لحابة تتزوج لازم تكون خدامة و مرسمة

[عبد الله 22]

المشاركة الأصلية كتبت بواسطة نـور الإيمان

خريجة جامعة بدراسات عليا تقول " والذي نفسي بيده هذا الأمر من بين الأسباب التي جعلتنا نرفض الارتباط...لسنا بعاملات وان عملنا نفضل البقاء في بيت أهلنا معززين مكرمين لا ان نرتبط باشباه رجال، بشبه زواج....حتى وان بلغنا من الكبر عتيا سنتمسك بقرارنا "

السلام عليكم كما يقول الخبر يجبوه التوالا، رنا نشوف كيفش رهم يبدهلو في روحهم بالمكيج وكل الالوان كي فوة وقتهم بعد ماتوصل 40و ومافوق تزوج وتزوج بأسواء الرجال وهذا الوقت أصل فتها ترى رها في سن اليأس وميتزوجها إلا واحد تالفتلوا خطر إذا كان هو في 40 يقدر يتزوج من الاجيل نتاع 20سنة الماضية ، وتيقى هي الخسارة لا أن الزوج سنة من سنن الحياة و نخروج من المثالية المراة التي تقول انها مستغنية عن الزوج و الرجل لن تخرج من أثني مرضا أو إنحراف لا أقل أو كثر وكذالك بالنسبة للرجل ،

[kaderkader1541]

هؤولاء أشباه الرجال هم على صنفين
- صنف غافل و طماع ، بلغ في الغفلة و الطمع غاية مذمومة، أنساه الشيطان، ولعب به، حتى عمي عن إدراك الآثار الخطيرة من وراء تفريطه في عرضه لأجل دراهم معدودة.. وهذا الصنف للأسف موجود، ولا أدري حقيقة كيف يفكر، وكيف يقدر؟!!..
- وصنف آخر ضعُفت الغيرة نفسه، وهااااان عليه أن يرى محارمه في مواطن الخطر و العمل المختلط..

[FellaD]

هههههههههههههههه. يخاه هبال هيال هبال قاتلها تاكل الرهج

بنات الناس ولاو لعبة.

هيهات وين راهم الرجال. حاشة لي ميستهلش

[أم لجيـن]

ولو كانت كل وحدة مقتنعة بفكرة الخدمة في البيت مكانتش كاين رجال يشرطو خدامة
واحد لاقي من تحمل عليه نصف العبئ ويقول لالا؟؟
باستثناء البعض كاين الي تتخرج متتقبلش فكرة تبقى في الدار تقول انا سنين في الجامعة متخطبتش باش نتخطب وانا حاكمة الدار
ومن بعد تعجبها الخدمة والترقيات واتحتم على روحها انها متحبسش من الخدمة

[ennie]

لا حول و لا قوة الا بالله ولاو بعض الرجال ما يحوسوش على مرا و نص مى يحوسو على مرا تلبيلو كل احتياجاته ونص راجل يجيبلو الشهرية- صح وقتنا صعيب ولازم المرا تعاون راجلها لكن عيب ان يكون عمل المراة شرط من شروط اتمام الزواج يعنى انه ممكن تعاونو ماشى تخدم عليه -واش يديرو الماكثات فى البيت يا ترى كما قالو ناس زمان
عيش اكتر تشوف اكتر

[leila ben]

والله صارت معايا نفس المشكلة كاين شخص جا يخطب قالولو خدامة بصح كنت حاكمة كونطرا برك كي عرف معاودش ولى وليت نكره الشخص اللي يحوس على خدامة لكن ربي عوضني بأخر قالي خذي راحتك حبيتي أخدمي حبيتي أقعدي ديري اللي يريحك ويعجبك
للأسف وقت لحقنا ليه يخوف
نعرف تان وحدة عندها تقريبا 6سنين وهي تخطب لوليدها خطبتلو وحدة وكانت تدخل بينهم بزاف حتى بطلو الخطبة من بعد راحت عند 2 بنات كي عرفت بلي ماشي مترسمات مولاتش عندهم وراحت عند وحدة لقاتها مترسمة بصح من عائلة ميسورة قاتلك لازم نجيبها مرفهة كيما حنا كل خطرة وكيفاه وكل وحدة واش العيب اللي تلقاهلها وطفرت غير في الراجل لخطر يتبع يماه بزاف

المهم بارك الله فيك أختي على الموضوع

[sabra2009]

لا إله إلا لله... أنا السبب الأكبر اللي تطلقت ليه هو الخدمة.. أم راجلي ووراها راجلي.. كان ديما يتكلم على صحابو بلي نساهم إيجيبو الشهرية وأنا قاعدة بلا خدمة نوكل عليهم ربي
حوست لكن ما كانش خدمة ديبلوم تاعي عالي لكن الطلب عليه ناقص..

[عبدالقادر222]

زواج مصالح لا أكثر ولا أقل
النهار اللي المرأة تمرض لا قدر الله او تترك العمل نتاعها تما يبان اذا تزوجها عن حب ولا عن مصلحة
الراجل اللي مايقدرش يوفر لزوجته ماتحتاجه غير يبقى بحاله خير لانه مشي نتاع مسؤولية

[بسمة تحدي]

انا تاني صراتلي العام الماضي

كنت متربصة جات وحدة التلميذ قاتلي يا استاذة انتي مرسمة قلتلها لالالا مزال

قلتلها وعلاه قاتلي خالي يحوس على وحدة مرسمة

مشى الوقت وفي اخر السنة قرر المفتش يرسمني وكي اني مرسمة عاودت جات التلميذة

قلتلها لالا تربحي

[البريئة]

انا صرالي نفس المشكل و اليوم كي ترسمت للاسف راني قاعدة

[millywafa]

المشاركة الأصلية كتبت بواسطة zzine113

أريدها متعلمة عاطلة عن العمل

تحية تقدييييير واحترام

[نجمة ساطعة]

مكانش منها هذي حالة او اثنين مساكن الخدامات داو غير الشيعة

[millywafa]

المشاركة الأصلية كتبت بواسطة kaderkader1541

هؤولاء أشباه الرجال هم على صنفين
- صنف غافل و طماع ، بلغ في الغفلة و الطمع غاية مذمومة، أنساه الشيطان، ولعب به، حتى عمي عن إدراك الآثار الخطيرة من وراء تفريطه في عرضه لأجل دراهم معدودة.. وهذا الصنف للأسف موجود، ولا أدري حقيقة كيف يفكر، وكيف يقدر؟!!..
- وصنف آخر ضعُفت الغيرة نفسه، وهااااان عليه أن يرى محارمه في مواطن الخطر و العمل المختلط..

بارك الله فيك

[libanarim]

السلام عليكم
شرطي الأول: أن تكون متعلمة
الثاني ، ماكثة بالبيت
لا أريدها عاملة ولو كانت وزيـــــــرة
انصافا لكل الشباب، يوجد من يريدها عاملة سواءا للاستحواذ على راتبها أو لمساعدته في أمور الحياة
كما لا ننفي وجود فئة تفضل المرأة الماكثة بالبيت والمتعلمة
لا داعي لحشر جميع الشباب في خدق واحد، أي عاملة ،
ليس كل من يتقدم لفتاة عاملة فهو طامع في راتبها
هذا تفكير جاهلي ، لا أدري كيف لجامعية حاملة شهادة أن تفكر بهذا النمط
والســــــــــــلام

[souso30]

اختي ماها كونترا نعرف بزاف بنات يخدمو كونترا وزوجوا وراهم عايشين مليح بصح غير مسكينة لي تقوم باشغال البيت اعني تشري كل شي