قراتان بطاطا بالدجاج - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

قراتان بطاطا بالدجاج

إضافة رد
 
أدوات الموضوع انواع عرض الموضوع
قديم 2018-07-31, 21:44   رقم المشاركة : 1
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










vb_icon_m (17) قراتان بطاطا بالدجاج



مساء الخير بطبوطات راني زعفاااااانة منكم بزااااااااااااااااااااااااف ............... حطيتلكم وصفة كاب كايك الباونتي وانتظرت دعوات خير كاشما يجيني واقيلا مادعيتوش مليح ولا ماشي من صماصيم قلوبكم ..................


زعمة رجعت بقووووووووووة .... قريب طارت عيني ............ اليوم جاتني الفحالة نضت طول الصباح ( نستغل زعمة في العطلة ) قلت ندير الميناج مدام طهارة زكرياء قربت ياسيدي وأنا نحك في الكوزينة بكل ضمير طارلي "لاسيد" دخل في عيني قريب لا راحت ..... ضرك راني نكتب في الموضوع وانا مغمضة عين وفاتحة عين تقول نغمز ... ملي كنت نديرفي الميناج عشيت ندير في التراتمون نتاع العينين

المهم ، رايحة نزيد نحطلكم وصفة لذييييييييييذة جدا نتاع قراتان بما أنو فصل الصيف موسم الاكلات الخفيفة ..... بصح بلاكو هذي المرة ماتدعيوش مليح أهاااااااه راني نهز شنافتي ونحرمكم من الميراث ( الوصفات )


للأمانة الوصفة راني هزيتها من عند وحدة جازاها الله خيرا حطت مجموعة كبيرة من الوصفات المصورة في الفايس .... انا طبعا حرفت وغيرت فيها ودرتلها الماكياج تبدلت شوية على هذي حبيت نحطلكم طريقتي .....

الوصفة والطعم أكثر من رااااااائع وخاصة أنو مايجيش ناشف كأنو كريمي من داخل وطبعا الاسكالوب مع الجبن وشوية الصوص والتوابل طعم ولا ألذ وبحر على الريجيم ههههه خلي الحريرات يزيدو ..... تحيا لاطاي الجزائرية

ننصحكم جربوه مع انو الدجاج هذو ليامات راهو سعرو غالي جدا تقول الدجاجة تهدر لغات ولاّ متخرجة من جامعة "السوربون" ..... بصح على بالي بيكم فحلات كي يرخس الجاج تشريو وتخبيو في المجمد



شعارنا .... " كولي وماتخليهاش في قلب ... ماكانش خير من التكلبيز
"


أترككم مع الطريقة وصور المراحل :


قراتان البطاطا والدجاج


المقادير:
بطاطا مقطعة شرائح ومقلية ، قطعة اسكالوب مقطعة مكعبات، حبة بصل مقطعة مكعبات صغار، 2 حبات طماطم مرحية، 3 بيضات، نصف كأس كرام فراش، هريسة (اختياري)، جبن مبشور

التوابل : ملح- فلفل أسود- بودرة ثوم- توابل الدجاج


الطريقة :

- نقطع البطاطا شرائح رقيقة ونقليها بدون ما تتحمر .
- في مقلاة نحط شوية زيت ونقلي الاسكالوب حتى يأخذ اللون الذهبي ثم نضيف البصل ونقلي حتى يذبل مليح ويأخذ اللون الذهبي ثم نضيف الملح والتوابل ونقلي شوية ثم نضيف الطماطم المرحية ونقص للنار ونخليها تطهى على مهل وما نشفهاش بزاف .
- في صحن نخلط جيدا البيض مع الكرام فراش و شوية ملح ورشة فلفل أسود وثوم بودرة .
- في صينية الفرن نضع البطاطا ونصب عليها القليل من خليط البيض ثم نضع الدجاج ونصب باقي خليط البيض
- ونضيف كمية مليحة من الجبن المبشور .
- ندخلها للفرن في الرف الوسطاني على 180° مدة 10د – 15د فقط حتى ينشف البيض ونخرجها مانخليهاش طوّل باش مايتحرقش ومانشفش بزاف .
- تقدم مع سلطة خضراء .
- ممكن نعملها في غامكان بشكل وجبات فردية مثل الصور في الأسفل ... انا هنا عملتها في الصينية اللي تتفتح من الجنب وحبيت نعملها بديكور مميز مثل صاحبة الوصفة وأنتوما كيما حبيتو .

