أيهما أفضل شعبة الرياضيات أم العلوم التجريبية

[slahino]

أنا طالب سنة أولى لدي معدل:16.91 ولا أريد أن يتراجع معدلي بسبب إختيار خاطئ
لقد إخترت شعبة الرياضيات ولكن من شدت ما قيل عنها أريد تغييرها ولهذا أنا في شك وفي مفترق طرق أريد معرفة الآفاق الجامعية لها فأنا أطمح أن أصبح عالم ذرة أفيد وطني وديني

[jiji26]

ان شاء الله ياربي تتحقق امنيتك

[bellmere]

شعبة الرياضيات رائعة لا يهمك أقوال الأخرين افعل ما تريده في مستقبلك أنت
إذا كان لديك الإصرار والعزيمة ستحصل على معدل أعلى من هذا الذي ذكرتة
ربي يوفقك أنا نقولك خير رياضيات وما تندمش لعدت تحب الرياضيات والفيزياء
نصيختي لك : اختر الشعبة التي تحبها أنت العلوم صراحة ليست جيدة مثل الرياضيات إلا إذا كنت تريد أن تصبح طبيب أو ما شابه ....
معاملات المواد مختلفة في كلتا الشعبتين بالنسبة لشعبة العلوم معامل العلوم فيها في السنة الثانية 6 و الرياضيات 5 والفيزياء 5 أما شعبة الرياضيات فتختلف تماما العلوم فيها بمعامل صغير 2 أو 3 كما أظن والمعامل مرتفع في الفيزياء والرياضيات
أنا أفضل الفيزياء والرياضيات على العلوم لأنهما غنيتان بالتمارين والحسابات المختلفة إنها مشوقة ....وفقك الله وشكرا تحياتي
أنا في السنة الأولى تحصلت على 16.20 أما السنة الثانية فتحصلت على 16.93 لأنني أحب شعبتي لم أهتم قط بأقوال الأخرين

[slahino]

أريد تقديم الشكر لكما في الحقيقة لقد ثبتموني وساندتموني

[noussa_94]

الحمد لله
فقد تشجعت فأنا مثلك تماما الا انني بعد ان قرأت الردود زادت ارادتي


والله ولي التوفيق

[Yusei]

بسم الله الرحمن الرحيم
أخي إذا كانت ترغب في شعبة الرياضيات فلا تتردد و لا تهتم بما يقال عن الشعبة هي تحتاج فقط للمراجعة و الانتباه الجيد للأستاذ و حل التمارين
بالنسبة للمعاملات
الرياضيات___________7
الفيزياء_____________6
العلوم______________2
و البقية اظن مثل شعبة العلوم
و بالتوفيق و ان شاء الله تحقق حلمك

[imanemer]

كنت رح نبعثلك رسالة خاصة كتبت جرنان مع اللخر قالك ماتقدرش تبعث رسالة خاصة
اختصار واش كتبتلك انا ننصحك بالرياضيات

[slahino]

أشكركم جميعا
بالنسبة ل:imanemer يمكنك أن تراسلني في إيميلي
- البريد الإلكتروني حذف من قبل الإدارة (غير مسموح بكتابة البريد) -
أو
- البريد الإلكتروني حذف من قبل الإدارة (غير مسموح بكتابة البريد) -

[قطرة تفاؤل *أمينة*]

خير الشعبة لي تناسبك

بالنسبة لي في السنة الاولى ديت 17 وطلعوني علوم تجريبية وراني مليحة فيها الآن

ونقلك حاجة كاين ناس دايرين بلي شعبة الرياضيات يروحو ليها العباقرة ......... كذبة......... لي راح لشعبة الرياضيات غير المحتوم .......... وصدقني أنهم يوجهوهم رياضيات مش على حسب الرغبة ولا على العلامات ولكن على حسب المقاعد البيداغوجية فمثلا إذا كان لازم يديرو قسم فيه 30 تاع علوم مايقدروش يزيدو عليه ...... يوليو التلاميذ الأوائل لي خيروا علوم يلبيولهم الرغبة والبقية يحطوهم باه يعمرو الأقسام ........ وصدقني هكا يديرو كيما قاتلي مستشارة التوجيه في الليسي


ونزيدك حاجة الرياضيات رايحة تولي صعيبة بزااااف -مارانيش نخلع فيك- مي أنا راني علوم تجريبية وفي السنة الأولى كنت منطيحش على 20 ولا 19.5 في الرياضيات مي جاتني صعيبة وتحتاج مجهود كبيييييييير راني ندور في 17

فإذا وجهوك رياضيات المعامل تاعها 7 في هاذي الشعبة ................. وقدرلك ربي نهار الامتحان تاع الرياضيات تمرض مثلا وماتخدمش ................ دير في بالك بلي راحت عليك

