موضوع خدماتي || لكلّ استفاراتكم المتعلّقة بالدّهان .

[samassim]

machekora oukhti rabi yektablek wach ga3da tekhademi fi mizan 7assanatek

[هندة 74]

مشكورة حبيبتي على الاجابة ربي يهنيك

[نادية28]

السلام عليكم اختي ماريا انا عندي سكن جديد وحابة ندهنو بغيتك تنصحيني بالالوان لي نديرها في الكولوار علما انا الدالدوصول وفايونس باج وابالنسبة للصالون وغرفة النوم وغرفة الاطفال ماهي الالوان الدارجة وماننساش المطبخ وعندي حويش صغير ارجووو ان تردي عليا في اقرب وقت الدهان بعد غدوة راح يبدا ولقد ذكرتي من قبل انك راح تعطينا الفيسبوك تاع زوجك ممكن تمدهولي لاني نحب نشوف الصور لانك راكي تقوليلنا وتنصحينا وجزاكي الله كل خير لكن بدون صور مهمتك شوية ناقصة اعذريني ان طولت عليك

[سعودي خرفي]

أنا اشتريت بيت جديد وجدت صاحب البيت دهن كل الجدران بالتيراكو
المطلوب كيفية نزع هدا النوع من الدهن من على الحائط لإعادة الدهن بلأنواع الجديدة

[Maria dadi]

السلام عليكم اختي نادية
شوفي نبدأ بالصور والفيس بوك
اول حاجة صور راني دايرة مواضيع في قسم حصريات الديكور راني حاطة اعمال زوجي
ثاني حاجة فايس بوك راني نكتبو ويخرج نجوم لأنو ممنوع وقيلا
ضرك نجاوبك
شوفي كاين ثلاث ألوان خاصة بالكولوار برك هوما الباج وذهبي وفضي وانت خيري بينهم
الصالون لي راه دارج زوج ألوان بزوج ألوان مثلا زوج اخضر وزوج بلون كاسي
غرفة البنات أنصحك بالغوز فوشيا وكاين طوابع تترسم فوق دهان فراشات أزهار خاصة بالبنات
ونتاع الذكور أكيد اللون الأزرق وتاني فيه طوابع جميلة الكرة أمواج البحر خاصة بالذكور

غرفتك انتي سيدتي ديريها روج بريكي فاتح او موف فاتح أيضاً
بالنسبة للكوزينة والحوش كوزينة ديريها مارون شوكولا مع باج والحوش ديريه باج
بالتوفيق اختي

[Maria dadi]

اخي سعودي خرفي لي عودة للإجابة على سؤال

[Maria dadi]

السلام عليكم
صباح الخير
اخي سعودي خرفي باه تنزع دهان التيراكو من الحيط كاين زوج حلول فقط اما تقراطيها من الحيط
بالقراطوار ولا تصب عليها ماء سخون وهي تسيح وحدها
وبالتوفيق اخي

[djebabracris]

أختي باش نشوفو الفايسبوك تاع زوجك ونشوفو الخدمة تاعه
مثلا باغي نحط فايسبوك تاعي بصح يطلع نجوووووم مشكلة
قولي لقينا الحل:
https://www.djelfa.com/thelucky1one

في بلاصة الفايسبوك FB حطي djelfa ومن بعد حنا غادي نبدلو وهكا نقدرو ندخلو للفايسبوك تاع زوجك، ان شاء الله تفهمي الطريقة
المهم باركة الله فيك

[~رآقية بأخلآقي~]

السﻻم عليكم اختي ماريا

احنا حابين نعاودو البانتورة تاع الصالون وتاع الدخلة تاع دارنا واليوم الصباغ كي جاء قالو خويا راح نديرو فار بيستاج وغدوا راح يصبغهم ان شاء الله
زعما يكونو مﻻح؟؟؟انا كي شفت في اﻻنترنت معجبنيش الكوﻻر و اذا عندك اقتراح او اضافة الله يخليك جاوبيني اليوم وشكرا ليك مسبقا

[أسية24]

ما إسم الدهان المستعمل في هذه الصورة وما هو سعره وهل ممكن شرخ مبسط للطريقة وللأدوات المستعمله في هذا النوع من التزيين



rl=https://dzfile.com/][/url]

[ام تقوى 34]

السلام عليكم
حنا الشمبرة مدهونة بالبانتورة تاع
الماء حبينا نعاودوها بالدهان تاع الزيت
هل يصل ح

[Maria dadi]

لي عودة للإجابة على الالسالة ان شاء الله

[hakou12]

السلام عليكم ورحمة الله وبركاته

انا عندي منزل جديد اكملت كل شيء المطبخ والحمام والكوروال فاينس مازلت الا الصبغة
للعلم اللوندي عملت غير في الكوروال والصالة والكوروال الفاينس ابيض وفيه الاسود
ارجوك اريد الوان مناسبة للغرف والصالة والكوروال وهل اعمل الصالة بلونين مختلفين او لون واحد احسن

[Maria dadi]

ختي راقية باخلاقي سامحني تأخرت عليك ان شاء الله يكون خرج
اللون شباب

[Maria dadi]

آسية 24
اسم الدهان سابيلادور السعر نتاعو 650 دج للبيدون
طريقة العمل شوفي قوقل يوضحلك احسن