وصفات وطبخات قناة سميرة

[magni]

المشاركة الأصلية كتبت بواسطة om sabaa

حابا نعرف وصفة الفلفل النحشي بالفرماج ومغطي بالعجينة

خبيزات الفلفل:
1 كيلو فرينة+ 2 ملاعق اكل خميرة الخبز+1 ملعقة اكل سكر+ 1/2 كاس زيت وتخلطي وتلمي 1 لتر حليب حتى تصبح عجينة تلصق شوية فاليد غطي عليها وخليها تطلع.
الحشو:
فلفل مشوي ومقشر وكي تنحي الراس اختفظي بيه ماترميهش .
كل حبة فلفل كي نقشرها نحلها فالوسط ( على الجنب) وديري رشة ملح والجبن ديريه على الجنب ورولي الفلفل عليه كي الحربوش.
نشكل العجينة خبزات صغار ونرش الفرينة ونحل كل كرية على قد حبة الفلفل ونحط الفلفل على الجنب ونرولي العجينة ونغلق مليح ونرشق فيه من الفوق الراس تاع الفلفل وندهنها بخليط التلميع بالبانسو.
خليط التلميع:
1 ملعقة صغيرة حليب سائل+1ملعقة صغيرة لافاني+صفار حبة بيض+ رشة ملح+ 1 ملعقة صغيرة قهوة طايبة ونخلط ونغطي عليه ونتركوا جانبا.
نذري عليه السنوج او الجلجلانية وندخله للفرن حتى يحمار.
شهية طيبة.

[السحابة]

حتى انا موافقتكم ساعات ما نتفرجهاش من كثرة انشغالي

[السحابة]

انا جربت البابا بالبرتقال وجاتني هايلة


المشاركة الأصلية كتبت بواسطة buffy 23
سلام ...ممكن اللي جربت البابا تع قناة سميرة ...تساعدني ...انا كي حطيت دوائر تشينة ..طلعتلي فوق و انا نفرغ في الخليط تع البابا ...ممكن تقولولي علاش....بش نزيد نعاودها خاطر .......ارجو الرد
ربما خليتي الخليط جاري بزاف لكن ااكد لك ان المقادير نتاع فارس جيدي ناجحة

[sami1212]

بارك الله فيك

[maremimii]

ممكن وصفة تاع المحنشة لي دارها الشاف غارس

[magni]

المشاركة الأصلية كتبت بواسطة maremimii

ممكن وصفة تاع المحنشة لي دارها الشاف غارس

محنشة باللحم المرحي والجبن
300 غ فرينة+ 2 ملاعق اكل لحظة( حليب مجفف)+ 2 ملاعق صغار سكر+1 ملعقة اكل خميرة الخبز+ 3 ملاعق اكل زيت زيتون ونلم العجينة بالماء الدافي حتى تصبح طرية نغطي عليها ونخليها ترتاح.
مقلاة نحط فيها 300 غ لحم مرحي+ شوية زيت+ حبة بصلة مقطعة صغيرة+ ملح+ فلفل اسود ونخلط حتى يطهى اللحم ونخليها تبرد.
نرش الفرينة ونحل العجينة فالطول ( شكل عمودي) ثم نحطها على الشكل الافقي ونحط الحشو على الجنب تاع العجينة على شكل حربوش رقيق ونحط امام الحشو جبن على شكل مستقيم ونرولي العجينة كي الحربوش وندهن الاخير تاعها بالبيض ونغلق مليح وندور العجينة على شكل محنشة ونحطها في مول دائري وندهنها بالبيض كامل ونرش الجلجلانية ونخليها 15 دقيقة ترتاح ثم ندخلها للفرن 180 درجة مدة 20 دقيقة.
شهية طيبة.

[تغرينية]

بارك الله فيك

[khalossa]

فكرة رائعة ربي يبارك لكل واحدة مشاركة وجزاكم الله كل خيرا

تطبيقي لاحد اطباق قناة سميرة
كيش بالدجاج والسلق

[maloo]

المشاركة الأصلية كتبت بواسطة khalossa

فكرة رائعة ربي يبارك لكل واحدة مشاركة وجزاكم الله كل خيرا

تطبيقي لاحد اطباق قناة سميرة
كيش بالدجاج والسلق

ممكن اختي الوصفة والملاحظات انتاعك بما انك طبقتها ولك مني جزيل الشكر.

[sarra5]

فارس جيدي و صليحة بسكري و حكيم الافضل و الاروع في القناة المميزة samira tv

[sarra5]

هنا وصفات قناة سميرة

https://www.youtube.com/channel/UCDQd...?feature=watch

و هنا كل وصفات الحصة الرمضانية المميزة ""ذوق ماكلتنا""

https://www.youtube.com/channel/UCDM1...?feature=watch

و هذه قناة الشاف ""فراس جيدي"" الي تحب تتحاور معاه او تسقسيه

https://www.youtube.com/channel/UCA9P...RMw6-xo5w/feed

كي نلقالكم حاجة نحطهالكم وياريت من صاحبة الموضوع تحط هاذ المواقع وكل وصفات الي حطوها الاخوات في الصفحة الاولى للموضوع

لتعم الفائدة على الجميع

[سوسو الطموحة]

والله العظيم عضوات في القمة.....المساعدة عندكم بالشيء اللي تقدرو....ماشاء الله ...جعله الله في ميزان حسناتكم

[بوسعادة85]

ممكن وصفة الرشتة؟ ووصفة البابا؟؟؟؟؟

[nor hayati]

bonjour fahelat el djelfa habit tamodoli recette ta dolma قرنون dareha farese jidi fi kanat samira dareha fi four merci

[pharma-93]

سلام حبيباتي الله يعطيكم ما تتمناو شكون شافت القاطو لي دارتو السيدة يعلي لولبارح هو يشبه للصابلي بصح الشكل مختلف خدماتو باللمبوط تاع la poche رقم 9 اللي شافتو تمدلي المقادير