انا في دوامة ساعدوني ارجوكم هل انا مريضة بالوسواس ؟

ميسم جوري · 2016-12-29, 00:20

انا فتاة متزوجة عمري 25 سنة كنت اعيش حياة عادية لا اعاني من اي شئ تأزمت حالتي بعد الولادة انجبت طفلة الان عمرها 8 اشهر
عندي شهرين وانا نعاني خضعت للرقية الشرعية قالولي سحر بعد النفاس تأزمت حالتي بعد الرقية بزاف ماوليتش نرقد الليل جسمي ينمل كل خاصة رجلي نحس حاجة حابة تخرج تطلع معايا حتى تخنقني ونبقي نتقيا وخاصة كي نقرى القرآن تقريب شهر وانا في هاد الحالة والاعراض كانت تنمل فالرجلين والجسم كامل والوجه تخدر في اللسان نفقد السيطرة على التحكم في نفسي كي رحت للطبيب قالي جاتك صدمة بعد الولادة درت كل التحاليل خرجو كامل ملاح
بعد دلك وليت ناكل دوا يقلولو ايزوبتيل هي قطرة تحسنت حالتي بعض الشئ
ولكن الان رجعت اللي الازمة من جديد ولات عندي رجفة الجسم واليدين ما نجمش نتحكم فيهم سرعة في دقات قلب ضيق فالتنفس صعوبة فالبلع كل هاد الاعراض ولا عندي وسواس وليت نقول راني حابة نموت تحولت حياتي الى جحيم كي تجيني الحالة ترتفع حرارة جسمي وتزيد سرعة نبضات عاودت رحت للطبيب قال ربما تكون اعراض الغدة الدرقية الترويد عملت التحاليل عندهماسبوع باه يخرجو وانا درك راني بغية نهبل الاعراض هادي كلها خلاتني نعيش في وسواس وخوف وراني خايفة حالتي تزيد اكتر اكتر راني قاصدتكم اخواني في الله ساعدوني ربي يجازيكم شكون اللي مرت عليه نفس حالتي وريح
ادا كان فالمنتدى طبيب يساعدني ربي يجازيكم راني سامحة في بنتي راني حابة نهبل من هاد الاعراض وليت نشوف احلام تزعجني نقول خلاص هادي نهايتي
هل هدا مرض الوسواس اللي كانت عنده اعراض مشابهة يقولي السبب هل انا بحاجة للطبيب ام الرقية
او اعراض لمرض عضوي نستنى ردودكم ادعولي بالشفاء العاجل
° اللهم رب الناس ادهب البأس واشفني انت الشافي يا رب °

ميسم جوري · 2016-12-29, 21:21

ربي يجازيكم اللي فاتت عليه نفس المرحلة يريحلي قلبي راني مريضة او هدا وسواس من الشيطان
اسأل الله العظيم رب العرش العظيم ان يشفيني ويشفي جميع المسلمين
دعواتكم لي بالشفاء

~~كلنا راحلون~~ · 2016-12-30, 23:05

السيدة الفاضلة كنت متردد نمد راي او لا ......اولا مانيش طبيب ولا راقي .....فقط اتابع كلامك .. ....قلتي
تأزمت حالتي بعد الولادة .
خضعت للرقية الشرعية تأزمت حالتي بعد الرقية نحس حاجة حابة تخرج تطلع معايا نفقد السيطرة على التحكم في نفسي كي رحت للطبيب قالي جاتك صدمة ......بعد الولادة درت كل التحاليل خرجو كامل ملاح ...............المعن بعد التحاليل وخاصة الغدة الدرقية صحيحة انسحبي من الطب
بعد دلك وليت ناكل دوا يقلولو ايزوبتيل هي قطرة تحسنت حالتي بعض الشئ .......راكي تلعبي بنار كاشيات والقطرة ضيع انسان وانتي سيدة ومانقدراشرح اكثر
ولكن الان رجعت اللي الازمة من جديد ولات عندي رجفة الجسم واليدين ما نجمش نتحكم فيهم سرعة...................عرض من اعراض المستخدمي الكاشيات والقطرة ونعرف واجد يرجف بسبب الدواء في دقات قلب ضيق فالتنفس صعوبة فالبلع كل هاد الاعراض ولا عندي وسواس وليت نقول راني حابة نموت تحولت حياتي الى جحيم كي تجيني الحالة ترتفع حرارة جسمي

نصيحة اخ ادا كانت الغدة صحيحة انسحبي من الطب تبق اعراضك بين عالم الرقية و الخلعة وادا دخلتي دواء و الرقية مايتقابلوش وتتأذاي وادا صح عندك الخلعة انضمي في موضوع اخت سطايفية
قسم الطلبات - == طلب بخصوص اخصائيين بمرض الخباط او الخلعة في المعدة ==

