مصيبة

[مشكلتي]

السلام عليكم ورحمة الله وبركاته
خاوتي راني في مصيبة كبيرة وماعلاباليش وش ندير ووش درت باه نتجازى هكدا انا امراة متزوجة عندي 8 اشهر وعمري22 عام كي كنت صغيرة بابا مايحبش الطفلة تقرا وما كانش يسلكلي ليكور اه ننجح كانوا خواتاتي المزوجات يسلكولي ونجحت في الباك بصح بابا رفض نكمل قرايتي ونروح للجامعة فحبسني وبقيت فالدار واول واحد اتقدملي وافق طول وهاد الراجل ماعندوش مستوى تعليمي هو فلاح بسيط المهم بابا قبل بلا مايشاورني وانا ماعنديش الحق طول نحكي زوجت وعانيت في الاول معاه مي حكمت في قلبي وقلت تفوت مي وصلت لمشكل مالقيتلوش طوووول حل انا حملت وراني في الاسابيع الاولى وراجلي عكس كل اب مافرحش وقالي لازمي تنزليه لانو ماعنديش خدمة مليحة وكيفاش حيجي ومانقدرش نوفر والو انتي راني حير فيك اتخيلوا وماحبشت يتقنع بلي كل واحد يجي معاه رزقو والو وقالي تنزليه لا ناذيك نتي وهو انا مافهمتش كيفاش ندير معاه واذا خبرت اهلي صدقوني رح يوقفوا معاه هوما مستعدين يديروا كلشي المهم ولا وحدة من بناتهم تطلق وتجيبلهم البخص والله حرت كيفاه ندير وماعنديش حتى لمن نقول وحتى النت ماعنديش وهاد ميكرو خويا مداير شريحة انترنيت تالي والله مانلقا وين نحكي
فهموني برك كيفاه ندير ؟مستحيل نقتل ولدي واصلا حرام قتل النفس بصح كيفاه ندير مع راجلي ووش ممكن يديرلي باه يطيحلي البيبي والله والله كرهت حياتي وهاد الطفل كان املي الوحيد قولولي كيفاه ندير

[/زهرة عصفور الجنة/]

كان الله في عونكي اختي
لكن مهما كان اباؤنا يرفضون فكرة طلاق البنت
لن يوافقوه في هذه الجريمة أخبري أهلك وادعي الله ان يهديه وان تتغير احواله لكي يغير فكرته
كان الله معكي

[رحمة من المولى]

الله يهديه ان شاء الله

[nouna l maghbouna]

ربي يهديه
و ربي يكون معاك
سبحان الله هذاك القلب اللي عندو
المهم انتي زيدي اهدري معاه و اذا هو يهودي ماحبش يحنن قلبو اهدري مع باباك احكيلو كلش و زيدي احكي ليماك خاوتك ....

و ماتنسايش الدعاء

ربي يهدي ماخلق
عبد كيما هذا normalement يعيش في غابة مع الحيوانات ماشي مع العباد

[sabra2009]

شوووووف والله مليحة هذي
ما تنزليش ولدك هذه جريمة قتل نفس بغير حقق؛ ومن يتقي الله يجعل له مخرجا ويرزقه من حيث لا يحتسب ؛ هذا راجل جاهل حتى لكان وصلت لطلاق أحسن من القتل؛ ما تخافيش ربي وحنا معاك ندعيولك

[ahlamou34]

قنعي راجل بدين و بالاحاديث و الا شفو رجل متدين يقدر يقنعو بهذا الشيء حرام و ربي معاك يعني شي ناس راهي داوي على تخسر في دراهم كبار باش تجيب ولاد ربي يهديه و انت صلي و دعي ربي

[mohaa47]

الله يهديه .............من المفروض يفرح .................الرزق على رب ....................

