سوفي يا بنتي الفلفل عندو بزاف وصفات انا نقلك لي نعرفهم وان شاء الله يدخﻻو العضوات يفيدوك ويفيدونا بوصفاتهم
كاين تشكسوكت الفلفل عندي 4انواع منها
1)-تشوي الفلفل والطماطم وبعد ما تشويهم تنقيهم وتحطيهم بجيه ومن جهة اخرى في طنجرة ديري الزيت والثوم وفلفل عكري قليهم على نار قليلة من بعد ضيفيلهم الفلفل المسوي مقطع رقيق ثم الطماطم مقطعة رقيقة وخليهم على نار قليلة يطيبو ويدبالو مع اضافت القليل من طماطم المصبرة تقريبا ربع ملعقة تحلحليها فالقليل من الماء وضيفيه وتخلي الكل ينسجم وبعد ما تنشف المرقة ضربي 2حبات بيض وضيفيح على الخليط وخليها مدة 5دقايق وطفيها
2 )-نفس الطريقة الاولى لاكن بالبطاطا
بعد ما نشوي الطماطم والفلفل ونقيهم ونحطهم بجيه ناخد قدر نحط فيه بطاطا بعد ما قطعناها رقيفة كيما لي نقليها نضيفلها شوية زيت وثوم مقطعة رقيفة وفلفل عكري نخليها تتقلة من بعد نضيف الفلفل المشوي وااطماطم ونخلي الكل ينسجم ثم نضيف ربع ملعقة طماطم علب ونحللها في شوية ماء ونضيفها للقدر ونخلي المرقة حتى تشرب ونضيف 2او3 حبات بيض
3)- الطريقة 3 نفس الشيء نشوي الطرشي والطماطم لاكن نضيفلهم حبة او 2 من البدنجال المشوي وفي طنجرة ندير بصلة كبيرة وثوم وزيت نخليهم يتقلاو من بعد نضيفلهم الفلفل والبدنجال والطماطم ونخلي الكل يطيب مع بعض وهاد الطريقة ما نديرلهاش البيض ولا طماطم مصبرة ولا ماء نخليها طيب غير في ماها
4 )-هاد الطريقة بلا ما نشوي الفلفل في طنجرة نقطع الفلفل قطع صغيرة ثم نضيف البدنجال كدالك قطع صغيرة ثم نضيف ثوم وبصل وفلفل عكري ونخلي الكل يطيب ثم نضيف طماطم مرابيا و ربع ملعقة طماطم
مصبرة ونخلي الكل ينسجم ويتلق بنة على بنة
5 )- اوملات فلفل تشوي الفلفل وتنقيه وتقطعيه رقيق وتحطيه في مقلة فيها شوية زيت وتفقسي عليه البيض كيما ديري فريت املات
سلطات الفلفل
1 )- نشوي الفلفل نقيه ونقطعو طراف صغار ثم نضيفلو طماطم مقطعة رقيقة وبصل ونضيفلهم الفينيغرات
2 )-نشوي الفلفل والبدنجال نقيهم ونقطعهم في صحن ونضيفلهم ثوم او بصل ثم نضيفلهم الفينيغرات
3 )-نشوي البدنجال ونقيه ونقطعو قطع صغيرة ونضيفلو ثوم مقطع رقيق وفينيغرات
4 )- نقلي الفلفل ونقيه ونقطعو بالطول قطع طويلة ورقيقة نحط في صحن ونضيفلو شوية خل
ان شاء الله قدرت نفيدك بهاده الوصفات
تحياتي
( تقرير عن مشاركة سيئة )، و الموجودة أسفل كل مشاركة .
2015-04-04, 11:27
العرض العادي
