موضوع مميز استشارات هندسية و تقنية في مجال البناء و التصميم و الديكور - الصفحة 3

~ السلطانة ~ · 2014-12-17, 10:51

ندية شفت المخططات ؟

•~ندية الجوري~• · 2014-12-17, 10:52

اقتباس:

المشاركة الأصلية كتبت بواسطة ~ السلطانة ~

ههههههههههه أولا صباح الخير ..
يا بنتي راكي بهدلتي بيا ما خليتي ما تبقي ... هذا كامل لأني لم ارفق المخططات الصور ما تقدريش تحكمي على كل الكلام هذا ، و راح نرجع ليهم نقطة نقطة و نغير ما يجب تغييره .

والله قتلو ما توصلنيش مع بنت بلادي و حبيبتي

ما على الرّسول إلاّ البلاغ

أنــا خاطيني

المهم راني متابعة معاك ؛؛؛ و الله يوفقك لكل خير

~ السلطانة ~ · 2014-12-17, 10:59

شوفي نتفاهمو وحدة وحدة :
قلت مساحة السلام بزاف ، انت في اعتقادك فيها 4*4 لكن لا هي 2.4*4 و هذي هي المساحة المثلي لهم اذا تصغري اكثر من هكذا يجو ضيقين .
الرواق للي حابة ديريه من الجهة الاخرى يكون خاص بالطابق الارضي فقط .. انت في الصور ضهرلك الصالون و الغرفة واسعين لكن شوفي المخطط راهم عادي و الرواق اذا درتي فيه 2 م في الهول ما تبقالكش حق المدخل لكل من الغرفة و الصالون لأن الكل فيه 3.20 يعني اذا درت كل باب فيه 1م الرواق يبقالك 1 م يعني ضيق و الصالون يزيد يضياق .
بالنسبة للتيراس نقدر نلقالك بلاصة للسلالم الخاصة بيك لكن شوفي انت رايحة تطلعي من الطابق اللأرضي الى الطابق الثالث - للي هو التيراس - علاه ما تسكنيش انت في الطابق الثاني و تلغي السلالم الثانيين ؟
واش رايك في كلامي ؟

•~ندية الجوري~• · 2014-12-17, 11:56

اقتباس:

المشاركة الأصلية كتبت بواسطة ~ السلطانة ~

شوفي نتفاهمو وحدة وحدة :
قلت مساحة السلام بزاف ، انت في اعتقادك فيها 4*4 لكن لا هي 2.4*4 و هذي هي المساحة المثلي لهم اذا تصغري اكثر من هكذا يجو ضيقين .
الرواق للي حابة ديريه من الجهة الاخرى يكون خاص بالطابق الارضي فقط .. انت في الصور ضهرلك الصالون و الغرفة واسعين لكن شوفي المخطط راهم عادي و الرواق اذا درتي فيه 2 م في الهول ما تبقالكش حق المدخل لكل من الغرفة و الصالون لأن الكل فيه 3.20 يعني اذا درت كل باب فيه 1م الرواق يبقالك 1 م يعني ضيق و الصالون يزيد يضياق .
بالنسبة للتيراس نقدر نلقالك بلاصة للسلالم الخاصة بيك لكن شوفي انت رايحة تطلعي من الطابق اللأرضي الى الطابق الثالث - للي هو التيراس - علاه ما تسكنيش انت في الطابق الثاني و تلغي السلالم الثانيين ؟
واش رايك في كلامي ؟

سلمت أناملك حبيبتي سهام

ربي يخليك سُلطانة على و في .... قلوب كل أحبابك

راني متابعة معاك و شفت المخطط
تبارك الرّحمن
هــايل و واضح و زاد وضح كل شيء

الله يسعدك

نتمنى ما تكوني زعفتي مني

راني ما نقدر على زعافك
و مزالني نحتاجك بزااااف ؛؛ إنتظري طلباتي

و إن شاء الله ما نختلفو على شيء
يبقى الرواق فقط لي قتلك نزيدوه
راح يكون فيه الأبواب
باب الغرفة و باب الصالون
و يكون عرضه اقل من 2متر ..

و المساحــة لي كانت مدخــل
للأرضي نزيدوها للصالون

وفقط ؛؛ الباقي كلــو ماشاء الله ؛؛؛ ربي يحفظك

الله يحميك و من كل كأس فرح و رزق يسقيكِ

و لا داعي لتعديل اي شيء
راني حفظت المخططات و الصّور

تبقى هاذيك الروتوشات و التّعديلات
تكون على أرض الواقع
حين يبدأ التّنفيذ

الآن .......

كلامو و طلبــو

على حسب 16 عمود لي راح نبدو بيهم
و لي راح يهــزو ثقل إثنين طوابق و لا تيراس

المشروع كم يكلّف للطّابق الأرضي فقط
كبدايــة .....
و بعدها يفرج ربّي على الجميع

.

