اقتراح ادخلوا شاركوني

[ام محمد ميدو]

مساء الخير اخواتي جات في بالي فكرة حبيت تشاركوني فيها وهي اننا نديرو ركن نسموه سر المطبخ و كل يوم وحدة فيكم تعطينا حيلة (astuce)
نستفادو كامل منها رايحة نبدا انا بمثال بسيط باش نتواصلوا:

• اذا حبيتي يطلعلك بياض البيض مليح لازم يكون الماعون لي درتيه فيه مافيهش قطرة ماء او زيت واضيفي قرصة ملح او قطرات ليمون لضمان انتفاخه ولازم يكون البيض بحرارة الغرفة ماشي خارج من الثلاجة

[souma.f]

السلام عليكم
والله فكرة رائعة و يسعدني أن أكون اول المشاركات معك
و نصيحتي هي: للحصول على كيك منفوش وطري انخلي الدقيق مع الملح والباكنج بودر مرتين

[** موحدة 02 **]

وانا عجبني الموضوع تاني.تدبيرتي على الكوكوت.باه تفتحي الكوكوت بلخف و ما تضليش تستناي حتى تخرج قاع البخار.كي تنحيها من النار ديريها نيشان في باسينة بها ماء بارد بلا ما تنحي الصفارة حتى تحسيها تنفست,نحي الصفارة و افتحيها بكل امان.هكذا تبعدي l'humidité اللي يديرها البخار و تاني الماء راح يسخن بلخف تقدري تغسلي فيه الماعن خاصة مع الشتا هههههههههههه

[ابتهال 33]

السلام عليكم
حياك الله ام محمد
بارك الله فيك على فكرة الموضوع

[ابتهال 33]

لكي تتحصلي على مربى الفرولة (الفراز)
خوذي علبة مربى المشمش المعلب وضعي فيه القليل من الملون الاحمر الخاص بالطعام
واضيفي ملعقة صغيرة من عطر وذوق الفراولة
واستخدميه في الصابلي

[ابتهال 33]

في بعض الحلويات نحتاجوا الكوكاو مطحون
ولما تطحنيه في الطحانة الكهربائية دون ان تضيفي معه شيء تتحصلي على خليط دهني
ولين ولكي تتفداي هذا اضيفي لكمية الكوكاو قبل طحنه القليل من الفرينة او السكر المطحون وذلك ليمتص
الدهون وهكذا مع باقي المكسرات

[ابتهال 33]

للحصول على قلاصاج لامع ويبقى هش لبضعة ايام
اضيفي ملعقة صغيرة من الزيت الى خليط القلاصاج
واخلطي جيدا

[موسى2207]

عجبتني فكرة الكوكوط
كي تحبي ترحي الكاوكاو بلا مايطلق الزيت حطيه في بلاطو ودخليه المجمد عدة دقائق وارحيه

[ام احمد الغالي]

كي لا يتكسر الملفوف=الكرنب وانتي تنحي فيه ورقة ورقة باه تعملي محشي كرنب خليه يومين في الثلاجة ولما تجي تنحي الورق تلقايها طيعة في يدك

[ابتهال 33]

لنزع قشرة اللوز
سخني القليل من الماء
وضعي فيه اللوز ثم صفيه من الماء
ستلاحظين ان القشرة تنزع بسهولة
وبعدها خليه يجف ثم حمصيه كيما تحبي

[ابتهال 33]

معلومات قيمة وخطييييييييييرة حطيها بالبال
اتمنى اني افدتكم ببعض ما اعرف من معلومات
وان شاء الله
ان نسيت شيء وتذكرته سارجع للموضوع واضيفه باذن الله

[ابتهال 33]

كي تحضري لابيري (بطاطا)
تبعي هذه الخطوات
اولا لما تضعينها في الماء وتغليها
في نصف الطياب ضيفي قطرات من عصير الليمون ليصبح لونها ابيض
ولما تنضج اطحنيها وهي سخونة لانوا اذا خليتيها تبرد رايحة تولي مطاطية وثقيلة في قوامها

[souma.f]

اذا جات الطبخة مالحة زيديلها مغرف سكر أو حبة بطاطا أو حبة بصل لتمتص الملح الزائد بسرعة

[ام محمد ميدو]

سلام
شكرا على المعلومات القيمة و ايضا على التفاعل مع الموضوع
اذا طيبتي حاجة فيها الطماطم المصبرة مثلا شربة و خفتي تولي حامضة اقسمي حبة جزر على اثنين وارميها معاها رايحة تمتص الحموضة اما اذا كانت صلصة طماطم اضيفي ملعقة صغيرة سكرللتخلص من حموضتها

[maiar]

الله يبارك و جزاك الله الف خير على المعلومات القيمة

كاين لي نعرفها و كاين لي جداد عليا و

لي عودة و نشارككم بالافكار و ان كانت معروفة كاين لي مايعرفهاش

شكرا ام محمد ميدو فكرة الموضوع رائعة