هل انا صراحتي وصلت الى الوقاحة

[لحن الحياة.]

اهليييييييين كاميلا انت صريحة لكن مش وقحة بالعكس تهببببلي

[كاميلا]

المشاركة الأصلية كتبت بواسطة hazar dz

اناتاني مانجمش نشوف لعوج ونسكت ورأيت بعض ردودك أنتي انسانة صريحة للغاية
وهذا الشيئ جميل طبعا دون التجريح
وشكرا

شكرا جزيلا حبيبتي

[كاميلا]

المشاركة الأصلية كتبت بواسطة مريم الصابرة

السلام عليكم كاميلا صحا فطورك واش راهي عصفورتك ؟
شوفي اختي هي الصراحة في وقتنا تعتبر وقاحة لكن إنت قولي الحق وبطريقة مؤدبة وبلاما تجرحي الناس والباقي ربي يسهل عليهم اما ردودك هنا انا بكل صدق نشوفك واقعية ممكن طرقة هجومية لكن الله غالب كاين اللي يخرجو القرون يخرجوك من جلدك تولي تشوفي باللي لو تهدري مع حيط يرد عليك لكن ما تكسريش راسك إنت مدي رأيك وما همك بالناس نحن لسنا توائم لنتشابه في كل شيء نحترمو رأي الغير مهما كان
موفقة وما تقلقيش روحك براي الآخرين بيك لأنو كاين مثل يقول من غير يمى وبابا الناس الكل كذابة
ربي يسهلك وسلامي للعصفورة

صح رمضانك اختي مريم اعدريني على عدم ااسؤال كاش نهار نعيطلك راني ننسى وزيد منكونكتيش بزاف غير فالات عصفورتي راهي قدامي راهي تسال عليك وهادام هو النوع اللي نهدر عليه اللي يطلعوا الما في العقبة اللي يردوك تنطقي من ظهرك
شكرا للمرور الكريم صح فطوركم

[كاميلا]

المشاركة الأصلية كتبت بواسطة mohammed_amine

س ع ,,
اذا كان الامر يخص مثلا صديق(ة) ترين أنها ترتدي فستان سيئ لا يناسبها ,, فيمكنك إخبارها بأن الفستان التي ارتدته المرة السابقة كان احسن "ستصل الرسالة بأقل اضرار",
اما اذا كان الامر يخص شخص يحاول اقناع مجموعة من الاشخاص بأمر انت متأكدة بـأنه لا اساس له 'يضحك على الناس = بالعامية شيات' ,,اعتقد انه لا ضرر في قليل من الوقاحة,

كيما الحالة الثانية اللي قلتها اللي نقصدها سيكون ردي مثلا بركا من التبلعيط بركا من الخزعبلات هدا هو الرد وكاين شي عباد يحيروا
شكﻻا على المرور الطيب

[كاميلا]

المشاركة الأصلية كتبت بواسطة dalal 28

حبيبتي صح الصراحة مليحة ومرات لازم توقفي ناس عند حدهم بصح لاتنسي قول الله تعالى****الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ (134)
لازم الرفق في التعامل مع الناس فالدين معاملة واذا اخذنا الرسول صلى الله عليه وسلم كاقدوة انظري كيف كان يعامل اصحابه و اعدائه
رانا كامل قادرين نعافروا وقادرين ندفعوا من اخطا معنا الثمن وما تخافوش لومة لائم لكن هذا طريق الشيطان وزين لهم الشيطان أعمالهم فصدهم عن السبيل فهم لا يهتدون
فيا اختي تذكري اليوم الذي ستتركين هذه الدنيا الفانية دعي الناس لربهم هو من سيحاسبهم وحاسبي نفسك وانشغلي بتهذبتها
تقبلي مروري صح فطورك

على ما اظن نحن في منتدى ورايي لازم نقواه ام لا !!!

[sirina_angel]

أختي كيما أنت قلبك ما يقدرش يتحمل كاين ناس قلبهم ما يقدرش يتحمل ردودك القاسية

و من تجربة .....عندي صديقة هي ناس ملاح تهبل مي عندها هاد الديفو خطرات ترد عليا ردود و الله الدموع يحبسو في عينيا
توصل حتى درجة الوقاحة و تمس مشاعر الإنسان ....صراحة وليت نتهرب منها و كيما ترد عليا نرد عليها ...علاه هي قلبها ما يتحملش و أنا قلبي حجر ؟؟؟؟

إذا بقيتي هكا رح تخسري الناس لي حولك و ممكن بعيد الشر حتى الزوج أو الخطيب

كيما هاد الصديقة لا أظن أنو كاين لي يتحملها صراحة و ربي يعينو لي يديها