راجعتلك

غير لا رميتي فيا مسطرة

~ السلطانة ~ · 2014-12-17, 13:00

حبيبتي ندوش ... حاشا المسطرة لمد جسر المحبة ...
اخيتي التعديلات التي قلت بسيطة جدا مادامت لن تغير شيء في الشكل العام تقدري تعمليها بقلم رصاص عندك ان شاء الله يكون اسهل عليك ..
بخصوص تكلفة البناء اذا كنت خارج العاصمة و ضواحيها راح يكون السعر حوالي 150 مليون أشغال كبرى يعني الأسس و الأعمدة و الدالة و السلالم و التشطيب انت و مقدورك حسب و حسب المتوسط يكون حوالي 100 مليون للتشطيب . و الله أعلم .
تبنيه و تسكنيه بالصحة و الهناء ان شاء الله ..

crono · 2014-12-17, 16:19

سلام عليكم
سلمت أناملك حبيبتي سهام
شفت المخطط لي درتيه لي حببتي ندية توحشتها
حت هي رهي مع البنيان علبيها مرهيش دور في قسم الأشغال اليدوية
ان شاء الله تتهنا فيه
تبارك الرّحمن
هــايل في كل شيء
الله يسعدك و هنيك حبيبتي سهام
نحتاجك بزااااف ؛؛ إنتظري طلباتي راني مع للدال

~ السلطانة ~ · 2014-12-18, 09:12

اقتباس:

المشاركة الأصلية كتبت بواسطة crono

سلام عليكم
سلمت أناملك حبيبتي سهام
شفت المخطط لي درتيه لي حببتي ندية توحشتها
حت هي رهي مع البنيان علبيها مرهيش دور في قسم الأشغال اليدوية
ان شاء الله تتهنا فيه
تبارك الرّحمن
هــايل في كل شيء
الله يسعدك و هنيك حبيبتي سهام
نحتاجك بزااااف ؛؛ إنتظري طلباتي:d راني مع للدال

صباح الخير سيدة كرونو ... الحمد لله على سلامتك و عاش من شاف حروفك ...
واش حوال ستار أكادمي عندك خلصت و لا مازالت هههههه ...
رانا كامل مع البنيان ان شاء الله دار العز و الهناء يا رب ... راني هنا وين تحتاجين تلقايني ...
شكرا على حضورك معنا ...

noha_ali31 · 2014-12-18, 09:44

اقتباس:

المشاركة الأصلية كتبت بواسطة ~ السلطانة ~

مساء الخير اختي .
ان شاء اللهربي يوفقك في بناءه .
تريدين طابق واحد فقط ؟ اقصد السلالم ؟

شكرا لك على الاهتمام والرد السريع,نريد ان يكون هنك طابق ثاني فيه غير الغرف اما الطابق الاول شبه تصميم في موضوعك
تنفيذ التصاميم هنا
فقط مكان wcوs,d,b لوتغيريه من اجل التهوية و ربي يوفقك ويعطيك ماتتمناي

~ السلطانة ~ · 2014-12-18, 09:52

اقتباس:

المشاركة الأصلية كتبت بواسطة noha_ali31

شكرا لك على الاهتمام والرد السريع,نريد ان يكون هنك طابق ثاني فيه غير الغرف اما الطابق الاول شبه تصميم في موضوعك
تنفيذ التصاميم هنا
فقط مكان wcوs,d,b لوتغيريه من اجل التهوية و ربي يوفقك ويعطيك ماتتمناي

طيب ان شاء الله .

•~ندية الجوري~• · 2014-12-18, 12:43

اقتباس:

المشاركة الأصلية كتبت بواسطة ~ السلطانة ~

حبيبتي ندوش ... حاشا المسطرة لمد جسر المحبة ...
اخيتي التعديلات التي قلت بسيطة جدا مادامت لن تغير شيء في الشكل العام تقدري تعمليها بقلم رصاص عندك ان شاء الله يكون اسهل عليك ..
بخصوص تكلفة البناء اذا كنت خارج العاصمة و ضواحيها راح يكون السعر حوالي 150 مليون أشغال كبرى يعني الأسس و الأعمدة و الدالة و السلالم و التشطيب انت و مقدورك حسب و حسب المتوسط يكون حوالي 100 مليون للتشطيب . و الله أعلم .
تبنيه و تسكنيه بالصحة و الهناء ان شاء الله ..

الله يديمك سُلطانــة اختي سهام ؛؛؛

شكراً على كـل شيء
ربّي يبارك فيك و يحميك

أختي كـرونو ؛؛؛ الله يوفقك
و انا اشتقت لك و راني متابعتكم دايما و لكن مارانيش نشارك

ربي يعينك مع البنيان
حنــا رانـا في سنين مع البنـاء و مزال ما كملنا

و قطعة الأرض هاذي راهي مُستقلة
حتى الآن راهي مشروع
ربي يوفقنا و يرزقنا باش نبدوه

أختي سهام ؛؛؛؛

البيت لي نسكن فيه هــو لي يهمني اكثر
و مزال ما كملناه ؛؛؛
و بإذن الله لمّا يكون عندي كيفاش نحمّل الصور
راح نرسلهم ليك
و أستشيرك في امور كثيرة
خصوصاً المطبخ

لـو تكلمت و وصفتُ شكري و امتناني
لما أنهيتْ
و بإذن الله لن انساكِ أبداً من الدّعاء
.

