ارجوكم انصحوني راني في مصيبة

[midou12]

اختي العين حق ويقولو العين تكسر الحجر ربي يبعد عليك العين ويوفقك انا الحمد لله من ربحت البيام بمعدل 15.31وطلعت للتانوية من الاوائل دائما 15 ولا 16 ما ينحيهاش الطبيب كي طلعت للباك نقرا الليل مع النهار عام كامل نهار النتائج انا ادنى معدل كنت متوقعاتو هو 12 نهار 9جويلية مع 10 تاع الصباح درت الرقم التسجيل تاعي خرجت 11.31 مافرحتش لانها ماهيش تاعي لا علينا جات فترة التسجيلات والمصيبة الكبرى بعتوني علم اجتماع درت طعن ما تقبلش حلفت نبلوكي العام الاول ريح ونعاود نسجل في الباك حرة وبربي ندبه 14 هاذا الكل من العين سيرتو لافامي مالا ردي بالك وربي ينجحك

[chamsodz]

ههههه مفهمت والو عليك ,,,, المهم حسب مفهمت انت طاح النيفو تاعك في اللقرايا وقاعد تقولي لبلي العين دربتك ,,, واين علابالك لبلي العين دربتك مش كل واحد يطيح في المعدل يسمى عين بيه نعطيك متال انا متلا راني قدك في العمر كنت في الابتدائي ندي ب 9,5 طلعت للمتوسط بديت انطيح انطيح انطيح خخخخ حتان دوبلت في البيام بصح انا نستعرف لبلي كل عام كنت نهرب على الطريق حتان لقيت روحي مدوبلي المهم اختي انت ديري لعليك و الباقي على ربي سبحانوا وانشاله باك 2017 تديه وانا منراك ندي باك 2018 ههه لخلانا ربي حيين

[yacine_cbc]

ربي يوووووفقك