ومعانا عضو اخ شمام اسم عضويتو الجديدة سبيل الخير راسليه ربما يفيدك

الله يشافيك

ثلجَة · 2016-12-30, 23:09

رب يشفيك و يعافيك و يفرج عليك

bahi65b · 2016-12-30, 23:21

السلام عليكم و رحة الله الأخت الفاضل نسأل لك الله الشفاء و العافية

- أما عن التنمل و الخذر فلا علاقتة له بالصدمة بعد الولادة فذلك
يكون خلل و ظيفي في الأعصاب أما إلتهابات عصبية أو ضغط على الأعصاب
وخاصة إذا كا يرافقها سخونة شبه حرقان
- أما الشعور بالقي و تزايد ضربات القلب فهذا شيء طبيعي لأ نكي تكونين في حالة
هلع و خوف مما يثير لك القلون العصبي و يسبب لك الأعراض

- المهم عليك بزيارة طبيب الأعصاب يفحص لك العمود الفقري و كذا الدماغ
- و إن شاء الله بسيطة ولا تقلقي نفسك أكثر .
- تفاءلي خيرا فتزول عليك عدة أعراض بإذن الله
وواصلي الرقية الشرعية أيضا فهي ممتازة

ميسم جوري · 2016-12-30, 23:51

اقتباس:

المشاركة الأصلية كتبت بواسطة فتى اسمر

السيدة الفاضلة كنت متردد نمد راي او لا ......اولا مانيش طبيب ولا راقي .....فقط اتابع كلامك .. ....قلتي
تأزمت حالتي بعد الولادة .
خضعت للرقية الشرعية تأزمت حالتي بعد الرقية نحس حاجة حابة تخرج تطلع معايا نفقد السيطرة على التحكم في نفسي كي رحت للطبيب قالي جاتك صدمة ......بعد الولادة درت كل التحاليل خرجو كامل ملاح ...............المعن بعد التحاليل وخاصة الغدة الدرقية صحيحة انسحبي من الطب
بعد دلك وليت ناكل دوا يقلولو ايزوبتيل هي قطرة تحسنت حالتي بعض الشئ .......راكي تلعبي بنار كاشيات والقطرة ضيع انسان وانتي سيدة ومانقدراشرح اكثر
ولكن الان رجعت اللي الازمة من جديد ولات عندي رجفة الجسم واليدين ما نجمش نتحكم فيهم سرعة...................عرض من اعراض المستخدمي الكاشيات والقطرة ونعرف واجد يرجف بسبب الدواء في دقات قلب ضيق فالتنفس صعوبة فالبلع كل هاد الاعراض ولا عندي وسواس وليت نقول راني حابة نموت تحولت حياتي الى جحيم كي تجيني الحالة ترتفع حرارة جسمي

نصيحة اخ ادا كانت الغدة صحيحة انسحبي من الطب تبق اعراضك بين عالم الرقية و الخلعة وادا دخلتي دواء و الرقية مايتقابلوش وتتأذاي وادا صح عندك الخلعة انضمي في موضوع اخت سطايفية
قسم الطلبات - == طلب بخصوص اخصائيين بمرض الخباط او الخلعة في المعدة ==

ومعانا عضو اخ شمام اسم عضويتو الجديدة سبيل الخير راسليه ربما يفيدك

الله يشافيك

شكرا ليك اخي ربي يجازيك اللي فهمتني ووريتني الطريق انا مارانيش عارفة واش راني ندير خرجولي تحاليل الغدة ملاح يعني معنديش
راح نعاود الرقية الشرعية والخلعة دير هاكة؟ ربي يجعلها في ميزان حسانتك ويعطيك على حساب نيتك اخي بارك الله فيك

يوسف الجزائري الحر · 2016-12-31, 00:24

عملت التحاليل عندهماسبوع باه يخرجو؟؟؟؟
لم افهم ؟؟؟

ميسم جوري · 2016-12-31, 00:35

اقتباس:

المشاركة الأصلية كتبت بواسطة snow_snow

رب يشفيك و يعافيك و يفرج عليك

اامين يا رب شكرا ليك اختي على مساندة ربي يشافي جميع المسلمين

ميسم جوري · 2016-12-31, 00:40

اقتباس:

المشاركة الأصلية كتبت بواسطة bahi65b

السلام عليكم و رحة الله الأخت الفاضل نسأل لك الله الشفاء و العافية

- أما عن التنمل و الخذر فلا علاقتة له بالصدمة بعد الولادة فذلك
يكون خلل و ظيفي في الأعصاب أما إلتهابات عصبية أو ضغط على الأعصاب
وخاصة إذا كا يرافقها سخونة شبه حرقان
- أما الشعور بالقي و تزايد ضربات القلب فهذا شيء طبيعي لأ نكي تكونين في حالة
هلع و خوف مما يثير لك القلون العصبي و يسبب لك الأعراض

