شرح واشنو هو الفرق بين c سي و c++ سي بلاس بلاس و c# وسي شارب ؟

[UltrasDzCoder]

السلام عليكم ورحمة الله ، اما بعد :
✅واشنو هو الفرق بين C سي و C++ سي بلاس بلاس و C# وسي شارب ؟
كاينين بزاف يخلطو بين هدو الثلاثة ولا على الاقل يسحبوهم من عائلة واحدة او من اصدارات متقاربة ، بصح ليوم راح نبيت=ن ابرز الفروقات بيناتهم :
1. من حيث القدم :
اقدم لغة بيناتهم هي لغة C ولي تعتبر ام اللغات البرمجية الحديثة jhssj td 1978 (اطلاق كامل) ، ثم جات مورها سي بلاس بلاس على اساس هي سوبر سيت للسي او اضافات وتحديثات لل سي فتم ادخال البرمجة الكائنية التوجه واصبحت تملك oop ومنها زادولها ++ لتعبير عن الزيادات والادخالات فيها ، اما السي شارب فهي حاجة خلاف اول اصدار ليها كان 2000-2001 وهي مهجنة تاخد الافضل من C و C ++ .
=====================
2. من حيث المستوى :
كل منهم متوسط الى عالي المستوى اقرب للغة الانسان .
=====================
3.من حيث الاستخدام :
غالبا ماتستعمل لغة سي في الانظمة المضمنة اما سي بلاس بلاس تستعمل في مجالات كيما الذكاء الاصطناعي و برمجة الالعاب وبرامج المكتبيةاما السي شارب فتستعمل غالبا في برمجة الويب وتطبيقات الهواتف والديسكتوب وغيرها وهي اشمل من الاثنين من ناحية تعدد المجالات
=====================
4.من حيث السياق :
كل من سي وسي بلاس بلاس يشتركون في سياق البرمجة الاجرائية اي تكتب مباشرة من داخل دالة الماين باوامر مباشرة بزيادة ان سي بلاس بلاس تدعم البرمجة الكائنية تقدر تكب بيها ايضا ، ام النقيض فا سي شارب كيما الجافا حيث انك ملزم تكتب البرنامج على طريقة البرمجة الكائنية التوجه وهذا يخليها اكثر تحكم ومرونة ونظام
=====================
5.من حيث الذاكرة :
كل من سي وسي بلاس بلاس يخليوك تعالج الذاكرة يدويا اما سي شارب فتلقائيا بالاضافة الى انو سي شارب ماتقدرش تستعمل البوينترز كيما الباقية .
=====================
6.من حيث امكانية الاستخدام :
كل من سي وسي بلاس بلاس يموشو على مختلف الانظمة اما سي شارب فهي ضمن دوت نت فريمورك وغالب استعمالها يكون داخل الويندوز
=====================
✅من الافضل بينهم ؟
ضمنيا نعتبرو من بين اسخف الاسئلة واكثرهم غير افادة لانو كل لغة واستتعمالاتها واغراضها ، كل واحدة فيهم عندها مزايا وعيوب وليها مجتمعاتها فلا يجوز تفضيل بعضهم والتنمر على الاخرى خطاش هذي ماشي كرة القدم
✅واش من لغة تنصحني بيها ؟
امم حسب راي تاعي ولي نعتبرها خطا فادح هو تعلم اللغات البرمجية قبل اتخاذ مسار في البرمجة كاشغل واحد تعلم html css ويقولي راني راح نتعلم الذكاء الاصطناعي ؟ كارثة يا زوبير ، قرر واش من مجال راح تتعلمو لتما تبان واش هوما اللغات والتقنيات لي فيه ماشي العكس
✅هذه المقالة جائت بعد الاحتفال بانشاء كورسات للثلاثي الخطير سي (C & C ++ & C# ) على قناتنا 🧡🔥
#ultrasdzcoder


كورس تعلم C :
https://www.youtube.com/playlist?lis...rPxvTczLkU2Xq7

كورس تعلم C++ :
https://www.youtube.com/playlist?lis...ZRPPUk1-feMPIw

كورس تعلم C# :
https://www.youtube.com/playlist?lis...fyUhjZIEaWCAFI