هل أستمر أم أرفض

[sara_82]

يريد رجل ان يتقدم الى خطبتي و فيه جميع المؤهلات من القدرة على تحمل المسؤولية لكن بالتركيز " المسؤولية المادية اكثر "لانه يعمل و عمله طول اليوم ما لا يسمح له بالقيام بكل ما يلزم ،
مثقف
لكنه اكبر مني ب 13 سنة
لا يريدني ان اعمل في المستقبل باعتباره قادر على تحمل المسؤولية
شكلا مقبول نوعا ما و لكن ليس من الشكل المفضل عندي
يظهر اكبر مني بكثير في السن .
لانني ابدو اصغر من عمري كثيرا .
المشكلة اني بدات أجري مقارنات بين الماضي و الحاضر و من قرأ قصتي فهو يعرف ماذا جرى
يعني لانني خرجت من جرح جديد و كان اول شخص بحياتي ؟
اصبحت ارى هذا الشخص المتقدم جدا عادي ولم يلفت انتباهي لاي شيئ و لم يعجبني فيه اي شيئ رغم ان لديه مقومات افضل من حيث الثقافة مقارنة بالسابق ؟ ربما لأنه أكبر سنا من الشخص الاخر " خطيبي السابق "

انا مشكلتي هي المقارنات التي اجريها في ذهني من حيث بعض التعاملات ، السن ، طريقة عيش خطيبي السابق من حيث تلاحمه مع اهله و امه ؟ جعلتني لا احبذ اي شيئ في هذا الشخص ؟
هل ارفض و انتظر مدة زمنية حتى اقبل بشخص للارتباط ، حتى انسى جرح الماضي للابد و كأنه لم يكن ؟
أم اقبل ؟ هل هناك من جربت و تزوجت من شخص لم تحبه ؟ و كانت قد خرجت من علاقة خطوبة فاشلة من شخص أحبته و تعلقت به لأول مرة ؟ هل يمكن ان تخبرني اذا التجربة ناجحة ام فاشلة ؟
نصحني البعض أن اقبل بهذا الشخص كونه كبير في السن و ناضج و مستواه الثقافي و العلمي جيد .
و هناك من قال لي لا تتسرعي و خذي وقتا واشغلي نفسكي بأمور اخرى تلهيكي و تنسيكي الماضي نهائيا الى ان تبدئي من االصفر .
و هناك من قال لي بأن عامل السن لن يكون في صالحك خاصة و انني اخبرتكم سابقا انني أعمل في سن 31 سنة ان شاء الله
اذا توجد انسانة جربت فأرجو ان لا تبخل علي
و إن كنتم في مكاني ماذا كنتم فعلنتم مع العلم ان شبح الماضي السيئ في علاقة خطوبتي الفاشلة السابقة ت لا تزال تؤلمني حيث انني لاحظت على نفسي انني اجري مقارنات

و ماذا افعل حتى استعيد طبيعتي التي كنت عليها سابقا
يا ذوي العقول لان عقلي غائب عن الوعي احتاج لمن له خبرة في ارشادي الى الطريق الصحيح ... ....

[knives55]

شوفي ختي أذ حبا الزواج هذ راجل جاك أقبلي

وأذ مكيش حبا تزوجي خلي راجل يروح يشوف مراة وحدة أخري

واشباح ماضي راهم من الماضي

وربي يسهل

[وردة أمل]

أول خطوة لازم تديريها حتى تقدري تاخذي قرار نهائي هي انك تنساي الماضي نهائيا كانت تجربة و انتهت خلاص واش هي الفايدة كي تعودي تتفكري و تتحسري على لي ضاع و لي ما قدروش ربي سبحانه و زيد أكبر خطأ انو تعملي مقارنة بين الخاطب السابق و الحالي هكذا مستحيل تعيشي حياتك لانك راكي متعلقة بالماضي ,,,,,

صلي صلاة استخارة و لي فيه الخير يجيبوا ربي

[enseignant fiévreux]

