طلب وصفة الدجاج المحمر في الكوكوت للاخت لينا11

[sabine 1988]

ارجو وضع طريقة الدجاج المحمر في الكوكوط في الكوكوت للاخت لينا 11 لاني وين ما ندخل ما يخرجوليش الصور فارجو منكم اعطائي الطريقة و شكرا مسبقا

[فايزة1207]

تحوسي على الصور ولا الطريقة؟

[*نـــور*]

حتى انا ما خرجلي والو في موضوعها ان شاء الله كانش وحدة تدخل تعاونا انا ما خرجلي لا طريقة و لا صور ما عرفتش علاش

[oum anouar]

شوفي اختي انا درتها شحال من مرة وكل مرة اممممممممممممم لذيذة جدا والطريقة تبلي الدجاجة تاعك مليح تقدري تحضريهم ولا تشريهم راهم يتباعو انا ساعات نحضرهم ملح كمون ثوم كاري وغيرها من التوابل اللي تحبيها ثم تربطيها بخيط الطبخ وتكوني سخنتي الزيت مليح في كوكوت وحطيها تتحمر وكل مرة قلبيها حتى تتحمر مليح واغلقي الكوكوت وديريلها الصفارة تاعها ونقصي للنار وخليها حوالي ساعة انا في الاول كنت نحل الكوكوت ونشوفها اذا طابت وذرك تعودت عدت نعرفلها الوقت

[sabine 1988]

شكرا يا اختي ولكن ما تتحرقش با انها بلا ما ولا لا و تاني كنت حاسبة ما يديروش الصفارة للكوكوت

[oum anouar]

اختي متتحرقش ديري الزيت حوالي كاس كبير ونقصي خالص للنار وكي ديري الصفارة هذاك البخار هو اللي يطيبها راني درتلك الصروة وشوفيها اممممم تشهي

[الصفحة البيضاء]

المشاركة الأصلية كتبت بواسطة oum anouar

شوفي اختي انا درتها شحال من مرة وكل مرة اممممممممممممم لذيذة جدا والطريقة تبلي الدجاجة تاعك مليح تقدري تحضريهم ولا تشريهم راهم يتباعو انا ساعات نحضرهم ملح كمون ثوم كاري وغيرها من التوابل اللي تحبيها ثم تربطيها بخيط الطبخ وتكوني سخنتي الزيت مليح في كوكوت وحطيها تتحمر وكل مرة قلبيها حتى تتحمر مليح واغلقي الكوكوت وديريلها الصفارة تاعها ونقصي للنار وخليها حوالي ساعة انا في الاول كنت نحل الكوكوت ونشوفها اذا طابت وذرك تعودت عدت نعرفلها الوقت

شهيتيني يا ختي ، بصح قوليلي ، في الاول شحال تقارعي باه تقلبيها و شحال باه تقفلي عليها؟

شكرا على الطريقة ختي و شكرا لمولات الموضوع بسبابك عرفت عفسة جديدة

أيها اليابانيون نحن قادمون


تحياتي لكم

[oum anouar]

كي يسخن الزيت حطيها وخليها تحمار وكل مرة قلبيها عادى واذا خفتي تتحرقلك قلبيها وشوفيهاحمارت ولا لالا واذا محمارتش خليها حتى تحمار وكل مرة قلبيها ضحكتيني بالصوت على اليابانيون.
آه بالمناسبة شكرا شكرا لصاحبة الوصفة تلك المراة المِعطاء الطيبة العسل ربي يرحم والديها ويجعل مثواهم الجنة

[Hillin]

المشاركة الأصلية كتبت بواسطة oum anouar

شوفي اختي انا درتها شحال من مرة وكل مرة اممممممممممممم لذيذة جدا والطريقة تبلي الدجاجة تاعك مليح تقدري تحضريهم ولا تشريهم راهم يتباعو انا ساعات نحضرهم ملح كمون ثوم كاري وغيرها من التوابل اللي تحبيها ثم تربطيها بخيط الطبخ وتكوني سخنتي الزيت مليح في كوكوت وحطيها تتحمر وكل مرة قلبيها حتى تتحمر مليح واغلقي الكوكوت وديريلها الصفارة تاعها ونقصي للنار وخليها حوالي ساعة انا في الاول كنت نحل الكوكوت ونشوفها اذا طابت وذرك تعودت عدت نعرفلها الوقت

خرجت فوووووور أنا جامي سمعت بهذي الطريقة تاع كوكوت
الله يعزك ختي أم أنور ويحفظلك أنورا نشا الله

[oum anouar]

المشاركة الأصلية كتبت بواسطة hillin

خرجت فوووووور أنا جامي سمعت بهذي الطريقة تاع كوكوت
الله يعزك ختي أم أنور ويحفظلك أنورا نشا الله

العفو اختي والله الشكر لصاحبة الوصفة لينا انسانة تُعطي وتمد بكل الحب والصدق ربي يحفظها ويحفظلها عايلتها اينما كانت

[Hillin]

المشاركة الأصلية كتبت بواسطة oum anouar

العفو اختي والله الشكر لصاحبة الوصفة لينا انسانة تُعطي وتمد بكل الحب والصدق ربي يحفظها ويحفظلها عايلتها اينما كانت

أمين
رب يحفظ صاحب الوصفة و يعلي مقامه ويحفظ حامل الوصفة و يخلي حبابه

[الصفحة البيضاء]

المشاركة الأصلية كتبت بواسطة oum anouar

كي يسخن الزيت حطيها وخليها تحمار وكل مرة قلبيها عادى واذا خفتي تتحرقلك قلبيها وشوفيهاحمارت ولا لالا واذا محمارتش خليها حتى تحمار وكل مرة قلبيها ضحكتيني بالصوت على اليابانيون.
آه بالمناسبة شكرا شكرا لصاحبة الوصفة تلك المراة المِعطاء الطيبة العسل ربي يرحم والديها ويجعل مثواهم الجنة

رب يدوم ضحكتك ان شاء الله

ان شاء الله رب يجازيها كل خير صاحبة الوصفة و حتى انت ان شاء الله رب يحققلك ماتتمناي

تحياتي

[zaho207]

بصح مانديروش الماء كامل و كي نبلع عليها كون تتحرقلي بلا ماء

[barka61]

فى الحقيقة هى ماهيش رايحة تترق لانها رايحة تطيب فى الماء انتاعها اللى تطلقو الدجاجة فقط نقصى عليها النار ورايحة تجيك بنييييييييييييينة حتى ابن من انتاع الفور لما تجربيها راح تشوفى ماتزيديش خلاص تطيبى الدجاج فى الفرن انا موالفة نستعمل هاذى الطرقية و اولادى يحبوها بزاف

[oum anouar]

المشاركة الأصلية كتبت بواسطة zaho207

بصح مانديروش الماء كامل و كي نبلع عليها كون تتحرقلي بلا ماء

اختي متتحرقش فقط أنت نقصي لنار بزاف وصدقيني تخرجلك خير من تاع برا خاصة كي تبليها مليح بليلة من قبل تشرب التوابل وجي خير من تاع الفور كيما قالت الاخت والوقت اذا معرفتيش مرة على مرة طلي عليها ومسيها بيدك اسكو طابت ولا مازالت