممممم روعة بالتوفيييييق دمتي مبدعة

*رفيقة الدرب* · 2013-07-08, 14:11

مااااا شااااااااااااااااء اللللللللله

انا حبة سكر · 2013-07-08, 18:03

امممممممممممممم مشاء الله روعة سلمت يداااااااااااااك
ذوق رفيع فالديكوووووووووووووور

عائشة07 · 2013-07-09, 18:53

ما شاء الله
بارك الله فيك

امونة الشاوية · 2013-07-14, 15:06

الله الله عليك حنونةيعطيك الصحة