graines de café

mira biologiste · 2013-09-26, 00:35

هاذي هي الوصفة الي نعتمدها في صنع حلوة القهوة درتها عدة مرات و الي عجبني في الوصفة انو الحلوة ماتيبسش مع الوقت تبقى هشة و تتفتت نخليكم مع المقادير و اسمحولي الصور غير كافية لاني ماكنتش مسجلة في المنتدى كي درتها مادرتش حسابي ولكن اي استفسار انا هنا,
250غ مرغرين,200غ مايزينة.1 كاس سكر تسكار.1كاس لوز مطحون( انا مانديروش صراحة ماراهوش اساسي ماياثرش) .نصف كاس زيت.2حبات بيض.2 ملاعق كبار كاكاو.2ملاعق كبار قهوة سائلة( انا نستعمل نيسكافيه نذوبو في شويييييية ماء المهم يبقى ثقيل) .1 خميرة الحلوى.الفرينة قيس ماتتلم العجينة وتكون طرية
للتزيين شكولا ذائبة فقط
نبداو بالمرغرين مع السكر و الكاكاو و المايزينة و الزيت والقهوة نخلطوهم . ثم نزيدو الوز اذا درتوه ثم الفرينة مع الخميرة حتى تتشكل عجينة طرية مثل تاع الصابلي نخلوها شوية ترتاح نصف ساعة بعد ذلك نشكلوها
نشكل دائرة بحجم حبة الجوز راهي موظحة في الصورة و بواسطة سكين ديرو خط في الوسط بشكل حبة قهوة رايحين تلاحظو ان شكل حبة القهوة يخرج وحدو ساااهل . دخلوهم يطيبو بلا مايتحرقو حوالي 15 دقيقة المهم على حساب الفرن تاع كل واحدة راكم الله يبارك كامل شيفات
ولما يبردو نديرولهم الشوكولا المذوبة.
هاذي الوصفة انشاء الله على ضمانتي كامل تعجبهم والي جربتها و نجحت فيها تدعيلي دعوة خير هاذا ماكان ولها بالمثل راني ختكم مبتدئة هههه
على فكرة هاذو المقادير يديرو كمية كبيرة انا ندير نصف هاذ الكمية