هذا عكس شعبة العلوم لأن المعاملات متوازنة عندك العلوم 6 والرياضيات والفيزياء 5 إذا ماخدمتش في وحدة تقدر تعوض بالأخرى

اسمحولي تاوع الرياضيات مانيش نحطم فيكم مي راني نحكي في الصح


مي فيها حاجة مليحة أنو في الباك تقدر دير حوايج مليحة وبمعدلات ماشي كبيرة

وأنت قلت حاب تكون عالم ذرة -- الله يبارك وربي يوفقك ---

أحسن شعبة ليك هي العلوم التجريبية لأنك في علم الذرة تحتاج العلوم والفيزياء أكثر شيء

اسمحلي طولت عليك حبيت برك نمدلك رأيي و الحقيقة لي راها صايرة في بلادنا

علابالي ضرك يبداو تاع الرياضيات يطاكيوني بالسبان ............... ههههههه

ربي يوفقك ودير لي ريحلك بالك

ولا نقلك صلي صلاة الاستخارة أحسن شيء

[زمهرير ولى الاثر]

المشاركة الأصلية كتبت بواسطة bellmere

شعبة الرياضيات رائعة لا يهمك أقوال الأخرين افعل ما تريده في مستقبلك أنت
إذا كان لديك الإصرار والعزيمة ستحصل على معدل أعلى من هذا الذي ذكرتة
ربي يوفقك أنا نقولك خير رياضيات وما تندمش لعدت تحب الرياضيات والفيزياء
نصيختي لك : اختر الشعبة التي تحبها أنت العلوم صراحة ليست جيدة مثل الرياضيات إلا إذا كنت تريد أن تصبح طبيب أو ما شابه ....
معاملات المواد مختلفة في كلتا الشعبتين بالنسبة لشعبة العلوم معامل العلوم فيها في السنة الثانية 6 و الرياضيات 5 والفيزياء 5 أما شعبة الرياضيات فتختلف تماما العلوم فيها بمعامل صغير 2 أو 3 كما أظن والمعامل مرتفع في الفيزياء والرياضيات
أنا أفضل الفيزياء والرياضيات على العلوم لأنهما غنيتان بالتمارين والحسابات المختلفة إنها مشوقة ....وفقك الله وشكرا تحياتي
أنا في السنة الأولى تحصلت على 16.20 أما السنة الثانية فتحصلت على 16.93 لأنني أحب شعبتي لم أهتم قط بأقوال الأخرين

الله الله ، كفيتي ووَفيتي

مثل ماقالت الأخت إيمان اتخذ مَجرى طموحك مع انجازاتك ولا تبالي بِكلام الآخرين الّذي يسد شَهيتك

كل الشعب العِلمية والأدبية لها قيمَة والّتي تناسبك خذها معك وكن ذا هِمة

والمُعدل على فكرة يمكن لك الحُصول أكثر من معدلك الذي ذكرت مدام لديك حب لِلدراسة والإطلاع كذا الإجتهاد والمثابَرة

وَفقك الله لِكل خير

[زمهرير ولى الاثر]

المشاركة الأصلية كتبت بواسطة yusei

بسم الله الرحمن الرحيم
أخي إذا كانت ترغب في شعبة الرياضيات فلا تتردد و لا تهتم بما يقال عن الشعبة هي تحتاج فقط للمراجعة و الانتباه الجيد للأستاذ و حل التمارين
بالنسبة للمعاملات
الرياضيات___________7
الفيزياء_____________6
العلوم______________2
و البقية اظن مثل شعبة العلوم
و بالتوفيق و ان شاء الله تحقق حلمك

أليسَت شعبة الرياضيات مجرَدة من العلوم الطبيعة ويدرسون مكانها الهندسات (الطرائق ، المدنية....)؟

[Unknown G!rl]

لا لا اختي هادوك تقني رياضي لي يقراو الهندسة احنا ناقرو غير رياضيات و الفيزياء

[sapin]

لاتهتم في قول الناس دير واش يقولك راسك والميول نتاعك انشاء الله التوفيق

[حنان ع]

سير و لا تتردد حتى انا خلعوني و قالولي بلي الرياضيات صعيبة مي انا منديرش على حديث الناس و لي دار على حديثهم ماراحش يعيش و درك درت شعبة رياضيات امش و توكل على رب و تفائل دائما خير و لا حبيت ندرسو مع بعض ومع طلبة الرياضيات و نحلو التمارين و نستغلو واش بقي من الصيف و شكرا

[جزائرية كوول]

انا درت رياضيات ربي يوغفنا كامل.
ولي قالت الرياضيات يروحولها لي في اخر الترتيب تع العلوم هدا قبل مبقتتش دورك