أكثر من 20 ولاية متأخرة بمدة 7 أسابيع

[عبد الفتاح8]

السلام عليكم ورحمة الله تعالى وبركاته أما بعد:
هل صحيح ما ورد في جريدة الخبر اليوم أن أكثر من 20 ولاية متأخرة في البرنامج الدراسي بمدة 7 أسابيع ولا يمكن تدارك إلا أسبوع واحد قبل تاريخ العتبة ؟
الرجاء من لديه معلومات إفادتنا وشكرا

[‘♥’حسناء‘♥’ او ‘♥’جسناء’22‘♥]

انا تاني قريتها وان شاء الله يكون صح

[سندريلا SF]

الله اعلم
ربي يجيب اللي فيه الخير

[M!ss_f@ti]

يا أختي احنا الأساتذة قالولنا بجاية وتيزي وزو وباتنة راهم متاخرين

يرجى من أعضاء هذه الولايات أن يوافونا بالصحيح

شكرا

[oussama.347]

أضن اننا منهم

الرياضيات ............. المتتاليات

الفيزيا ................. أنهينا الميكانيك

العلوم ...................الجيولويا

[الوردة المتفتحة]

حنا مي تيارت متاخرين ب6 اسابيع

[mounir92]

كذبة......و ياجماعة راه صرح الوزير وقال 90 بالميئة مدارس الوطن مكملة البرنامج

[konvictcm]

هل صحيخ ما تقول يا الأخ oussama

[607]

انا من ولاية باتنة شعبة تسير و اقتصاد تقريبا اكملنا جميع الدروس

[ablaa]

انا من ولاية سطيف تقريبا خلصنا كلشي في جميع المواد

[oussama.347]

نعم نحن في الرياضيات في المتتاليات ولكن اكملناها البارحة

الفيزيا اكملنا الميكانيك وقال لنا الأستاذ انه سوف يدرسنا يوم السبت غدا ساعة أضن فرض أو ندخل الأسترة

العلوم الجيولوجيا ولكننا توقفنا عند العتبة الأولية

[khouloud_25]

انا من قسنطينة والله العظيم المحور الاخير ماكملناش في معظم المواد رانا متاخريييييييييين بزاف

[feriel1]

انا من بجاية وصحيح رانا متاخرين بزاف .
انا في شعبة تسيير و اقتصاد حنا في الشعبة نتاعنا تقريبا خلصنا البرنامج واضن ان شعبة علوم تجريبية متاخرين بزاف في مادة الاجتماعيات فالاسبوع لي فات برك خلصوا الاتحاد الاوروبي ومازال مادخلوا في دروس اسيا و جنوب شرق اسيا .
بالنسبة لشعبة تسيير و اقتصاد وفي مادة الرياضيات كاين بزاف ثانويات مزال مادخلوش في الاحتمالات ومازالهم في الدوال الاسية ومانضنش ان الاسبوع الجاي يكفيهم لاتمام دروس الاحتمالات.
المهم رايحة نحاول نشوف الثانويات الاخرى والشعب الاخرى وين وصلوا ونخبركم .

وكنصيحة مني نحيو فكرة العتبة من راسكم حتى وان كانت كاينة
حاولوا تراجعوا كل الدروس لي قريتوها وخاصة ان الاساتذة راهم ضد هذه العتبة في الدروس لانها ماشي لصالحنا حتى وان كانت رايحة تساعدنا في تجاوز الباكالوريا ولكن ليس المهم الحصول على الباكالويا ولكن المهم هو واش عندك في راسك كي تروح للجامعة ومالازمش نشفوا لهذا العام برك لازم نشفوا بعيد لسنوات لي راهي جاية .
ربي يهدينا كامل ويهدي لي راهم يلعبوا بنا بهذه الطريقة ولينا كي فأران التجارب .

[عبد الفتاح8]

سلام feriel إذا قدرتي أختي العزيزة توافينا بمعلومات دقية حول شعبة العلوم التجريبية خاصة في المواد العلمية اليوم نشاله ؟

[دعاء اية]

كون غير تدخل في العتبة كل الفصول

خطراكش يا .......... كون يديرو غير الفصل الثاني
يطلعو المعدلات الى اقصى حد
اذا كانت العام الماضي المدارس العليا مثلا المعدل الحسابي 17
السنة يكون 18
افطنو وادعوا باش يدخل كلش