- المهم عليك بزيارة طبيب الأعصاب يفحص لك العمود الفقري و كذا الدماغ
- و إن شاء الله بسيطة ولا تقلقي نفسك أكثر .
- تفاءلي خيرا فتزول عليك عدة أعراض بإذن الله
وواصلي الرقية الشرعية أيضا فهي ممتازة

شكرا ليك ربي يجازيك راني فهمت المشكل وين وانشاء الله راه نروح لطبيب الاعصاب

ميسم جوري · 2016-12-31, 00:43

اقتباس:

المشاركة الأصلية كتبت بواسطة يوسف الجزائري الحر

عملت التحاليل عندهماسبوع باه يخرجو؟؟؟؟
لم افهم ؟؟؟

عملت التحاليل عند مخبر خاص وقالي اسبوع باه تبان النتيجة فهمتني اخي
حتى لليوم خرجو النتائج ومعندي حتى حاجة برك السكر ناقص ونتاع الغدة خرج معنديش مشكل
ربي يجازيك اخي بارك الله فيك

bahi65b · 2016-12-31, 18:23

اقتباس:

المشاركة الأصلية كتبت بواسطة ميسم جوري

شكرا ليك ربي يجازيك راني فهمت المشكل وين وانشاء الله راه نروح لطبيب الاعصاب

الحمد لله ما دام فهمتي المشكل فهذا يزيدك إرتياح و التشخيص السليم هو نصف العلاج
الله يشفيك و يعافيك

لجين امنيتي · 2016-12-31, 20:14

بسم الله الرحمان الرحيم اختي لا تخافي فلقد مررت بهذا المشكل عندما ولدت بابنتي الثالثة وهي الان تبلغ سبع سنوات ففي تلك الفترة وبعد ولادتي بشهر ونصف اصبحت لا انام في الليل وتاتيني افكار سوداء كمحاولة الانتحار وكره كل شيئ ووصلت الي غاية كره الحياة وما فيها واشياء اخري عجيبة ولما بحثت عن المشكل عرفت انه الوسواس القهري وهو مرض عادي اذهبي الي طبيب الاعصاب وهو سيعطيك الدواء الشافي باذن الله وعليك بالصلاة وقراءة القران الكريم واتمني لك الشفاء باذن الله

zakisat1 · 2017-01-01, 17:33

السلام عليكم
أختي انا لست طبيبا انا مجرد طالب لكن حسب تشخيصي ما اصابك هو Postnatal depression او ما يسمى بإكتآب ما بعد الولاده و تغير في الهرمونات و النواقعل العصبية في الدماغ ما يصاحبه obsessive complusive disorder و هو الوسواس القهري او anxiety و هو اظطراب الهلع و الخوف
كل هذه الأمراض لها علاقه مع بعضها و لها علاقه بالدماغ بالتحديد الناقل العصبي Serotonin و الناقل العصبي norephinephrine
من اعراض ذلك :
- كثرة الشك خاصة بما يتعقل بامراض الجسم ( سوف اموت .. سوف يحصل شيء خطير ..الخ )
- الإحساس بالذنب لعدم القيام بواجبك نحو الابن نتاعك
- energy عندك قليله و تكوني عيانه كل الوقت
- الإكتأب و الإحساس بعدم القيمه للنفس
- اضرابات في النوم
- احساس انك لا تستطيع القيام بواجبك نحو الطفل او انك مذنبة
- ربمى حتى افكار تأذي ابنك رغم انك لا تودين فعلها داخليا الا انها مجرد افكر
- زيادة نبظات القلب و ربمى احساس بخوف دون سبب في المعدة
- ما تلمتي عنه تحسي انه شي راح يخرج منك تسمى hot flashes و ترتفع درجه حرارة و كانها شعلة راح تخرج من جسمك
- البكاء دون سبب .....

هناك الكثير من الأعراض ذكرتلك بعض منهم اذا كانت عندك الكثير من هذه الأعراض انت تعرفي روحك.. منعكذبش عليك اختي مكان ني رقية ني سحر ما بعد الولاده اعلمي انها مجرد افكار فقط ليست حقيقة رغم انكي تعتقدين إانها حقيقة ..
ما عليكي هو انكي تروحي عند طبيب مختص في الأعصاب psychiatrist يعطيك دواء يسترجعلك المواد الي دكرتهم لك الفوق و ان شاء الله سوف تتحصن حالتك ليكن في علمك ان الدواء يستغرق مدة للعمل تحدثي مع الطبيب و سوف يشرح لك

ارجوا ان اكون افدتك اختي اي سؤاال انا هنا

سمية 61 · 2017-01-05, 14:42

نصيحة لاتدخلي عالم ادوية الاعصاب انت لاباس عليك وحالتك والله اعلم وانا شبه متأكدة وشفت حالات كثر عليك بالرقية الشرعية وقراءة سورة البقرة قدر ما تستطيعين والدعاء وان شاء الله سترتاحين

nadir ma · 2017-01-23, 23:25

رب يشفيك و يعافيك و يفرج عليك