واش معناتها اللقطة هذي ؟

[مشكلتي]

السلام عليكم كثيرا ماتحدث معي هذي الحادثة
نكون في مكان عمومي يشوفني واحد يعجب بيا يبقى يلاحق فيا وين نروح بالنظرات لا بالكلام
ومنبعد يروح او حتى في العمل يلاحقوني يتبعو اخباري يشوفو ليا مي واحد مايتجرأ يطلب يدي
كيفاش تخمو نتوما لولاد علاش حتى يبداو يلاحقو وفجأة يبدلو رايهم نولي مانعجبهمش ولا كيفاه ؟
وشكرا

[أكوام الورد]

الناس اللي فاضيين يديرو هاد التصرفات
ماتعمريش راسك بهاد الأفكار
قولي ربي يرزقني الزوج الصالح و يسترني و يبعد عليا ولاد الحرام و توكلي على ربي

[EVE]

واحدة مزوج
اما انت شابة بزاف او يخافو يدناو يقولو هادي ما تقبلش بينا
اما انت ما تبانيش تاع زواج مي تاع حاجا اخرى
غير انت لي علابالك

[محمد جديدي التبسي]

هو ليس أهلا للزواج وربما أنه لا يحب الحلال ويريد الحرام لأنه طبع على قلبه
ادعيلهم بالهداية أختي وانت التزمي بحجابك ودينك وسيأتيك الخير يدق بابك
وفقك الله لكل خير ورزقك الزوج الصالح

[الياس خلاف]

الرجل الحقيقي الذي يستحق لقب الرجل ... لا يتبع النساء . يوم يحين وقت الزواج يكلف عائلته او يتصرف بدون مشاكل وبكل شفافية .

[da3dou3]

هههههههههههههه نصارحك بحاجة هذي القطة كيما نقواو عندنا في عنابة "تقلها تخفاف" يعني نبينلك بلي عجبتيني بصح مبعد نجبد يولي يدخلك الشك واش صرا و مبعد نجي نهدر معاك و تقبلي بالعلاقة. هاذي على حساب وش نعرف.

[سرحال]

السلام عليكم أختي

ليكن في علمك أنه انتشر فوقتنا هذا أشباه الرجال وأصبحوا يفسدون صور الرجال ككل

من هذا الصنف اللي يعشق الحرام ويحب هتك الأعراض وتلطيخ شرف الغير

هؤلاء هم ذئاب البشر فاحذري منهم .

هذا لا توجد في نيتهه لا زواج والهم يحزنون ( الله اعلم بالسرائر)

نتمنى أن يزرقك الله بابن الحلال الذي يسعدك ويكون له سندا .

وأطلب منك شيئ ( لا تعممي فليس كل الشباب كهؤلاء فلا زل هناك رجال صالحون)

تقبلي تحياتي

أخوك عادل

[أم البشائر]

حاجة اللي ما فهمتهاش

ماشي تصرف الشباب

وانما تخمماك انت

واش راح لك في اللي شاف؟

ناقصة ثقة في روحك ولا محتاجة اعجابات

تزيني بالحجاب والتقوى ونهار يكتبلك ربي زوج راح يطرق بابك فلا تلهثي وراء الاحلام والاوهام

واشغلي وقتك بما يهيئك لهمتك زوجة واما

[arc en ciel]

معنتها فارغين شغل هادا ماكان


اختي ننصحك ماتعمريش راسك بهاد الشكيل و ادعي ربي يبعد عليك ولاد الحرام

[نجمة ساطعة]

تعرفي مرّة قعدت نمشي وراء زميلتي في العمل طريق كل لا تدور لا منة لا منة كي وصلتلها قتلها فهميني وش معناها

هذي قاتلي اي اختي علاش نتلفت قاتلي ذرك عندي في الدار راجل بكري كي كنت عازبة كيفك كنت نحوس منة لا و لا منة

كشما ربي يجيب هههههههههه كانت تتمسخر

حكيتلك هاذ القصة لانو مدامك منتبهة ليهم حتى أنت راكي تبحثي على مكتوبك

نقولك حاجة طنش تعش و المكتوب يجيك مش انت تروحيلو

[قضــــــــــــ وقدر ـــــــــــاء]

السلام عليكم
مع احترماتي لكل الأعضاء الذين مروا أمامي
وأعطوا وجهات نظرهم والتي رأيت أغلبها نصائح
بعدم الاهتمام بتصرفات كهاته
لكن أنا ما فهمته من مشكلتك أنك لست منزعجة من نظراتهم لك
بل هناك نوع من التحسر لم لم تأت هاته النظرات بنتيجة
مع كل احترماتي لك
وكانك تتمنين من أعجب بك أن يواصل ملاحقته لك
ليتحقق المراد(التعارف الخطوبة وأخيرا الزواج)
اعذريني إن كنت مخطئا وخانني فهمي
ما أقوله لك هو أتمنى أن يرزقك الله بالزوج الصالح
وتأكدي إن كتب لك الله شيئا لن ينزعه منك أحد
تحياتي

[ايمان فلاور]

ربما اعجاب او طبيعة في هذا الشخص يعني لتجي يحب يشوفها ويراقبها ....ولكن ماهي الفائدة اذا لم يكن هناك تواصل ثم خطوبة

[لحن الفرح]

كل شىء وارد اختي لا تهتمي.

[malak achark]

ههههههه والله يا اختي راح يجيك مكتوبك في يوم ما وياتيك منزلك لا يلاحقك بنظراته اصبري وادعي الله سبحانه وتعالى

[vivaldi]

بارك الله فيكم يا إخوتي
لكن أود أن أطرا على الموضوع و ألوم بعضكم لرؤيتهم السلبية (معذرة منكم)
ربما هذا الشاب الذي إسترق النظر ، هو فعلا أعجب بجمالك أو سمع عن حسن أخلاقك
لكنه و للأسف مستواه المادي لا يسمح له بالتقرب منك و طلب يدك للزواج ، لأنه يخاف من الله عز و جل أن لا يستطيع أن يوفر لك العيش الهنيء الذي تتمناه كل فتاة .
و مع كل إحتراماتي للفتاة الجزائرية التي أصبح مهرها لا يطاق و كأن الشباب يتحصل على أجرة من ذهب.
أنا أفول لك يا أختاه ، لا تتعحلي أمرك لأن الله عز وجل إذا أراد شيئا فيقول له كن فيكون.