السلام عليكم لقد اجتازنا مسابقة رئيس محقق رئيسي للمنافسة و التحقيقات الاقتصادية الخاصة بولاية تبسة
في ولاية عنابة
لكن للاسف لم يكون اي نظام تروح تعقب على 8 اقولك ارجع على 2
تروح تعقب على 9 تولي تصير لل 10
الاجواء مخلطة كل و اكثر حاجة قلقتني هو التنقال بالبورتابل و استعمال الكنمان و الله عيب تلقاها مرأة كبيرة و تنقل او تلقاه راجل ربي ابارك و انقل كي اليوم انقلوا و غدوى ينجحوا كيفاه راح اسيروا البلاد اكيد راح تكون كلها رشاوي او تزوير ربي يهدي برك
اضافة الى انك تتطلب ورقة باش تعاود اقولك مدير المعهد ممنوع انا شارينها ب 15 دج
كيفاه ياسبحان الله تخلص 300 دج و ماعندكش الحق تدي ورقة ب 15 دج
و ماننساش شكون الي اعسوا علينا تلقاه الاستاذ اعس و المدير اعس و العساس اعس و الي يخدموا في الريستوا اعسوا
واش راح نقول غير اني تفجأت بهذه الاجواء ماكنتش حاسبتها هكا
خاصة اني اول مرة نجتاز مسابقة في التوظيف