الله يوفقك في القرار
عليك بالاستخارة
ما خاب من استخار
موفقـــــــــــــــــــــــــــــــــــــــة انشاء الله

[مريم الصابرة]

السلام عليكم
الماضي اختي نسقسيك لو هو جاتو فرصة يفكر فيك اكيد لا
والرجال الأكبر سنا صح مثقف وشابع من الدنيا إنت على جال لاخر في راسك درتي فيه كل العيوب وقلبك هرب منو ممكن تحكي معاه في فترة الخطوبة وتحبيه بعد الزواج انا تقريبا كيفك لكن الفارق الماضي مات ولاخر اخوه لكن عادي فالبداية لكن بعدها قبلت ومشات الحالة إلا وين صرا مشكل كبير وتفارقنا لكن ما يمنعش تعيشي مرتاحة معاه وزيدي فكري المهم اخطيك من الماضي محال هو يضيع فرصة على جالك موفقة

[الجليس الصلح]

توكلي على الله واقدمي رجل فيه كل المواصفات وتستشيري وهل أنت صغيرة عجبت لكن بنات حواء تتركون الفرص تضيع عجبا؟

[aihemsara]

السلام عليكم اختي.. اول شيء اذا ممكن تنقلي موضوعك للقس الخاص به
راح نعطيكي فقط رؤوس اقلام .. بشان فارق السن هذا حسب هذا الرجل
عندي اختي بينها و بين راجلها قريب 11 سنة و عايشة متهنيا معاه و الحمد لله
و الاخرى زوجها يكبرها ب 6 او 7 سنوات لكنه يعتبرها "ذراري" خصوصا في الاول..
واحد ما يقدر يدبر عليكي على خاطر الراجل حتى تعيشي معاه باش تعرفيه صح
مالا ديري استخارة و كرريها عدة مرات و ادعي ربي.. و شوفي روحك انتي الا حابة تكملي حياتك مع هذا الشخص او لا
اذا كنتي قابلاتو من كل الجوانب او لا.. و احسن حاجة تديريها انك تتوقفي عن مقارنتو بخطيبك السابق لانو ربي خلق و فرق
تقدري تديري ورقة و تكتبي فيها واش عجبك و واش ما عجبكش في هذا الخاطب و ميزي و شاوري والديكي
ان شاء الله يعاونوكي باقي الاعضاء.. ربي يهنيكي و ينسيكي في خطيبك السابق .. بالتوفيييييق

[حزن بحر]

حبيبتي اول شيئ لازم تستخيري
والله فرحت بهذا الخبر
شوفي ربي حنين كريم
انا نقولك اقبلي باش ماتمندميش وماتتعلقيش بهذا الشخص
والحكاية لي فاتت راهي تجربة وماتعاوديش الغلطة
ولازم ماتقارنيش كل واحد كيفاه داير
انا ماننخممش كيفك و انت ماتخميش كميا الاخرى وهي ماشية
كيما نقولو كل شاه معلقة من رجلها
لازم تقيمي هذا السيد على اساس الواقع
ماتقيميهش على اساس واحد راح في سبيل طريقه
راح تحزني عليه انت
ماهوش مكتوبك وجات السبة باش تفترقو
يا اختي انساااااااااااااااااااااااااااايه
ابداي حياتك وماتقارنيش حتى واحد بواحد

[z.abdo]

لي كلام في هذا الموضوع في وقت لاحق بإذن الله

وسأبقى متتبع

ووفقك الله لما فيه الخير والصلاح

[حزن بحر]