~ السلطانة ~ · 2014-12-18, 13:51

ندية انا في الخدمة في اي وقت ...

السَّحابة البيضاءْ · 2014-12-20, 09:02

scorpion_noir

السلام عليكم،

بارك الله فيك اختي على الموضوع و جزاك خيرا,

أنا لدي قطعة ارض ذات واجهة واحدة : 11.2 متر و عمق : 12.5 متر، مع العلم ان:

- القطعة بواجهة واحدة، مع وجود جيران من اليمين، اليسار و الخلف.

- الطريق التي تفصلنا عن الجيران المقابلين ضيقة.

- عقرب بوصلة الشمال الى الزاوية اليسار لما نكون مقابلين للمنزل المفترض (الشرق من الخلف تقريبا).

- اريد بناء كاراج في الطابق الارضي و حديقة صغيرة + طابق 1 للنهار ( فناء صغير+ غرفة استقبال+ صالون+ مطبخ واسع ...) + طابق 2 (غرف النوم).

أريد مخطط مليح ما شاء الله و إذا امكن التكلفة المتوقعة، شكرا مسبقا. ( حذفت طلبه من موضوع تنفيذ التصاميم ليجد الاجابة هنا )

noha_ali31 · 2014-12-21, 12:57

شكرا على التصميم ,لكن المشكل في الفناء ادا كان هناك طابق اول فانه يمنع التهوية و الانارة ولو امكن يكون الفناء في ا لاخير اما المستودع يكون بحجم الصالون مع العلم اخبرني زوجي ان الواجهة 9,5م والجهة المقابلة 10,5م هل هدا يؤثر في المخطط لانه اعجبني وزوجي كثيرا

~ السلطانة ~ · 2014-12-21, 13:00

اقتباس:

المشاركة الأصلية كتبت بواسطة noha_ali31

شكرا على التصميم ,لكن المشكل في الفناء ادا كان هناك طابق اول فانه يمنع التهوية و الانارة ولو امكن يكون الفناء في ا لاخير اما المستودع يكون بحجم الصالون مع العلم اخبرني زوجي ان الواجهة 9,5م والجهة المقابلة 10,5م هل هدا يؤثر في المخطط لانه اعجبني وزوجي كثيرا

مساء الخير اختي ..
انا عملتلك فنائين 2 صغار شوية لكن هذا واش قدرت .. حاولت نعملك فناء في آخر المنزل يكون كبير لكن انت اشترطت تهوية للحمام لهذا هذا الحل افضل ضف الى ذللك عندك أكبر عدد ممكن من الغرف ...
تقدري ديري القاراج بالحجم للي تحبيه هذا لن يؤثر ..

الدر المكنون 7 · 2014-12-21, 15:17

السلام عليكم ورحمة الله وبركاته
بارك الله فيك أختي سهام على هذا المجهود الجبار لي راكي تبذلي فيه ،جعله الله في ميزان حسناتك
من فضلك حاباتك تعاونيني في ايجاد حل للتهوية والانارة
لدي سكن أو بالأحرى نصف سكن مكون من طابقين اضافة الى الطابق الأرضي لي هو عبارة عن قاراج كبير
لديه واجهة واحدة تحيط به سكنات الجيران من كل جانب أبعادو 14.5م +0.94م عرض الشرفة على 9.4م والبناء مكتمل تماما يعني فيها الهدم واعادة البناء (جزئيا حسب الحاجة)
المشكل هو انعدام التهوية والضوء
رانا حابين نعملو فتحةابتداءا من الطابق الأول الى السطح لكن ما عرفناش وين نديروها
أولا نعطيك صور تخطيطية للطابقين باش تقدري تفهميني
هذا الطابق الأول لي رانا ساكنين فيه (ماعدا الفتحة غير قابل للتغيير)

وهذا الطابق الثاني ممكن نديرو الدالة للفناء ونرجعوه غرفة ونغيرو مكان المطبخ الى مكان الفتحة لي نعملوهامع الأخذ بعين الاعتبار أن عدد الغرف قليل يعني حابين الفتحة ما يتعداش عرضها المتر أو المتر ونصف على الأكثر

أريد منك تصميم جديد للطابق الثاني وأين يمكن احداث الفتحة الى السطح
المكان المخطط بالأخضر هو مكان الفتحة لي اقترحو علينا البناء لكن زوجي لم ترق له الفكرة كثيراوقال أن الصالة لن تكون فيها التهوئة والانارة المطلوبة فما رأيك أنت يا صاحبة الخبرة ،أفيديني جزاك الله خيرا