و اخيرا صور المطلوع

narimane16 · 2013-07-15, 16:33

ثاني صورة تبلي الملح ولا تذوبيه شوية ماء دافئ تبقاي تستعملي الماء الدافئ

هذه الخميرة 4 مغارف صغار مع مغرفة سكر ماء دافئ

تكبي الخميرة وتدخليها في العجينة و تخليه يخمر حتى يطلع
تعجنيه مليح و تبقاي تبلي بالماء حتى يولي طري و تقدري تتحكمي فيه
تشكلي دوائر و تخليهم يطلعو شوية
تحكمي تڤرصيهم تهبطيهم وتغطيهم و تخليهم حتى يسخن الطاجين تاع المطلوع
سخن الطاجين طيبيهم
هذا هو المطلوع تاع العلمة إلي شيطني باه و صلتولكم نتمنى يعجبكم برك رأيكم نستنى فيه
انتظر ردودكم

هند222 · 2013-07-15, 18:03

عندي شحال وراني نستنى في هذا المطلوع

بالصح ياخيتي مخرجوليش الصور

المهم علابالي راكي شطي ربي معاك ويعطيك الصحة

حياتي نبع امل · 2013-07-15, 18:25

ماخرجوش الصور ومزية مارانيش نتوحم هههههه صح فطورك
اعيدي تحميلهم من موقع تاني

yara djoumana · 2013-07-15, 18:30

يا اختي باش تنقلي الصور في الموضوع اول حاجة تروحي ل google و تكتبي مركز تحميل الصور راح يخرجلك هذي اول حاجة و امبعد
اكليكي على choisissez un fichier تخرجلك قائمة الصور اناتعك les émage امبعد اكليكي على الصورة الي حبيتي تحطيها في الموضوع
ديري ouvrir وامبعد كليكي على رفع الملفات راح تبدى الصورة اتيليشارجي اصبري عليها شوي درك تخرج و امعاها 3 روابط فوق بعضاهم
اختاري انتي الاول فيهم الي مكتوب فيه رابط للمنتديات هزيه كوبي و كوليه =copier -coller و كوليه في موضوعك و راح يخرجولك الصور انشاء الله
غير تبعي الخطوات امليح و راح يخرجولك باذن الله راني نفهم فيك قطرة قطرة راكي شفتيني قداش و انتي حابة تنعتيلنا صور المطلوع هاية جربي
الخطوات و راني نستنى باش نشوف احلى صور من عندك