[kmilya]

طلقي جدو وش ديري براجل كيما هكا حاب يقتل ولدو من دمو وماهنتش عليه روحو والله حرام عليه

[hakeem]

أهدري مع الوالدة تاعك و ألا اخوك و ما تخلقيش عقبات لعمرك قبل ما تتلاقاي بيها
أنت إلى حد الساعة لا تعلمين رد فعل الأهل
أرفضي نهائيا إسقاط الطفل

أخطيك من موضوع انو فلاح أو عديم المستوى (هاذي ماشي هدرة).. ماشي كل واحد قرا يعني فاهم و حاولي أن تغيري طريقة تفكيرو مع مرور الوقت

[دلال 30]

المشاركة الأصلية كتبت بواسطة kmilya

طلقي جدو وش ديري براجل كيما هكا حاب يقتل ولدو من دمو وماهنتش عليه روحو والله حرام عليه

والله عندك الحق... ياخي حالة يخي.....

[miimicha]

الله يهديه

[soso sirin]

الله يهديه هذا راجلك حاسبها لعبة و لا واش كون هكا ماتزوجش اصلا.انتي اهدري معاه مابغاش يفهم اهدري مع ماليك و مع ماليه و مكانش انسان عاقل يقبل الشي الي راه يقول فيه هذا الراجل.ممكن اذا درتي واش قالك ربي راح يحرمكم من الذراري كامل لانو ربي عندو حكمة كي رزقكم بهذا الطفل في هذا الوقت و هو راه حاسب الذراري يجوه على حساب النفحات ممكن غدوة ربي يمدلو الدراهم و يحرمو منهم .الله يهديه

[نغمة الصمت]

اطلبي له الهداية اختي

وادعي ربي يفرج عليك

[ا.سارة]

اولا يا ختي ربي يصبرك
و لا تدعي زوجك يجبرك على قتل الجنين لان الله اهداك اياه و هو من يرعاه
استغفري الله

ربي ييسر لك امرك سادعي لكي

[عقاق يحي]

المشاركة الأصلية كتبت بواسطة مشكلتي

السلام عليكم ورحمة الله وبركاته
خاوتي راني في مصيبة كبيرة وماعلاباليش وش ندير ووش درت باه نتجازى هكدا انا امراة متزوجة عندي 8 اشهر وعمري22 عام كي كنت صغيرة بابا مايحبش الطفلة تقرا وما كانش يسلكلي ليكور اه ننجح كانوا خواتاتي المزوجات يسلكولي ونجحت في الباك بصح بابا رفض نكمل قرايتي ونروح للجامعة فحبسني وبقيت فالدار واول واحد اتقدملي وافق طول وهاد الراجل ماعندوش مستوى تعليمي هو فلاح بسيط المهم بابا قبل بلا مايشاورني وانا ماعنديش الحق طول نحكي زوجت وعانيت في الاول معاه مي حكمت في قلبي وقلت تفوت مي وصلت لمشكل مالقيتلوش طوووول حل انا حملت وراني في الاسابيع الاولى وراجلي عكس كل اب مافرحش وقالي لازمي تنزليه لانو ماعنديش خدمة مليحة وكيفاش حيجي ومانقدرش نوفر والو انتي راني حير فيك اتخيلوا وماحبشت يتقنع بلي كل واحد يجي معاه رزقو والو وقالي تنزليه لا ناذيك نتي وهو انا مافهمتش كيفاش ندير معاه واذا خبرت اهلي صدقوني رح يوقفوا معاه هوما مستعدين يديروا كلشي المهم ولا وحدة من بناتهم تطلق وتجيبلهم البخص والله حرت كيفاه ندير وماعنديش حتى لمن نقول وحتى النت ماعنديش وهاد ميكرو خويا مداير شريحة انترنيت تالي والله مانلقا وين نحكي
فهموني برك كيفاه ندير ؟مستحيل نقتل ولدي واصلا حرام قتل النفس بصح كيفاه ندير مع راجلي ووش ممكن يديرلي باه يطيحلي البيبي والله والله كرهت حياتي وهاد الطفل كان املي الوحيد قولولي كيفاه ندير

واذا الموؤدة سئلت باي ذنب قتلت

ولا تقتلوا اولادكم خشية املاق نحن نرزقهم واياكم صدق الله العظيم