وهذو الصور :


















وللامانة هذي الوصفة الأصلية مانديروش كيما الناس اللي تسرق الوصفات وتنسبها لنفسها بكل صحانية وجه





ماتنساوش هذي البطبوطة اللي كتبت الوصفة بدعوات خير" عيد وعواشر " كيما يقولوها العجايز


تحياتي ............ انا لهلوبة










 


رد مع اقتباس
قديم 2018-07-31, 22:06   رقم المشاركة : 2
معلومات العضو
البدرية
عضو مجتهـد
 
إحصائية العضو










افتراضي

جزاك الله خيرا أختي إلهام



والله جربت بعض وصفاتك وكانت ناجحة 100%100


الله يشفيك و الله أنا دعوت لك من قلبي


وقد جربت وصفتك للكاب كيك في المساء وكانت حقا رائعة


للأسف لم أستطع أن أصور لأنها نالت إعجاب كل العائلة



بعد أن أكملو الأكل صورت صورة واحدة أضعها فيما بعد إن شاء الله










رد مع اقتباس
قديم 2018-07-31, 22:40   رقم المشاركة : 3
معلومات العضو
.karima.
عضو مجتهـد
 
الصورة الرمزية .karima.
 

 

 
إحصائية العضو










افتراضي

هههههههههه عجبتني الطريقة اللي طرحتي بيها الموضوع

ماشااااء الله والله شهيتيني

المهم ربي يشفيك من عينك ويعطيك ماتتمناي ويوفقك وراني دعيتلك من قلبي وان شاء الله نسييها ونزيد ندعيلك










رد مع اقتباس
قديم 2018-07-31, 23:25   رقم المشاركة : 4
معلومات العضو
القناعة كنز
عضو مميّز
 
الصورة الرمزية القناعة كنز
 

 

 
إحصائية العضو










افتراضي

طهورا ان شاء الله و شكرا على الوصفة










رد مع اقتباس
قديم 2018-07-31, 23:49   رقم المشاركة : 5
معلومات العضو
RIMA.87
مشرفة قسم الأشغال اليدوية
 
الصورة الرمزية RIMA.87
 

 

 
إحصائية العضو










افتراضي

السلام عليكم و رحمة الله و بركاته

تستاهلي احلى باقة ورد يا الهام و اجمل دعوات خير،اسال الله ان يرزقك من حيث لا تحتسبين و يرزقك من خيري الدنيا و الآخرة.


طهورا ان شاء الله،بسم الله ما شاء الله عليك ،عندك خفة دم و حلاوة كلام ما شاء الله عليك ،ربي يعطيك ما تتمناي فيما يرضيه جل في علاه و يرضى عليك و يجعلك بارة بوالديك يا اخيتي الهام ،
وصفة خفيفة ظريفة و مشهية و اكيد بنينة،

طريقة طرحك للموضوع قمة في الرووعة و عفويتك نلتمسها من احرف تعابيرك،ما شاء الله عليك ،
و الشكر موصول لصاحبة الوصفة الاخت ام اسيل الجزائرية ،جعل الله مجهوداتكم في ميزان حسناتكم،
في امان الله،
تقبلي مروري اختك في الله RIMA.87










رد مع اقتباس
قديم 2018-08-01, 00:29   رقم المشاركة : 6
معلومات العضو
mounia hse
عضو مميّز
 
الصورة الرمزية mounia hse
 

 

 
إحصائية العضو










افتراضي

يعطيك الصحة حنونة و على سلامتك فرحت بزاااف كيف شفتك رجعتي للمنتدى ربي دومها ان شاء الله و زين يامك مام انا راح نرجع نحط وصفات مي مش ضرك مازال ضاربني التفنين هعهع*










رد مع اقتباس
قديم 2018-08-01, 10:02   رقم المشاركة : 7
معلومات العضو
فاتي 05
عضو فعّال
 
الصورة الرمزية فاتي 05
 

 

 
إحصائية العضو










افتراضي

ربي يحفظك من العين اختي الهام و طهور انشاء و ربي يفتح في وجهك بيبان الخير و ينولك اللي في بالك و يحقق لك اماني انشاء الله اختي و كي العادة كلش بالطبع و الشان و بدون تعليق الصور تتحدث عن نفسها ما تحتاج حتى تعليق










رد مع اقتباس
قديم 2018-08-01, 17:48   رقم المشاركة : 8
معلومات العضو
asmabba
عضو مشارك
 