حبيبتي اول شيئ لازم تستخيري
والله فرحت بهذا الخبر
شوفي ربي حنين كريم
انا نقولك اقبلي باش ماتمندميش وماتتعلقيش بهذا الشخص
والحكاية لي فاتت راهي تجربة وماتعاوديش الغلطة
ولازم ماتقارنيش كل واحد كيفاه داير
انا ماننخممش كيفك و انت ماتخميش كميا الاخرى وهي ماشية
كيما نقولو كل شاه معلقة من رجلها
لازم تقيمي هذا السيد على اساس الواقع
ماتقيميهش على اساس واحد راح في سبيل طريقه
راح تحزني عليه انت
ماهوش مكتوبك وجات السبة باش تفترقو
يا اختي انساااااااااااااااااااااااااااايه
ابداي حياتك وماتقارنيش حتى واحد بواحد

[بسمة تنتظر فرحة]

شوفي اختي ربي يسر امرك اولا
وتانياا هادا زواج العمر ماشي يوم او.....فكري مليح و ما تخطي حتى خطوة يكون فيها تردد ابدااا
الماضي اختي راح ومعندو حتى فايدة اذا تبقي تقارني تتعبي بزاااف وتحطي حاجز بينك وبين انطلاقة جديدة في حياتك
تذكري الماضي فقط للعبرة فقط واذا هاد الشخص متدين واخلاقو مليحة متضيعيش الفرصة
عن تجربة اختي انسي المااااضي وابدي من جديد ادعي ربي يخرج من قلبك وعقلك كل اللي فات وقولي اللهم دبر لي فاني لا احسن التدبييير
وندعيلك ربي يشرح صدرك ويسر امرك متنسيش صلاة الاستخارة والدعاااااااء وكان الله معك

[nibrasse76]

يا اختي والله راكي تحكي بالرايحه خلاص ..انا عمري قريب ليك ..وساعات نخمم اني كبرت ...وانت امراة مازالك تفكري في الماضي والمضارع ...؟؟ اصحي شوية من حالة التخذير العام لي راك فيها ..واش يكون هذا خطيبك الاول ...ملاك والا ..صحابي جليل ..وهل كان ملكك حتى تقارني بيه؟؟ اصلا هو مش تاعك ...طيب لو كان طليقك واعدت الزواج واش تديري ساعتها ...تولي مع راجل وعقلك مع واحد اخر ؟؟
اتمنى لك الهداية والتوفيق ــــــ حاولي تقيمي خطيبك في حد ذاته ...دون مقارنته بغيره ...ان لم يكن هناك مانع فتوكلي على الله ....
انا نحير من واحد يتعلق بشخص سمح فيه ...اين الكرامة والكبرياء ؟؟

[hfhgffgvf]

ادا بقيتي تقارني بينكل واحد يخطبك و خطيبك السابق رايحة نبشرك عمرك ما تتزوجي لانك دائما رايحة تشوفي انو حبك الاول هو الاحسن بكل المقاييس و الي يجوك دائما تلقاي صفة كانت في الاول كانت عاجبتك فيه ما كانش فلي يخطبك و فالاخير رايحة تتفر فيك تدي رايي اخطيك من المقارنة و شوفي لهاد الشخص بعقلك و قلبك من بعد الزواج اكيد رايح يتعلق بيه

[خولة لبابة]

بالنسبة لفارق السن بينكما يا اختي فلا أراه كبير......يفوقكي ب 13 سنة....و اذا كان مثقف و رجل ذوي أخلاق و عامل كما وصفته.....فلا تصيعي هذه الفرصة يا اختاه......و ابدئي صفحة جديدة .....و حاولي نسيان الماضي.....توكلي على الله .....و نصيحتي لكي.....لا تنظري الى مظهر الرجل بل الى عقله و أخلاقه......هذا هو لبّ الحياة الزوجية.......و لا تأمني كثيرا بعلاقات قبل الزواج....فهي مراحل مرّت و لن تعود....قال جل و علا** و جعلنا بينكم مودة و رحمة...** و هذه المودّة تأتي بعد الزواج......هذه التعارفات قبل الزواج ما هي الا باب للفتنة......وفقكم الله .....

[himanlogine]

عليكي بصلاة الاستخارة اختي و ربي يوفقك............