إحصائية العضو










افتراضي

شكراا جزيلا إلهام ربي يجازيك ويشفيك إنشاء الله










رد مع اقتباس
قديم 2018-08-01, 21:15   رقم المشاركة : 9
معلومات العضو
شمس الملوك
عضو مجتهـد
 
إحصائية العضو










افتراضي

جزاك الله خيرا. حفضك من كل مكروه وفي ميزان حسناتك

طهورا ان شاء الله










رد مع اقتباس
قديم 2018-08-01, 21:18   رقم المشاركة : 10
معلومات العضو
dima 08
عضو مبـدع
 
الصورة الرمزية dima 08
 

 

 
إحصائية العضو










افتراضي

الله اكبر وشي هدا رجعتنا الحبوبة الهام بأطباقها الرائعة ... وانا نقول وشبيه المنتدى منور وهذا انت لي رجعتي ...نتمنا ما تزيدش تغيب على هذا اللمة الحلوة .










رد مع اقتباس
قديم 2018-08-01, 22:43   رقم المشاركة : 11
معلومات العضو
*توبــــة*
عضو مميّز
 
الصورة الرمزية *توبــــة*
 

 

 
إحصائية العضو










افتراضي

بااااااااااااااخاااه والله ماحبيت يخلاص جرنانك
شوفي اللي يخلينا نطبقو هو خفة دمك
تخلي الوصفة تبان ساهلة ماااااااهلة
كثري كثري المواضيع يا الهام قبل ماترجعي
للخدمة.. جربت وعلى بالي المعلم مايلقاش وقت حتلا لعايلتو
ربي يقدرك ويفتح بيبان الخير في وجهك يا رب










رد مع اقتباس
قديم 2018-08-02, 13:38   رقم المشاركة : 12
معلومات العضو
حياة نور الدين
مشرفة منتدى الطبخ
 
الصورة الرمزية حياة نور الدين
 

 

 
الأوسمة
الوسام الذهبي  لقسم الأسرة و المجتمع 
إحصائية العضو










افتراضي

اهلااااا لهلوبتنا الغالية طهورا ان شاء الله وربي يرزقك من حيث لا تحتسبين واش متمنية واطباقك مضمووونة الف في المئة

الغراتان تاعك ماشي كما تع لخرين ههههه خفيف على حساب خفة دمك

يثبت الموضوع فرحة برجوعك ولطريقة القائك واكيد للدة










رد مع اقتباس
قديم 2018-08-02, 14:12   رقم المشاركة : 13
معلومات العضو
ارزاق
عضو مميّز
 
إحصائية العضو










افتراضي

سبحان الله البارح بنتي سقساتني عليك قاتلي الهام تاع الجلفة مهيش تدخل تحط وصفات قلتلها راهي عطلة بلاك تدخل عمرك طويل جيتي وجبتي وصفة لذييييذة كما المعتاد ربي يشفيك من عينك ويسهلك امورك ويفرحك بلي متمنيا يا احلا شاف والله غير دعوة من القلب لانك تستاهلي ومدام راكي توجدي للطهارة تاع زكريا باين الحلوي راح تكون من نصيبك متنسيناش حطيلنانتمتعو اذا قدرتي والف مبروك مسبقا










رد مع اقتباس
قديم 2018-08-02, 17:23   رقم المشاركة : 14
معلومات العضو
sabrina206
عضو نشيط
 
إحصائية العضو










افتراضي

روعةةةةةة عزيزتي الهام يا فنانتنا و الحمد لله الي خرجتلك سلامات و سلامة عينيك يا العذرا ديالنا و مبروك مسبقا ختانة الزين زكريا العاقبة لزواجه و كاليوم نفرحو بيك الهامووو مرسيييي عليك









رد مع اقتباس
قديم 2018-08-03, 00:13   رقم المشاركة : 15
معلومات العضو
idem16a
عضو نشيط
 
إحصائية العضو










افتراضي

اهلا وسهلا والف مرحبا،،،بطيبة كلامك وخفة دمك،،ربي يحققلك ما تتمني يا رب،،والله كل ما نقرأ مواضيعك نشبع ضحك،،،حتى ننسى نقرأ وصفاتك،،لا بأس عليك حبيبتي وطهورة ان شاء الله،،واكيد طبقت عدة وعدة وصفات،،خاصة البطاطا المسروقة،،،نموت عليها،،ربي يجازيك،وان شاء الله ما تغيبيش بزاف










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 13:38

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc